Mme Ntọt

◼ N̄wed ẹnọde ke April ye May: Enyọn̄-ukpeme ye Awake! Ke ini afiakde ebịne mbon oro ẹkewụtde udọn̄, ẹsịnede mbon oro ẹkedụkde Editi ye/m̀mê mme edinam ukara Abasi eken, edi oro mîbuanake ifịk ifịk ye esop, domo ndinịm n̄wed Nso ke Bible Enen̄ede Ekpep? Uduak ekpedi ndida n̄wed oro ntọn̄ọ ukpepn̄kpọ Bible. June: Nso ke Bible Enen̄ede Ekpep? Edieke edide mme enyeneufọk ẹnyenyene n̄wed emi, mme asuanetop ẹkeme ndinịm n̄kani n̄wed ekededi oro enyenede page 192 oro ẹkemịn̄de ke babru oro okpụhọrede uduot m̀mê n̄wed ekededi oro ẹkemịn̄de mbemiso 1992.

◼ Nnyịn imenem esịt nditọt nte ke 2009, ẹyenịm mbono circuit ye usen akpan mbono ke usem French ke Badagry ke July 4-5 ye September 6. N̄ko, ẹyenịm mbono ke Usem Idiọn̄ọ Mbon America (ASL) ke Benin City ke May 2-3 ye August 23. Ẹdinam kpukpru n̄kpọ ke mbono emi ke usem French ye ke ASL. Ẹkot mbon emi ẹdiọn̄ọde usem emi ẹdidụk.

◼ Ini ekededi emi ndutịm uka isan̄ oro anamde esịnede edidụk mme mbono esop, n̄kpri m̀mê ikpọ mbono ke idụt efen, edieke oyomde ndidiọn̄ọ usen, ini, ye mme ebiet ẹdinịmde mmọ, bụp n̄kọk itieutom oro ẹsede n̄kpọ aban̄a utom ke idụt oro. Ẹwet adres mme n̄kọk itieutom ke akpatre page ke Yearbook eke ndondo emi.

◼ Mbọk ẹdian 07080662020 ke otu nọmba urụk ukopikọ oro ẹkemede ndida n̄kot n̄kọk itieutom. Ẹmekeme ndikot nnyịn ke mme nọmba emi: 07089999300; 08055502368-71. Nọmba oro ẹkemede ndisọp nda n̄kot nnyịn idahaemi edi 07080662020, ibọhọke nnyịn inọ mbufo nọmba efen. Ke Monday esịm Friday isitọn̄ọ utom ke usenubọk ke n̄kanika 7:30 itre ke 11:50 inyụn̄ itọn̄ọ ke n̄kanika 1:00 uwemeyo itre ke 5:00 mbubreyo; Ke Saturday, isitọn̄ọ ke n̄kanika 7:30 usenubọk itre ke 11:30. Nditọete oro ẹsibọrọde ikot ke urụk ukopikọ idikemeke ndibọrọ mbụme aban̄ade utom ke utom ama akasuana.

◼ Ke May 29 ye 30, 2009, ẹyeberi okụre Bethel. Mbọk ẹkûdi ndisan̄a n̄kanade m̀mê ndidi ndimen mme n̄wed ke usenọfiọn̄ oro.