Ndụn̄ọde Ufọkn̄wed Utom Ukara Abasi

Ẹdineme mme mbụme oro ẹtienede mi ke Ufọkn̄wed Utom Ukara Abasi ke urua ọtọn̄ọde December 31, 2012. Ẹsịn usenọfiọn̄ oro ẹdinemede akpan n̄kpọ kiet kiet man ẹkeme ndinam ndụn̄ọde ke ini ẹtịmde idem ẹnọ Ufọkn̄wed Utom Ukara Abasi kpukpru urua.

1. Didie ke ntịn̄nnịm ikọ oro ẹwetde ke Joel 2:1-10, 28, emi aban̄ade mme n̄kpọnta osu? [Nov. 5, w07 10/1 p. 13 ikp. eki. 1]

2. Ikọ Amos 8:11 osu mmanie ke idem, ndien sia nnyịn inyenede ọkpọmiọk udia eke spirit mfịn, nso mbụme ke ikpobụp idem nnyịn? [Nov. 12, w04 11/15 p. 25 ikp. eki. 21, 22]

3. Nso ikpakanam mbon Edom ẹseri iseri, ndien nso akpan n̄kpọ ke mîkpanaha nnyịn ifre? (Obad. 3, 4) [Nov. 19, w07 11/1 p. 13 ikp. eki. 6]

4. Ke nso usụn̄ ke Jehovah akakabade esịt m̀mê okpụhọde ekikere esie aban̄a idiọkn̄kpọ oro enye ọkọdọhọde ke iyanam mbon Nineveh? (Jonah 3:8, 10) [Nov. 19, w07 11/1 p. 14 ikp. eki. 13]

5. Didie ke ikeme ndisan̄a ke enyịn̄ Jehovah, ndien ntak emi edide akpan n̄kpọ? (Mic. 4:5) [Nov. 26, w08 10/15 p. 21 ikp. eki. 3]

6. Ntịn̄nnịm ikọ ke Nahum 2:6-10 ndisu ọsọn̄ọ nso ọnọ nnyịn? [Dec. 3, w07 11/15 p. 9 ikp. eki. 2; w88 2/15 p. 25 ikp. eki. 8]

7. Nso ke ikọ Haggai 1:6 ọwọrọ, ndien nso ke ikpekpep ito emi? [Dec. 10, w06 4/15 p. 22 ikp. eki. 12-15]

8. Didie ke ikeme ndinam eti item oro ẹwetde ke Zechariah 7:10, emi ọdọhọde ke ikpanaha ‘iduak kiet eken idiọk’ ke esịt nnyịn? [Dec. 17, w99 10/15 p. 17 ikp. eki. 3; w07 12/1 p. 11 ikp. eki. 3]

9. Ntak emi se ẹwetde ke Zechariah 4:6, 7 ọnọde mbon oro ẹtuakde ibuot ẹnọ Jehovah mfịn ndọn̄esịt? [Dec. 17, w07 12/1 p. 10 ikp. eki. 7]

10. Nte ẹwụtde ke Malachi 3:16, ntak emi nnyịn mîkpetehekede ube ke ubiere nnyịn ndisọn̄ọ nda ye Abasi? [Dec. 31, w07 12/15 p. 29 ikp. eki. 3]