Nso ke Afo Edinam ke Mme Usen Nduọkodudu?

Eti ini esidi emi ndiwọrọ an̄wautom koro ediwak mme anamutom ẹsidu ke ufọk ke mme usen nduọkodudu ido ukpono ye eke idụt. Ẹsịn udọn̄ ẹnọ mme esop ndinam san̄asan̄a ndutịm ndinọ ikọ ntiense ke usen nduọkodudu. Edieke ediwak owo ke efakutom mîdibakke idemede, ọyọfọn ndikpụhọ ini oro ẹditọn̄ọde mbono an̄wautom. Ẹkeme ndinọ ntọt ke Esoputom nte ke ẹnam san̄asan̄a ndutịm ndinọ ikọ ntiense ke usen nduọkodudu ẹnyụn̄ ẹsịn udọn̄ ẹnọ kpukpru owo oro ẹkemede nditiene mbuana. Edi akpanikọ, mme usen nduọkodudu ẹsidi eti ini nnyịn ndiduọk odudu mîdịghe ise iban̄a mme mbubehe idem nnyịn. Edi nte ikpọfọnke ndida ndusụk ini n̄wọrọ an̄wautom? Do ke afo edinyene nduọkodudu ke ini etienede anam edisana utom emi.—Matt. 11:29, 30.