Mme Ntọt

◼ N̄wed ẹnọde ke May: Enyọn̄-ukpeme ye Awake! Ke ini afiakde ebịne mbon oro ẹkewụtde udọn̄, ẹsịnede mbon oro ẹkedụkde Editi ye/m̀mê mme edinam ukara Abasi eken, edi oro mîbuanake ifịk ifịk ye esop, domo ndinịm n̄wed Nso ke Bible Enen̄ede Ekpep? Uduak ekpedi ndida n̄wed oro ntọn̄ọ ukpepn̄kpọ Bible. June: Nso ke Bible Enen̄ede Ekpep? Edieke edide mme enyeneufọk ẹnyenyene n̄wed emi, mme asuanetop ẹkeme ndinịm n̄kani n̄wed ekededi oro enyenede page 192 oro ẹkemịn̄de ke babru oro okpụhọrede uduot m̀mê n̄wed ekededi oro ẹkemịn̄de mbemiso 1992. July ye August: Mme asuanetop ẹkeme ndinọ ekededi ke otu ndiye uduot n̄kpri n̄wed ẹnyenede page 32 ẹtienede mi: Afo Emekeme Ndidi Ufan Abasi!, Dara Uwem ke Isọn̄ ke Nsinsi!, Enyịn̄ Abasi Oro Edibịghide ke Nsinsi, Ẹdu ke Ukpeme!, Ke Ini Owo Oro Afo Amade Akpade, Nso Idi Uduak Uwem—Didie ke Afo Ekeme Ndikụt Enye?, Nso Itịbe inọ Nnyịn ke Ini Nnyịn Ikpade?, Nte Abasi Enen̄ede Ekere Aban̄a Nnyịn?, Nte Afo Ekpenyene Ndinịm Abasi-Ita-ke-Kiet ke Akpanikọ?, “Sese! Mmanam Kpukpru N̄kpọ Ẹdi Mbufa,” Ukara Emi Edidade Paradise Edi, ye Usụn̄ Oro Adade Esịm Nsinsi Uwem—Nte Afo Omokụt Enye?

◼ Ẹkpenyene ndiwet “Watch Tower,” nte ikọ iba, ke babru ubọ okụk oro ẹsịnde ke ekebe etịbe ke mbono district ye mbon oro ẹnọde ẹsọk n̄kọk itieutom.

◼ Mme otu mbiowo ẹkpenyene ndidụn̄ọde leta eke July 6, 2006, oro aban̄ade ediben̄e idem nnọ afanikọn̄ ẹnyụn̄ ẹkụt ẹte ke mmimọ imenyene mme adres ye nọmba urụk ukopikọ kpukpru mme asuanetop. Ke mme ebiet oro afanikọn̄ ẹsiwakde nditịbe, ẹkpenyene ndibọ mme adres ye nọmba urụk ukopikọ efen efen oro ẹkemede ndikot edieke afanikọn̄ etịbede. Nte ededi, ke adianade ye mme mbabuat idaha, esifọn mme asuanetop ẹtịn̄ ẹnọ esenyịn Otu An̄wautom mmọ m̀mê ebiowo efen edieke mmọ mîdidụhe ke anyan ini, utọ nte ke ini ẹkade nduọkodudu m̀mê isan̄ mbubehe, ke ini ẹdude ke ufọkibọk, ye ntre ntre eken.