Mme Ntọt

◼ Mme n̄wed ẹnọde ke July ye August: Ẹkeme ndinọ ekededi ke otu ndiye uduot n̄kpri n̄wed ẹnyenede page 32 oro ẹtienede mi: Afo Emekeme Ndidi Ufan Abasi!, Dara Uwem ke Isọn̄ ke Nsinsi!, Enyịn̄ Abasi Oro Edibịghide ke Nsinsi, Ẹdu ke Ukpeme!, Ke Ini Owo Oro Afo Amade Akpade, Nso Idi Uduak Uwem—Didie ke Afo Ekeme Ndikụt Enye?, Nso Itịbe inọ Nnyịn ke Ini Nnyịn Ikpade?, Nte Abasi Enen̄ede Ekere Aban̄a Nnyịn?, Nte Afo Ekpenyene Ndinịm Abasi-Ita-ke-Kiet ke Akpanikọ?, N̄wed Ofụri Owo, “Sese! Mmanam Kpukpru N̄kpọ Ẹdi Mbufa,” Spirit Mme Akpan̄kpa—Nte Mmọ Ẹkeme Ndin̄wam Fi m̀mê Ndinọ Fi Unan? Nte Mmọ Ẹnen̄ede Ẹdu?, Ukara Emi Edidade Paradise Edi, ye Usụn̄ Oro Adade Esịm Nsinsi Uwem—Nte Afo Omokụt Enye? September: Nso ke Bible Enen̄ede Ekpep? Nen̄ede sịn ukeme nditọn̄ọ ukpepn̄kpọ Bible ke akpa ediwaha. Edieke edide mme enyeneufọk ẹma ẹnyenyene n̄wed emi, wụt nte mmọ ẹkemede ndibọ ufọn nto enye ebe ke ndinam ibio ibio n̄wụt nte ẹkpekpepde enye. October: Enyọn̄-Ukpeme ye Awake! Ke ebiet ẹwụtde udọn̄, nọ nyụn̄ tịn̄ n̄kpọ ban̄a tract oro Nte Afo Akpama Ndifiọk N̄kpọ Efen Efen Mban̄a Bible? ye uduak editọn̄ọ ukpepn̄kpọ Bible.

◼ Sia August enyenede utịturua ition, emi edidi ata eti ọfiọn̄ ndinam usiakusụn̄ unọ un̄wam.

◼ Ọtọn̄ọde ke September, mme esenyịn circuit ẹdinọ utịn̄ikọ an̄wa ke ibuotikọ emi, “Ẹsan̄a ke Usụn̄ Mfọnmma.”

◼ Ọfọn ndikpọn̄ n̄wed eben̄e utom usiakusụn̄ ofụri ini nnọ n̄kọk itieutom ke nsụhọde n̄kaha usen 30 mbemiso usenọfiọn̄ oro ẹyomde nditọn̄ọ. Ewetn̄wed esop ekpenyene ndidụn̄ọde babru emi man okụt ete ke ẹwet n̄kpọ ẹyọhọ. Edieke mbon oro ẹsịnde n̄wed eben̄e mîtịghi nnennen usenọfiọn̄ baptism mmọ, mmọ ẹkpenyene ndimek usenọfiọn̄ nnyụn̄ n̄wet enye nnịm. Ewetn̄wed ekpenyene ndiwet usenọfiọn̄ emi ke kad Congregation’s Publisher Record (S-21).

◼ N̄kọk itieutom inamke n̄kpọ iban̄a n̄wed oro asuanetop kiet kiet otobode. Esenyịn oro etiede ibuot ekpenyene ndidiomi man ẹnọ ntọt ke ọfiọn̄ kiet kiet mbemiso ẹnọde se esop otobode ẹsọk n̄kọk itieutom man kpukpru mbon emi ẹnyenede udọn̄ ndibọ ọkpọkpọ n̄wed ẹkeme ndisian eyenete emi akamade n̄wed. Mbọk ti mme n̄kpọ oro ẹkpetobode ke ini owo oyomde.

◼ Ẹkpenyene ndidian ibat kpukpru n̄wed ye magazine oro ẹdude, emi ẹsidiande ke isua ke isua, ke August 31, 2008, m̀mê usọp usọp nte ẹkekeme ke oro ebede. Emi edi ukem ye edibat oro anam-ndutịm n̄wed esibatde ke ọfiọn̄ ke ọfiọn̄, ndien ẹkpenyene ndiwet ofụri ibat nsịn ke babru Literature Inventory (S-18). Ẹkpenyene ndibọ ibat ofụri magazine emi ẹdude nto (mme) asan̄autom ẹkamade magazine. Ewetn̄wed esop oro anamde ndutịm n̄wed ekpenyene ndise enyịn ke edidian ibat emi. Enye ye esenyịn oro etiede ibuot ke esop oro anamde ndutịm n̄wed ẹdisịn ubọk ke babru emi. Esop kiet kiet oro anamde ndutịm ọyọbọ babru Literature Inventory ita. Mbọk ẹnọ akpa ikọn̄ oro ẹsọk n̄kọk itieutom okûbịghi akan September 6. Ẹsịn udiana ikọn̄ ke n̄kpọ udọn̄ n̄wed mbufo. Ẹkeme ndikama ọyọhọ ikọn̄ ita nte n̄kpọ uwetn̄kpọ.

◼ Ẹnọ idem babru Literacy Report iba ẹsọk esop kiet kiet. Ẹkpenyene ndiwet n̄kpọ nyọhọ babru emi edide ufọkn̄wed oro ẹkpepde nte ẹkotde n̄wed ẹnyụn̄ ẹwetde n̄kpọ odu m̀mê idụhe. Mbọk ẹnọ idem kiet ẹsọk n̄kọk itieutom ke August 1. Ẹsịn idem enye eken ke n̄kpọ udọn̄ n̄wed esop.

◼ Ẹkpenyene ndida n̄wed Bible Ekpep ntọn̄ọ nnyụn̄ nnịm ukpepn̄kpọ Bible utu ke ndikama ediye uduot ekpri n̄wed Oyom. Ẹkeme ndika iso nnọ ediye uduot ekpri n̄wed Oyom ke an̄wautom tutu enye okụre.