Mme Ntọt

◼ N̄wed ẹnọde ke January: Nso ke Bible Enen̄ede Ekpep? Domo nditọn̄ọ ukpepn̄kpọ Bible ke akpa ediwaha. Edieke edide enyeneufọk enyenyene n̄wed emi, edi inyịmeke ẹnịm ukpepn̄kpọ Bible ye imọ, mme asuanetop ẹkeme ndinọ n̄kani magazine m̀mê ediye uduot ekpri n̄wed ekededi emi edemerede enye udọn̄. February: Ukpọhọde Inemesịt Ubon m̀mê San̄a Kpere Jehovah. March: Nso ke Bible Enen̄ede Ekpep? Domo nditọn̄ọ ukpepn̄kpọ Bible ke akpa ediwaha. April: Enyọn̄-Ukpeme ye Awake!

◼ Ọtọn̄ọde ke February, obufa utịn̄ikọ an̄wa mme esenyịn circuit edidi “Nte Mbuọtidem Fo Ọkon̄ọ ke Jehovah?”

◼ Ẹsịn udọn̄ ẹnọ kpukpru mme asuanetop emi mîwetke n̄kpọ kan̄a iyọhọ kad DPA mmọ ẹte ẹnam ntre. Asuanetop kiet kiet ekpenyene ndisịn ubọk ke kad DPA esie ke iso mme ntiense iba oro enye emekde mbemiso mmọ n̄ko ẹsịnde ubọk. Mme asuanetop oro mînaha baptism ẹkeme ndision̄o se ẹwetde ke kad DPA ye Identity Card n̄wet man ẹnọ mme ndausụn̄ ke orụk usọbọidem oro mmọ ye nditọ mmọ ẹyomde. Ewetn̄wed ekpenyene ndinọ kpukpru mbufa mme asuanetop oro ẹnade baptism ke isua emi kad DPA. Ke ini ke ini, mme esenyịn otu ẹkeme ndibụp mbon oro mîwetke n̄kpọ iyọhọ mbufa kad mmọ man ọfiọk m̀mê mmọ ẹyom un̄wam. Kad DPA emi anam ẹdiọn̄ọ ke afo emenyene unen ndisịn edikịm iyịp nsịn ke idem.

◼ Ọtọn̄ọde ye nsiondi eke February 1, 2012, Enyọn̄-Ukpeme eke Nsiondi Ofụri Owo eyenyene obufa ikpehe emi ẹkotde “Ukpepn̄kpọ N̄kpri Nditọ.” Ẹtịm enye ẹnọ mme ete ye eka ndida nnyene nneme ye nditọ emi mîbehe isua ita. Ẹdimịn̄ enye ke ọfiọn̄ oro owo mîmịn̄ke “Kpep Nditọ Fo” m̀mê “Eke N̄kparawa Owo.”