Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke September

“Mmọkọm-o! Nnyịn isobo ye mme owo ibio ibio inyụn̄ inọ mmọ eti n̄kpọ oro an̄wamde mme ọdọ ndọ ẹnam ndọ mmọ ọfọn. Afo ekere ke nso idi akpan ntak kiet oro anamde mme ọdọ ndọ ẹkûkop inemesịt?” Bet ibọrọ. Wụt ibuotikọ oro odude ke edem Enyọn̄-Ukpeme eke September 1, neme se idude ke idak akpa mbụme ye enye nyụn̄ kot ke nsụhọde n̄kaha kiet ke otu itie N̄wed Abasi oro ẹsiakde ẹsịn do. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme September 1

“Nnyịn isan̄a ise mme owo koro ediwak owo ke obio emi ẹsikere ntak emi Abasi ayakde ufen odu. Ndi akanam afo emekere aban̄a oro? [Bet ibọrọ.] Edi eti n̄kpọ ndifiọk ke Bible ọn̄wọn̄ọ nte ke ini ke edi emi mfụhọ ye ubiak mîdidụhe aba. [Kot Ediyarade 21:4.] Magazine emi eneme akpan ntak ition emi anamde ekese ufen odu. Enye etịn̄ n̄ko se Bible ọdọhọde nte Abasi edinamde man ufen etre.”

Ẹdemede! September–October

“Nnyịn inyene nneme ye mme mbọhọidụn̄ nnyịn iban̄a n̄kpọ oro enen̄erede afịna mme owo, oro edi, ufịk. Ndusụk owo ẹsiyat esịt m̀mê ẹsịn ntịme man ẹwụt ke mmimọ imaha ufịk. Ndi afo emekere ke oro esinam n̄kpọ ẹfọn? [Bet ibọrọ.] Kop se Bible etịn̄de mi nte se idinamde n̄kpọ ẹfọn ke isọn̄. [Kot Matthew 6:9, 10.] Magazine emi ọbọrọ mbụme emi, Ndi iyatesịt ye ntịme ẹkeme ndikọk mfịna?”