Mme Ntọt

◼ N̄wed ẹnọde ke March: Nso ke Bible Enen̄ede Ekpep? Domo nditọn̄ọ ukpepn̄kpọ Bible ke akpa ediwaha. April ye May: Enyọn̄-Ukpeme ye Awake! Edieke owo owụtde udọn̄, nọ tract Ndi Akpama Ndifiọk Akpanikọ?, nyụn̄ domo nditọn̄ọ ukpepn̄kpọ Bible. Ke ini afiakde ebịne mbon oro ẹkewụtde udọn̄, ẹsịnede mbon oro ẹkedụkde Editi m̀mê mme edinam ukara Abasi eken, edi oro mîbuanake ifịk ifịk ye esop, domo nditọn̄ọ ukpepn̄kpọ Bible ke n̄wed Bible Ekpep. June: Nso ke Bible Enen̄ede Ekpep? Domo nditọn̄ọ ukpepn̄kpọ Bible ke akpa ediwaha. Edieke edide enyeneufọk enyenyene n̄wed emi, edi inyịmeke ẹnịm ukpepn̄kpọ Bible ye imọ, mme asuanetop ẹkeme ndinọ n̄kani magazine m̀mê ediye uduot ekpri n̄wed ekededi emi edemerede enye udọn̄.

◼ Ẹdinịm Editi n̄kpa Christ isua emi ke Thursday, April 5, 2012. Edieke esop mbufo esinyenede mme mbono esop ke Thursday, ẹnyene ndisio mmọ nnịm usen efen ke urua oro edieke ufan̄ odude ke Ufọkmbono Obio Ubọn̄. Edieke owo mîkemeke ndinam emi ndien otụkde Esoputom mbufo, ẹkeme ndisịn ikpehe oro enen̄erede enyene n̄kpọ ndinam ye esop mbufo ke Esoputom efen.

◼ Kaban̄a Editi, ntọt oro etienede mi oro otode ibatutom isua utom 2011 ekeme ndin̄wam

○ N̄wakn̄kan ibat mme asuanetop ke ofụri ererimbot: 7,659,019

○ Mbon oro ẹkedụkde Editi ke ofụri ererimbot: 19,374,737

○ Mme andidia n̄kpọ idiọn̄ọ Editi ke ofụri ererimbot: 11,824

○ Mbon oro ẹkedụkde Editi ke Nigeria: 699,406

◼ Ibuotikọ akpan utịn̄ikọ an̄wa oro ẹdinọde ke utịturua oro ẹnịmde Editi edidi “Ndi Utịt Ebịghi Akan Nte Afo Ekekerede?”

◼ Ẹyeneme vidio iba oro, Young People Ask, How Can I Make Real Friends? ye What Will I Do With My Life?, ke mme Esoputom oro ẹdide. Edieke oyomde, ekpenyene ndidọhọ esop otobo mmọ ọnọ fi usọp usọp nte ekekeme.