Mme Ntọt

◼ N̄wed ẹnọde ke April ye May: Ẹdinọ Enyọn̄-Ukpeme ye Awake! Ke ini afiakde ebịne mbon oro ẹkewụtde udọn̄, ẹsịnede mbon oro ẹkedụkde Editi m̀mê mme edinam ukara Abasi eken, edi oro mîbuanake ifịk ifịk ye esop, domo ndinọ n̄wed Bible Ekpep, ye uduak editọn̄ọ ukpepn̄kpọ Bible. June: Nọ n̄wed Inemesịt Ubon.

◼ Ẹyemịn̄ mme obio Mbono District “Ẹtiene Christ!” eke 2007 ke nsiondi Utom Obio Ubọn̄ Nnyịn eke ini iso.

◼ Akpana mme ewetn̄wed esop ẹnyene mme babru Application for Regular Pioneer Service (S-205) ye Application for Auxiliary Pioneer Service (S-205b) oro ẹkemde. Ẹkeme ndida Literature Request Form (S-14) ntobo mmọ emi. Ẹnyene ke nsụhọde n̄kaha se idikemde ke isua kiet. Mbemiso ọnọde n̄wed eben̄e usiakusụn̄ ofụri ini edi n̄kọk itieutom, kụt ete ke ẹwet n̄kpọ ẹyọhọ mmọ ofụri ofụri.

◼ Ọfọn n̄kọk itieutom enyene nnennen adres ye nọmba urụk ukopikọ kpukpru mme esenyịn oro ẹtiede ibuot ye mme ewetn̄wed. Edieke ukpụhọde odude ke ini kiet ekededi, Kọmiti Utom Esop ekpenyene ndiwet n̄kpọ nyọhọ nnyụn̄ nnọ babru Presiding Overseer/Secretary Change of Address (S-29) ẹsọk n̄kọk itieutom usọp usọp. Emi esịne mme ukpụhọde ekededi ke nọmba urụk ukopikọ.

◼ Ini ekededi emi ọkpọkpọ ndutịm uka isan̄ oro anamde esịnede edidụk mme mbono esop, mbono circuit, m̀mê mbono district ke idụt efen, ana afo obụp ntọt aban̄ade usenọfiọn̄, ini, ye mme ebiet oto n̄kọk itieutom oro esede n̄kpọ aban̄a utom ke idụt oro. Ẹwet adres mme n̄kọk itieutom ke akpatre page ke Yearbook eke ndondo emi.

◼ Ibuotikọ akpan utịn̄ikọ an̄wa ini Editi eke 2007 edidi “Afo Emekeme Ndidu ke Ifụre ke Ntịme Ntịme Ererimbot Emi!”