Ndi Emeben̄e Idem Ndikwọ Ikwọ Nnọ Jehovah ke Mme Mbono Esop Nnyịn?
1 Nditịm idem nnọ mme mbono esop nnyịn abuana nditịm idem ndikwọ mme ikwọ itoro. Se mme ekikere oro ẹnọde mi.
2 Fiọk Mme Ikọ Ikwọ: Itie N̄wed Abasi oro ẹdade ibuotikọ ikwọ ẹto ye mme itie N̄wed Abasi efen oro ẹsiakde ke utịt ikwọ kiet kiet ẹnen̄ede ẹwụt ke mme ikọ ikwọ oro ẹto N̄wed Abasi.
3 Kpep Ndikwọ Ikwọ: Ẹmekeme ndisio ini nnịm ke ini Utuakibuot Ubon kpukpru urua man ẹda ẹmehe ye mbufa ikwọ emi. Ke ini ikwọ ukwak oro ẹkamade piano ẹbre ebrede mme ikwọ oro ẹdikwọde ke mbono esop kiet kiet, tiene kwọ. Afo emekeme ndikpep nte ẹkwọde ndusụk mbufa ikwọ emi ye mme ikọ ikwọ esie ke ndikpan̄ utọn̄ nnọ Sing to Jehovah—Vocal Renditions, Disc 1.
4 Ndi eyeben̄e idem ke ini iditọn̄ọde ndikwọ ikwọ ke Sing to Jehovah ke mme mbono esop nnyịn ọtọn̄ọde ke urua April 5, 2010? Edieke adade ini ọfiọk se mme ikọ ikwọ oro ẹwọrọde onyụn̄ ekpepde ndikwọ mmọ, emi oyowụt ke emeben̄e idem.