Mme Ntọt

◼ N̄wed ẹnọde ke April ye May: Enyọn̄-Ukpeme ye Awake! Ke ini afiakde ebịne mbon oro ẹkewụtde udọn̄, ẹsịnede mbon oro ẹkedụkde Editi m̀mê mme edinam ukara Abasi eken, edi oro mîbuanake ifịk ifịk ye esop, domo nditọn̄ọ ukpepn̄kpọ Bible ke n̄wed Bible Ekpep. June: Nso ke Bible Enen̄ede Ekpep? Domo nditọn̄ọ ukpepn̄kpọ Bible ke akpa ediwaha. Edieke edide enyeneufọk enyenyene n̄wed emi, edi inyịmeke ẹnịm ukpepn̄kpọ Bible ye imọ, mme asuanetop ẹkeme ndinọ n̄kani n̄wed en̄wen ekededi emi esop ẹnyenede. Mîdịghe, nọ Tuak Ibuot nọ Ata Abasi Kierakiet. July ye August: Ediye uduot ekpri n̄wed ekededi emi esop ẹnyenede emi mme owo ẹnyụn̄ ẹmade ke efakutom mbufo. Ẹmekeme ndikama obufa ediye uduot ekpri n̄wed Real Faith—Your Key to a Happy Life ke efakutom emi mme Muslim ẹdude.

◼ Ke Friday, October 22, 2010, Brọda Stephen Lett, owo Otu Ukara, ama osio ofụri New World Translation of the Holy Scriptures ke Ikọ Efik, ke mbono district oro ẹkenịmde ke Awi, ke mbọhọ Calabar. Ẹma ẹda Intanet ẹnam mbon oro ẹkedụkde mbono district ke Ikot Ekpene ye Uyo ukem ini oro ẹkop mme utịn̄ikọ oro Brọda Lett ọkọnọde ke mbono district oro ke Awi. Ofụri New World Translation odu idahaemi ke usem Nigeria ita—Efik, Igbo ye Yoruba.

◼ Ọtọn̄ọde ke May, kpukpru esop ẹkpenyene ndida akpa Saturday ke kpukpru ọfiọn̄ ntọn̄ọ ukpepn̄kpọ Bible. Ẹtịm ibuotikọ Enyọn̄-Ukpeme oro “Kpep N̄kpọ To Ikọ Abasi” man an̄wam mme asuanetop ẹnam emi. Akpatre page Utom Obio Ubọn̄ Nnyịn ayakama mme usụn̄ unyene nneme eke ọfiọn̄ oro etienede, ọkọrọ ye ekikere oro ẹnọde ke nte ẹkpetọn̄ọde ukpepn̄kpọ Bible ke akpa Saturday.

◼ Nte ẹma ẹketọtọt, ẹdinịm Editi ke Sunday, April 17, 2011. Ikwọ ediberede edidi ọyọhọ ikwọ 8, ke adan̄aemi ikwọ ediberi edidide ọyọhọ ikwọ 109 ke obufa n̄wedikwọ.