Ndibọ Ufọn Nto Kpep N̄kpọ to Akwa Andikpep
1 Ndondo emi, ibuot ufọk kiet ama obụp ebiowo n̄wed oro imọ ikpekpepde eyen imọ man enye okûsu nsu. Ebiowo oro ama ọdọhọ enye ekpep eyen esie ọyọhọ ibuot 22 ke n̄wed Kpep N̄kpọ to Akwa Andikpep. Edieke afo edide ibuot ufọk, nte ọmọdiọn̄ọ ufọn edida n̄wed emi n̄kpep nditọwọn̄ n̄kpọ? Ẹtịm enye man ẹda ẹkpep nditọ nti ido uwem. Ke adianade ye edikpep nditọwọn̄ ẹkûnam idiọk, enye anam akpanikọ Bible an̄wan̄a onyụn̄ owụt mmọ nte ẹkpefepde mme n̄kpọndịk emi ẹdude ke idiọk ererimbot oro idude mi.
2 Ke akpanikọ kpukpru nditọ nnyịn ẹyebọ ufọn ẹto n̄wed emi. Edieke afo edide ete m̀mê eka emi mûkpepke nditọ fo n̄wed emi uma, ntak mûdiomike ndikpep enye ke ukpepn̄kpọ ubon-o? Ke ama okokụre ndida enye n̄kpep ubon fo n̄kpọ, afo eyetịm ọfiọk nte akpadade ukpepn̄kpọ kiet kiet ke n̄wed emi ese aban̄a mme mfịna oro nditọ fo ẹnyenede.
3 Ke Moses ama eketịn̄ aban̄a ediwak mbet Abasi, enye ama ọdọhọ ete: “Yak mme ikọ emi ami ntemede fi mfịn emi, ẹdu fi ke esịt: nyụn̄ dọdiọn̄ siak mmọ nọ nditọ fo.” (Deut. 6:6, 7) Ndida n̄wed Kpep N̄kpọ to Akwa Andikpep n̄kpep nditọ fo n̄kpọ uforo uforo owụt ke afo amanam item emi. Ẹtịm mme mbụme emi ẹsịnede ke nsiondi Utom Obio Ubọn̄ Nnyịn emi man ẹn̄wam fi ke ini adade n̄wed emi ọnọ ukpep. Mbọk sịn esịne-esịt Utom Obio Ubọn̄ emi ke n̄wed fo, omonyụn̄ ekeme ndibụp mme mbụme emi ke ini ẹkpepde n̄wed oro.