Mme Mbụme Ukpepn̄kpọ N̄wed Kpep N̄kpọ To Akwa Andikpep

Mme Mbụme Ukpepn̄kpọ N̄wed Kpep N̄kpọ To Akwa Andikpep

Ndausụn̄ Ẹnọde ke Nte Ẹdikpepde N̄wed Andikpep

Man ẹkpep n̄wed emi uforo uforo, ẹwet nọmba ke mme ikpehe ekikere ke ibuot kiet kiet, esịnede ntọn̄ọikọ. Ẹkpenyene ndidian kpukpru ikpehe ekikere emi ẹdude ke ikpehe kiet kiet n̄kot. Ke ini ukpepn̄kpọ osụk akade iso, ẹkeme ndineme mme itie N̄wed Abasi oro ẹdude ke utịt ibuot ke ini odotde.

Ke ini ẹkpepde n̄wed emi ke Ukpepn̄kpọ N̄wed Esop, ẹkpenyene ndikpep ibuot iba kpukpru urua, ẹdade ntọn̄ọikọ nte akpa ibuot. Ẹnyene ndida urua 24 n̄kpep n̄wed emi, ndien ẹda ọyọhọ urua 25 ẹkpep Ibuot 48 ẹnyụn̄ ẹdụn̄ọde ofụri n̄wed emi.

