Ekebe Mbụme

◼ Nso ke akpanam edieke ẹdọhọde fi etre ukwọrọikọ?

Ke ndusụk idaha, mme bodisi ẹma ẹka ẹbịne mme asuanetop oro ẹsụk ẹkwọrọde ikọ, ẹdọhọ ke mmọ ẹbiat ibet, ẹnyụn̄ ẹdọhọ mmọ ẹtre utom ukwọrọikọ. Edieke ẹdọhọde fi etre ukwọrọikọ, akpana ọsọsọp ọkpọn̄ efakutom oro, edi nam emi ukpono ukpono. (Matt. 5:41; Phil. 4:5) Kûdomo ndida ikpọn̄ mbiere mfịna emi ebe ke nditịn̄ ke emenyene unen ndikwọrọ ikọ. Edieke ekemede, da mbufiọk se enyịn̄ ye nọmba oro ẹwetde ẹdian ke ọfọn̄idem owo bodisi oro ye enyịn̄ ikpehe itieutom esie. Ekem sọsọp sian mbiowo, emi ẹdinamde n̄kọk itieutom ẹfiọk ẹban̄a n̄kpọntịbe emi. Kpasụk ntre, edieke andise mban̄a ikpọ ufọkidụn̄ m̀mê okụre m̀mê owo efen oro anamde utom do ọdọhọde fi ọkpọn̄ ebiet oro, akpana anam ntre usọp usọp onyụn̄ etịn̄ ọnọ mbiowo. Ndisụhọde idem nnam n̄kpọ emem emem ye mbon oro ẹkamade odudu ekeme ndinam ifep mfịna.—N̄ke 15:1; Rome 12:18.