Ndụn̄ọde Ufọkn̄wed Utom Ukara Abasi

Ẹdineme mme mbụme oro ẹtienede mi ke Ufọkn̄wed Utom Ukara Abasi ke urua ọtọn̄ọde August 30, 2010. Esenyịn ufọkn̄wed edise aban̄a ndụn̄ọde emi ke minit 20, ọkọn̄ọde ke se ẹkenamde ke urua July 5 esịm August 30, 2010.

1. Didie ke nditie n̄kere mme ikọ akam oro Solomon ọkọbọn̄de ke ini ẹkeyakde temple ẹnọ edinam nnyịn inen̄ede iwụt esịtekọm iban̄a mme edu Jehovah? (1 Ndi. 8:22-53) [w05 7/1 p. 30 ikp. eki. 3]

2. Ntak emi ẹkemede ndidọhọ ke kpa ye ediwak ndudue David, ke enye ama asan̄a ke iso Jehovah “ke ofụri esịt”? (1 Ndi. 9:4) [w97 5/1 p. 5 ikp. eki. 1-2]

3. Ntak emi ọbọn̄ an̄wan Sheba ọkọdọhọde aban̄a Solomon ete: “Ọfọfọn ye mme asan̄autom fo emi ẹdade fi ke iso kpukpru ini, ẹnyụn̄ ẹkopde eti ibuot fo”? (1 Ndi. 10:4-8) [w99 11/1 p. 20 ikp. eki. 5-7]

4. Jehovah ndinọ ewụhọ nte ẹbụk Abijah ukpono ukpono owụt nso? (1 Ndi. 14:13) [cl p. 244 ikp. eki. 11]

5. Nso ikedi akpan n̄kpọ iban̄a akpa ini emi Elijah akakade ebịne Ahab? (1 Ndi. 17:1) [w08 4/1 p. 19, ekebe]

6. Nso ke ikọ Elijah oro ‘ndisọk ukot ke edem mbiba’ ọkọwọrọ? (1 Ndi. 18:21) [w08 1/1 p. 19 ikp. eki. 3-4]

7. Nte ẹkewụtde ke ini Elijah, Jehovah ada odudu esie anam n̄kpọ ye nso uduak ke ebuana ye mme asan̄autom esie? (1 Ndi. 19:1-12) [cl p. 42-43 ikp. eki. 15-16]

8. Ntak emi Naboth ekesịnde ndinyam in̄wan̄ vine esie nnọ Ahab, ndien nso ke nnyịn ikeme ndikpep nto emi? (1 Ndi. 21:3) [w97 8/1 p. 13 ikp. eki. 18-20]

9. Didie ke n̄wan Shunem ‘akada ofụri ekikere ekere’ Elisha? (2 Ndi. 4:13) [w97 10/1 p. 30 ikp. eki. 6-8]

10. Ntak emi Elisha mîkọbọhọ enọ Naaman? (2 Ndi. 5:15, 16) [w05 8/1 p. 9 ikp. eki. 2]