Ibuot 32 Ikpehe Ekikere 1-9

1. Didie ke Jehovah okụt ete ke ẹkpeme n̄kpri nditọ inuen?

2. Ini ewe ke Jesus okoyom san̄asan̄a ukpeme, ndien okoyom anie ekpeme enye?

3. Didie ke Jehovah ekekpeme Eyen esie mbak owo okûwot enye?

Ikpehe Ekikere 10-13

4. Mmanie mfịn ẹtie nte Jesus ke ini enye ekedide nsekeyen, ndien ntak emi mmọ ẹyomde ukpeme?

5. Didie ke Satan ye mme demon ẹdomo ndinam n̄kpri nditọwọn̄ n̄kpọ?

6. Mmanie kpọt ẹdot ndinyene ebuana idan̄, ndien nso idi mme orụk ebuana idan̄ oro Abasi akpande?

Ikpehe Ekikere 14-17

7. Mmanie ẹkeme ndidomo ndinam idan̄ ye nditọwọn̄, ndien didie ke mmọ ẹsidomo ndinam n̄kpri nditọ ẹnyịme?

8. Didie ke nditọwọn̄ ẹkeme ndikpeme idemmọ mbiọn̄ọ mme owo oro ẹdomode ndinam ndiọi n̄kpọ?

9. Nso ke ete ye eka ẹkeme ndinam man ẹkpeme nditọ mmọ?

Ibuot 33 Ikpehe Ekikere 1-8

1. Didie ke ediwak owo ẹda Jesus mfịn, edi nso ke enye edi idahaemi?

2. Ke ini Jesus okodude ye mme mbet esie ke ubom, didie ke enye okowụt ke imọ imenyene akwa odudu?

3. Ntak emi mîkpakanaha mbet Jesus ẹkop ndịk-e?

Ikpehe Ekikere 9-14

4. Nso iketịbe ke ini oyobio akafiakde adaha?

5. Ntak emi Jesus akanamde mme utịben̄kpọ oro ke ini oro?

Ikpehe Ekikere 15-16

6. Didie ke Jesus ada odudu esie anam n̄kpọ mfịn?

7. Mme utịben̄kpọ ewe ke nnyịn ikeme nditie mbet ke ini iso?

Ibuot 34 Ikpehe Ekikere 1-4

1. Didie ke nnyịn ikeme ndikpep se isitịbede ke ini owo akpade?

2. Nso ke ikọ Jesus aban̄ade Lazarus owụt aban̄a n̄kpa?

Ikpehe Ekikere 5-10

3. Nso ke Jesus anam ke abaitiat oro ẹkebụkde okpo Lazarus?

4. Nso itịbe ke ini Jesus ọdọhọde ke ọkpọsọn̄ uyo ete: “Lazarus, wọrọ di”?

Ikpehe Ekikere 11-16

5. Nso isitịbe ke ini owo akpade?

6. Nnyịn isan̄a didie ifiọk ke Lazarus ikodụhe ke heaven?

7. Nnyịn isan̄a didie ifiọk ke ukpọn̄ esikpa ke ini owo akpade?

Ikpehe Ekikere 17-19

8. Nso ke mme owo ke edem mbufo ẹnịm ẹban̄a mme akpan̄kpa?

9. Didie ke mbụk aban̄ade Lazarus anam nnyịn ikûkop ndịk iban̄a mme akpan̄kpa?

Ibuot 35 Ikpehe Ekikere 1-4

1. Nnyịn isan̄a didie ifiọk ke Jehovah akam oyoyom ndinam mme akpan̄kpa ẹset ye nte ke Jesus oyom n̄ko?

2. Didie ke ẹkenam nditọwọn̄ iba ẹset anyan ini mbemiso Jesus amanade?

3. Ntak emi nnyịn ikemede ndinịm nte ke Jehovah eyeti nnyịn edieke ikpade?

Ikpehe Ekikere 5-11

4. Nso iketịbe inọ eyenan̄wan Jairus, ndien nso ke Jesus akanam ọnọ enye?

5. Nso ke nnyịn ikeme ndikpep nto mbụk Bible emi?

