Mme Ntọt

◼ Mme n̄wed ẹnọde ke September: Nso ke Bible Enen̄ede Ekpep? Ke ebiet ekemede, mme asuanetop ẹyedomo nditọn̄ọ ukpepn̄kpọ Bible ke akpa ediwaha ke ini ẹnịmde n̄wed emi. Wụt nte mme enyeneufọk ẹkemede ndibọ ufọn nto n̄wed emi ebe ke ndinam ibio ibio n̄wụt nte ẹkemede ndida n̄wed emi n̄kpep Bible. October: Enyọn̄-Ukpeme ye Awake! Ke ebiet ẹwụtde udọn̄, nọ nyụn̄ tịn̄ n̄kpọ ban̄a tract oro Nte Afo Akpama Ndifiọk Akpanikọ? Edieke edide mme enyeneufọk ẹma ẹnyenyene tract emi, mme asuanetop ẹkpenyene ndidomo nditọn̄ọ ukpepn̄kpọ Bible. November: Nso ke Bible Enen̄ede Ekpep? Edieke edide mme enyeneufọk ẹnyenyene n̄wed emi, mme asuanetop ẹkeme ndinịm n̄kani n̄wed ẹkededi oro odude ke esop. Mîdịghe, nọ Tuak Ibuot nọ Ata Abasi Kierakiet. December: Nọ n̄wed Akakan Owo Oro Akanam Odude Uwem. Edieke enyeneufọk enyenede nditọ, nọ Kpep N̄kpọ to Akwa Andikpep.

◼ Ẹdinọ akpan utịn̄ikọ an̄wa ini Editi eke 2010 ke urua April 12, 2010. Ama ekem ẹyesiak ibuotikọ utịn̄ikọ emi. Mme esop oro esenyịn circuit edidude ye mmọ m̀mê ẹdinyenede mbono ke utịturua oro ẹdinọde akpan utịn̄ikọ, ẹyesio akpan utịn̄ikọ mmọ ẹnịm ke utịturua oro etienede. Esop ndomokiet ikpenyeneke ndinọ akpan utịn̄ikọ emi mbemiso April 12.

◼ Mbufa Usan Umụm Ikọ Ẹdude:

A Satisfying Life—How to Attain It (MP3) —Ikọmbakara

My Book of Bible Stories (MP3) —Ikọmbakara

The Greatest Man Who Ever Lived (MP3) —Ikọmbakara

The Secret of Family Happiness (MP3) —Ikọmbakara

What Does God Require of Us? (MP3) —Ikọmbakara

What Does The Bible Really Teach? (MP3) —Ikọmbakara

When Someone You Love Dies (MP3) —Ikọmbakara

◼ Se Itienede mi edi mbono Usem Idiọn̄ọ Mbon America (ASL) emi ẹdinịmde ke Mbono District “Ẹdu ke Ukpeme!” eke 2009: November 27-29, 2009, BENIN CITY 7 (ASL Kpọt); December 11-13, 2009, OTA 12 (ASL Kpọt); January 8-10, 2010, ULI 14 (ASL Kpọt). Ke ntak ndutịm emi, mme mbono district ke OTA 11 (December 4-6, 2009), ULI 12 (December 11-13, 2009) ye KWALI 5 (December 4-6, 2009) idinyeneke ikpehe Usem Idiọn̄ọ Mbon America aba.