Mme Ntọt

◼ N̄wed ẹnọde ke March: Nso ke Bible Enen̄ede Ekpep? Nen̄ede sịn ukeme nditọn̄ọ ukpepn̄kpọ Bible. April ye May: Enyọn̄-Ukpeme ye Awake! Ke ini afiakde ebịne mbon oro ẹkewụtde udọn̄, ẹsịnede mbon oro ẹkedụkde Editi m̀mê mme edinam ukara Abasi eken, edi oro mîbuanake ifịk ifịk ye esop, domo nditọn̄ọ ukpepn̄kpọ Bible ke n̄wed Bible Ekpep. June: Nso ke Bible Enen̄ede Ekpep? Edieke edide enyeneufọk enyenyene n̄wed emi, mme asuanetop ẹkeme ndinọ n̄kani n̄wed en̄wen ekededi emi esop ẹnyenede. Mîdịghe, nọ Tuak Ibuot nọ Ata Abasi Kierakiet.

◼ Ẹdinọ akpan utịn̄ikọ an̄wa ini Editi eke 2011 ke urua eke April 25, 2011. Ibuotikọ edidi “Ndi Mme Edumbet Bible Ẹkeme Ndin̄wam Nnyịn Iyọ Mme Mfịna Oro Isobode Mfịn?” Mme esop oro esenyịn circuit edidude ye mmọ m̀mê ẹdinyenede mbono ke utịturua oro ẹdinọde akpan utịn̄ikọ emi, ẹyesio akpan utịn̄ikọ mmọ ẹnịm ke utịturua oro etienede. Esop ndomokiet ikpenyeneke ndinọ akpan utịn̄ikọ emi mbemiso April 25.

◼ Ẹdineme vidio oro Jehovah’s Witnesses—Organized to Share the Good News ke Esoputom ke August. Edieke ẹyomde, mbọk ẹsọsọp ẹtobo enye ke esop mbufo.