Ikpehe Ekikere 12-18

6. Didie ke ediset ke n̄kpa eyen ebeakpa owụt ke Jesus oyom ndinam mme akpan̄kpa ẹset?

7. Afo ekere ke eketie eka eyen oro ẹkenamde eset do didie ke idem, ndien ini ewe ke editie mbon en̄wen ntre ke idem?

Ibuot 36 Ikpehe Ekikere 1-6

1. Nso ke ediset ke n̄kpa oro ẹtịn̄de ẹban̄a ke Bible owụt?

2. Ntak emi ẹdinamde mme idiọk owo ẹset-e, ndien m̀mọ̀n̄ ke mmọ ẹdidụn̄?

3. Ini ewe ke ẹdinam mme owo ke isọn̄ ẹset ke n̄kpa, ndien nso iditịbe ini oro?

Ikpehe Ekikere 7-11

4. Nso ke nnyịn ikpep ito un̄wọn̄ọ oro Jesus ọkọn̄wọn̄ọde ọnọ abiatibet aban̄a edidu ye imọ ke Paradise?

5. Ke nso usụn̄ ke Jesus edidu ke Paradise ye abiatibet oro?

6. Ntak emi Jesus ediyakde akani abiatibet oro odụn̄ ke Paradise?

Ikpehe Ekikere 12-17

7. Nnyịn isan̄a didie ifiọk ke idịghe kpukpru owo oro ẹdinamde ẹset ẹdidu uwem ke isọn̄?

8. Owo ifan̄ ẹdibuana ke “akpa ediset,” ndien nso ke mmọ ẹdinam?

9. Ntak emi edinemde ndidu uwem ke Paradise ke isọn̄?

Ibuot 37 Ikpehe Ekikere 1-7

1. Nso utịbe enọ ke Abasi ọnọ nnyịn?

2. Ntak emi kpukpru nnyịn iyomde obufa ete?

3. Didie ke Jesus ekeme ndidi ete ye Andinyan̄a nnyịn?

4. Nso idi ufak, ndien ntak emi nnyịn iyomde enye?

Ikpehe Ekikere 8-15

5. Ewe edinam ke Jesus ye mbet esie ẹkenịm ke okoneyo oro mbemiso enye akpade?

6. Nte ini akakade, ewe edinam ke Jesus ọkọtọn̄ọ man ada itie Passover?

7. Mme n̄kpọ idiọn̄ọ ewe ke Jesus akakama ke obufa edinam oro, ndien nso ke mmọ ẹkeda ẹban̄a?

8. Obufa edinam emi anam nnyịn iti nso?

Ikpehe Ekikere 16-18

9. Nso ke nnyịn ikpekere ke ini idụkde Editi?

10. Mmanie ẹkpeta uyo ẹnyụn̄ ẹn̄wọn̄ wine, ndien ntak-a?

11. Ntak emi mbon oro mîtaha uyo inyụn̄ in̄wọn̄ wine ẹkpedụkde n̄ko?

Ibuot 38 Ikpehe Ekikere 1-5

1. Jesus anyan̄a nnyịn osio ke nso?

2. Mmanie ke Jesus akakpa ọnọ?

3. Didie ke Abasi ese mbon oro ẹdude ke isọn̄?

Ikpehe Ekikere 6-12

4. Nso iketịbe inọ Jesus ke okoneyo oro mbemiso enye akpade?

5. Tịn̄ se iketịbeke ke ndan̄nsiere.

6. Didie ke Jesus okokpụhọde ye Adam?

Ikpehe Ekikere 13-16

7. Didie ke Paul ekenen̄ede owụt esịtekọm aban̄a ima oro Christ akamade enye?

8. Ntak emi ikpenen̄erede ima Jesus?

9. Didie ke ikeme ndiwụt ke idu uwem man inem Christ esịt?

Ibuot 39 Ikpehe Ekikere 1-4

1. Afo ekere ke eketie Jehovah didie ke idem ke ini ẹkewotde Jesus?

2. Nso ke Jesus eketịm ọfiọk?

3. Ẹkenam Jesus eset ke m̀mọ̀n̄, ndien enye okodu ke udi ebịghi adan̄a didie?

