Mme Ntọt

◼ N̄wed ẹnọde ke May ye June: Ẹnọ mme tract oro ẹnyenede ke esop. Edieke owo enyenede udọn̄, da n̄wed Bible Ekpep mîdịghe ediye uduot ekpri n̄wed Kpan̄ Utọn̄ Nọ Abasi m̀mê Kpan̄ Utọn̄ Nọ Abasi Nyụn̄ Du Uwem ke Nsinsi wụt nte ẹkpenịmde ukpepn̄kpọ Bible. July ye August: Eti Mbụk Emi Otode Abasi! m̀mê kiet ke otu ndiye uduot n̄kpri n̄wed emi ẹnyenede page 32, oro ẹtienede mi: Kpan̄ Utọn̄ Nọ Abasi m̀mê Kpan̄ Utọn̄ Nọ Abasi Nyụn̄ Du Uwem ke Nsinsi, Usụn̄ Oro Adade Esịm Nsinsi Uwem—Nte Afo Omokụt Enye? Ke ini ọkwọrọde ikọ ọnọ mme muslim, nọ Real Faith—Your Key to a Happy Life ye The Guidance of God—Our Way to Paradise mîdịghe nọ kiet ke otu mbiba emi.

◼ Nso ke akpanam edieke odude ke ufọkibọk ndien oyom mbiowo esop mbufo mîdịghe mbiowo oro ẹdude ke Otu Uka N̄kese Mbon Udọn̄ọ, edieke edide ke akwa obio, ẹdise fi? Ke ini anamde ẹdiọn̄ọ fi nte kiet ke otu Mme Ntiense Jehovah, afo ekpenyene n̄ko ndinam an̄wan̄a nte ke ayama asan̄autom emi edide owo Ntiense Jehovah edise fi. Ibet Nigeria ye ibet oro aban̄ade usọbọidem ke ufọkibọk inyịmeke mbon ufọkibọk ẹtịn̄ se ifịnade fi ẹnọ mbon en̄wen, esịnede ntọt usọbọidem fo, edi edieke afo oyomde, ibet enyịme n̄ko mbiowo ẹdiọn̄ọ ke afo odu ke ufọkibọk, onyụn̄ enyịme mmọ ẹdinọ fi nsịnudọn̄ ke n̄kan̄ eke spirit.