“Mme Ekikere Oro Ẹkpedade Ẹnọ Mme Magazine ke . . . ”

Nte ido edide, kpukpru ọfiọn̄ imesinyene ikpehe Esoputom oro aban̄ade nte ẹkpenọde mme magazine. Uduak ikpehe emi idịghe ndidụn̄ọde se idude ke mme magazine. Utu ke oro, edi ndida nneme mme ekikere oro ẹkpedade ẹnọ mme magazine. Mmọdo, nte ẹtemede, eyenete oro esede aban̄a ikpehe emi eyetịn̄ ata ibio ibio ntọn̄ọikọ oro edidemerede otuowo udọn̄ ke mme magazine emi. Ekem enye ọyọdọhọ mme asuanetop ẹnọ ekikere ke nsio nsio ibuotikọ man kpukpru owo ẹkop ẹnyụn̄ ẹfiọk mme ekikere oro mmọ ẹkpedade ẹnọ mme magazine emi. Utu ke ndidọhọ otuowo ẹtịn̄ nte mmọ ẹkpenọde magazine, enye edidọhọ ẹtịn̄ m̀mê ewe mbụme oro edemerede owo udọn̄ ke ẹkpebụp, ndien ekem obụp itie N̄wed Abasi oro ẹkpekotde. Enye ndien eyeberi ke ndidọhọ ẹnam ẹwụt nte ẹkpenọde nsiondi magazine kiet kiet. Ẹsịn udọn̄ ẹnọ nnyịn ndibem iso ndụn̄ọde mme magazine emi nnyụn̄ mben̄e idem ndinọ mme ekikere nnyịn. Edieke kpukpru owo ẹtịmde idem ọfọn, ikpehe emi ayan̄wam nnyin inam iso kiet eken ayama.—N̄ke 27:17.