Ekebe Mbụme

◼ Ewe n̄wed iba ke ẹkpekpep mbon oro ẹnyenede udọn̄?

N̄wed Bible Ekpep edi ata akpan n̄wed oro isidade itọn̄ọ inyụn̄ ikpep mme owo Bible. Okposụkedi emi owo mîdọhọke ẹkûda n̄wed en̄wen, utọ nte tract oro odotde, ẹtọn̄ọ ukpepn̄kpọ, ẹkpenyene ndisịn ukeme nsọsọp n̄kpụhọ nda n̄wed Bible Ekpep nnịm ukpepn̄kpọ Bible oro. Ẹnen̄ede ẹnyene nti utịp ke ndida n̄wed Bible Ekpep ntọn̄ọ ukpepn̄kpọ.

Ke ama okokụre ndikpep eyen ukpepn̄kpọ fo n̄wed Bible Ekpep ndien enye ke anam n̄kọri, enyene ndikpep enye n̄wed Tuak Ibuot nọ Abasi. (Col. 2:7) Ọyọhọ page 2 anam uduak n̄wed oro an̄wan̄a ete: “Bible akpak kpukpru mbon oro ẹmade Abasi ‘nditịm mfiọk se idide ukon̄ ye utụn̄ọ’ mme ọsọn̄urua akpanikọ Abasi. (Ephesus 3:18) Ntak oro akanam ẹtịm n̄wed emi. Nnyịn imodori enyịn ite ke enye ayan̄wam fi ndikọri ke n̄kan̄ eke spirit nnyụn̄ ntịm ndu ke mben̄eidem ndisan̄a ke mfafaha usụn̄ oro adade esịm uwem ke edinen obufa ererimbot Abasi.”

Edieke eyen ukpepn̄kpọ oro odotde ndina baptism idem mbemiso enye ekpepde ọyọhọ n̄wed iba okụre, ẹnyene ndika iso n̄kpep enye ọyọhọ n̄wed iba emi n̄kụre. Idem edieke eyen ukpepn̄kpọ oro anade baptism, ada ukpepn̄kpọ ekeme ndisụk mbat hour, mfiakn̄ka, ye ukpepn̄kpọ Bible. Asuanetop oro asan̄ade ye ada ukpepn̄kpọ emi ekeme n̄ko ndibat hour.