“Nnyịn Iwaha Edem Fo Koro . . . ”

Ke ini mme enyeneufọk ẹbererede usụn̄ufọk mmọ ẹnyụn̄ ẹkụtde nnyịn, mmọ ẹkeme ndikere m̀mê nnyịn idi mmanie ẹnyụn̄ ẹyom ndifiọk ntak emi iwahade. Nso ke ikpebem iso itịn̄ man esịt ana mmọ sụn̄? Ke ẹma ẹkekọm enyeneufọk, ndusụk mme asuanetop ẹsida ikọ oro “koro” ẹtịn̄ ntak emi mmọ ẹwahade. Ke uwụtn̄kpọ, mmọ ẹkeme ndidọhọ: “Nnyịn idi edem fo koro ediwak mbọhọidụn̄ nnyịn ẹkop editịmede esịt ẹban̄a ubiatibet. Ndi emekere ke . . . ” mîdịghe ẹdọhọ “Nnyịn iwaha edem fo koro in̄wam mme owo ẹkpep Bible ke mfọn.” Edieke ibemde iso isian enyeneufọk ntak emi nnyịn iwahade ufọk esie, oro ekeme ndinam enye oyom ndikpan̄ utọn̄ n̄kop se iditịn̄de.