Se Ẹkpetịn̄de Ẹban̄a Mme Magazine

Enyọn̄-Ukpeme March 1

“Ekeme ndinen̄ede nsọn̄ ndinam nnennen n̄kpọ ke ini mbon en̄wen ẹnyịkde nnyịn ndinam se idiọkde. Afo ekere ke nso ikeme ndin̄wam nnyịn ikûnyịme inọ mmọ? [Bet ibọrọ. Ekem kot Mme N̄ke 29:25.] Magazine emi asiak ntak ition emi ikpefehede mbak idiyat Abasi esịt utu ke owo.” Wụt ibuotikọ oro ọtọn̄ọde ke page 12.

Awake! March

“Kpukpru nnyịn imama ndinyene nti ufan. Nso nti edu ke akpama ufan fo enyene? [Bet ibọrọ.] Tịm fiọk se Bible etịn̄de mi. [Kot Mme N̄ke 17:17.] Ibuotikọ emi ọnọ nti ekikere ke nte ẹkemede ndimek nti ufan nnyụn̄ ndi nti ufan mbon en̄wen.” Wụt ibuotikọ oro ọtọn̄ọde ke page 18.

Enyọn̄-Ukpeme April 1

“N̄kpama ndikop se afo ekerede aban̄a ikọ Jesus emi. [Kot John 3:3.] Afo ekere ke nso ke ọwọrọ owo nditọn̄ọ ntak mmana? [Bet ibọrọ.] Ndinyene nnennen ifiọk mban̄a ikọ Jesus emi oyotụk uwem nnyịn ye idotenyịn ini iso nnyịn. Magazine emi etịn̄ ntak edide ntre.”

Awake! April

“Etie nte mfịghe esịm ediwak nditọ ufọkn̄wed. Ndi emekere ke n̄kpọ ẹkpụhọde toto ke eyo mme ete mmọ? [Bet ibọrọ.] Ọkpọsọn̄ mfịghe ekeme ndikama idiọk utịp. [Kot Ecclesiastes 7:7a.] Magazine emi eneme nte ikpọ owo ẹkemede ndin̄wam n̄kpri owo ẹyọ.”