Mme Ntọt

◼ N̄wed ẹnọde ke January ye February: Da kiet ke otu ndiye uduot n̄kpri n̄wed emi ẹnyenede page 32 mi domo nditọn̄ọ ukpepn̄kpọ Bible: Afo Emekeme Ndidi Ufan Abasi!, Kpan̄ Utọn̄ Nọ Abasi mîdịghe Kpan̄ Utọn̄ Nọ Abasi Nyụn̄ Du Uwem ke Nsinsi. Ke ini anamde mfiakn̄ka, nọ n̄wed Bible Ekpep mîdịghe nọ kiet ke otu ndiye uduot n̄kpri n̄wed oro ẹsiakde mi edieke emi edemerede enye udọn̄. March ye April: Mme magazine Enyọn̄-Ukpeme ye Ẹdemede! Ke ini anamde mfiakn̄ka, nọ n̄wed Bible Ekpep mîdịghe nọ kiet ke otu ndiye uduot n̄kpri n̄wed Kpan̄ Utọn̄ Nọ Abasi m̀mê Kpan̄ Utọn̄ Nọ Abasi Nyụn̄ Du Uwem ke Nsinsi edieke emi edemerede enye udọn̄, nyụn̄ domo nditọn̄ọ ukpepn̄kpọ Bible.

◼ Nnyịn imenem esịt nditọt nte ke 2013, ẹyenịm mbono ke Usem Idiọn̄ọ Mbon America (ASL) ke mme ebiet oro ẹtienede mi: Badagry ke March 16-17 ye August 18; Benin City ke February 8-9 ye June 30; Ibadan ke March 23-24 (Ẹyenịm Usen Akpan Mbono ke Lekki ke June 9); Kwali ke February 16 ye June 22-23; Lekki ke March 30-31 ye June 8; Uli ke February 24 ye May 4-5. N̄ko, ẹyenịm mbono ke usem French ke Badagry ke March 24 ye June 15-16. Ẹdinam kpukpru n̄kpọ ke mbono emi ke Usem Idiọn̄ọ Mbon America ye usem French. Ẹkot mbon emi ẹdiọn̄ọde usem mbiba emi ẹdidụk.

◼ Ibuotikọ utịn̄ikọ an̄wa emi mme esenyịn circuit ẹdinọde ke akpatre ikpehe isua utom 2013 edi ‘Eti Mbụk Emi Ẹtan̄ade Ẹnọ Kpukpru Mme Idụt, Esien ye Usem.’

◼ Ke ndondo oro mme magazine ẹdide ẹdisịm, ẹkpenyene ndision̄o mmọ ndori man mme asuanetop ẹkemen. Emi ayanam mme asuanetop ẹnyene ifet ndikot nnyụn̄ mmehe ye se isịnede. N̄ko, ekeme ndidi enyene akpan ibuotikọ m̀mê nsiondi oro mmọ ẹkpemade ndida nnyene nneme ye eyen ukpepn̄kpọ mmọ ke ini mfiakn̄ka m̀mê ukpepn̄kpọ Bible. Owo ndomokiet ikpenyeneke ndikpan asuanetop ete okûnịm magazine ini kiet ekededi oro enye oyomde ndinam oro.