Ikpehe Ekikere 5-13

4. Tịn̄ se iketịbede ke Friday oro Jesus akakpade.

5. Nso orụk idem ke ẹkenọ Jesus ke ini enye ekesetde, ndien didie ke mme owo ẹkekeme ndikụt enye nte ini akakade?

6. Nso iketịbe ke Sunday oro ẹkenamde Jesus eset?

Ikpehe Ekikere 14-17

7. Jesus ekenyene idem eke obụk ebịghi adan̄a didie, ndien nso iketịbe nte ini akakade?

8. Didie ke ediwak owo mfịn ẹda ediset ke n̄kpa Jesus, edi didie ke nnyịn ikeme nditie nte akpa mme anditiene Jesus?

Ibuot 40 Ikpehe Ekikere 1-3

1. Nso ke Abasi mîyomke ito nnyịn, edi nso ke nnyịn ikeme ndinam nnọ enye?

2. Ntak emi Jehovah mîkanamke nnyịn itie nte ukwak man inam se enye oyomde nnyịn inam?

Ikpehe Ekikere 4-7

3. Esitie Abasi didie ke idem ke ini inamde uduak esie?

4. Ntak emi edide akpan n̄kpọ ọnọ Jehovah ye Satan m̀mê anie ke nnyịn imek ndinam n̄kpọ nnọ?

Ikpehe Ekikere 8-15

5. Nso ke Satan akanam Job?

6. Afo ekere ke eketie Jehovah didie ke idem ke ini Job ọkọsọn̄ọde ada?

7. Nso uwụtn̄kpọ ke Jesus ekenịm ọnọ nnyịn, ndien didie ke nnyịn ikeme ndikpebe enye?

Ibuot 41 Ikpehe Ekikere 1-7

1. Didie ke Jesus akanam ete ye eka esie ẹtịmede esịt isan̄ kiet?

2. Nso ke Jesus akanam nte eyen, oro akanamde ete ye eka esie ye Abasi ẹnem esịt?

Ikpehe Ekikere 8-12

3. Nso ke eyenọwọn̄ ekeme ndinam mfịn man Abasi enem esịt?

4. Didie ke nnyịn ikeme ndifiọk mbon emi ẹdide ikọt Abasi?

Ikpehe Ekikere 13-18

5. Didie ke uwụtn̄kpọ Timothy ekeme ndin̄wam n̄kpri owo?

6. Nso ke nnyịn ikeme ndikpep nto uwụtn̄kpọ eyenan̄wan Israel?

7. Nso idi eti utịtmbuba oro n̄kpri owo ẹkemede ndinịm nnọ idemmọ?

Ibuot 42 Ikpehe Ekikere 1-6

1. Nnyịn isan̄a didie ifiọk ke idiọkke ndibre mbre?

2. Bible ọdọhọ ke nso utom ke Jesus ekekpep, ndien ntak-a, ndi emekere ke enye ama esinam ọfọn?

3. Ntak emi utom ekenyenede ufọn ọnọ Jesus, ndien ntak emi enye enyenede ufọn ọnọ nnyịn mfịn-e?

Ikpehe Ekikere 7-13

4. Ntak emi Jesus ekesikopde inemesịt-e?

5. Nso ikedi san̄asan̄a utom Jesus ke isọn̄, ndien didie ke enye ekese utom emi?

6. Nso utom ke nditọwọn̄ ẹkeme ndinam mfịn, ndien ntak emi utom mmọ ẹkemede ndida ufọn nsọk ubon?

Ikpehe Ekikere 14-16

7. Ntak edide akpan n̄kpọ ndinam utom ufọkn̄wed?

8. Ntak emi nnyịn mîkpefeheke utom?

9. Nso akpan mbụme oro aban̄ade utom ke nnyịn ikpobụp idem nnyịn?

Ibuot 43 Ikpehe Ekikere 1-7

1. Nso ke nnyịn ifiọk iban̄a nditọeka Jesus?

2. Jesus ọkọdọhọ ke mmanie ẹdi eka ye nditọeka imọ, ndien didie ke enye akanam ikọ esie an̄wan̄a?

3. Iman Jesus ẹkenam n̄kpọ didie ye enye ke akpa?

Ikpehe Ekikere 8-14

4. Mme uwụtn̄kpọ ewe ke Bible ọnọ aban̄a nditọeka oro mîkamaha kiet eken?

5. Nso ke nnyịn ikpekpep ito Cain ye Abel?

Ikpehe Ekikere 15-18

6. Nso idi ima, ndien ntak ọfọnde nnyịn ima ima?

7. Didie ke nnyịn ikeme ndiwụt ke imama nditọeka nnyịn?

Ibuot 44 Ikpehe Ekikere 1-5

1. Didie ke nnyịn ikeme ndidi ufan Abasi ukem nte Abraham?

2. Nso orụk owo ke Jesus okoyom ẹdi ufan imọ?

3. Mmanie ẹkesịne ke otu ata n̄kpet n̄kpet ufan Jesus?

Ikpehe Ekikere 6-10

4. Ntak emi Jesus ekesikade ekese kpukpru orụk owo?

5. Zacchaeus ekedi anie, ndien didie ke enye akakabade edi ufan Jesus?

Ikpehe Ekikere 11-15

6. Ntak emi nnyịn ikpakade ikese mme owo oro mîdịghe mme ufan nnyịn-e?

7. Mmanie ẹkpedi n̄kpet n̄kpet ufan nnyịn?

8. Didie ke nnyịn ikeme ndifiọk m̀mê owo eyedi eti ufan?

9. Didie ke mme ufan ẹkeme nditụk uwem nnyịn?

Ibuot 45 Ikpehe Ekikere 1-8

1. Nso idi Obio Ubọn̄ Abasi, ndien nso ke nnyịn ifiọk iban̄a Andikara esie?

2. Didie ke Obio Ubọn̄ Abasi akasan̄a ekpere ke eyo Jesus?

3. Nso akpan utom ke Jesus akanam ke isọn̄, ndien mmanie ẹken̄wam enye ẹnam utom emi?

Ikpehe Ekikere 9-14

4. Mmanie ẹyom Jesus edi Edidem mmọ, edi mmanie mîyomke?

5. Mmanie ẹkeyom ẹwot Jesus, ndien didie ke mmọ ẹkenam mbon en̄wen ẹtiene mmọ ẹyom ndiwot enye?

6. Mme owo ẹtie didie mfịn?

Ikpehe Ekikere 15-20

7. Didie ke nnyịn ikeme ndiwụt ke imama Abasi?

8. Jesus ndina baptism okowụt nso, ndien didie ke Abasi okowụt ke imenyịme enye?

9. Ntak emi nnyịn n̄ko ikpanade baptism, ndien ke ima ikanam oro, nso akpan utom ke oyom nnyịn ika iso inam?

Ibuot 46 Ikpehe Ekikere 1-11

1. Bible ndidọhọ ke “ererimbot ke ebebe efep” ọwọrọ nso?

2. Nso ke mme owo ẹkesinam mbemiso Ukwọ, ndien ntak emi Jesus ọkọdọhọde ke oyom ifiọk se mmọ ẹkenamde?

3. Nso ke Abasi ọkọdọhọ Noah anam, ndien nso iketịbe ke ini Ukwọ ekedide?

Ikpehe Ekikere 12-19

4. Nso ke nnyịn ikeme ndikpep nto se mme owo ẹkenamde mbemiso Ukwọ?

5. Nso ke Abasi edida osobo ndiọi owo, ndien ntak emi enye edisobode mmọ?

6. Nso idi Armageddon, ndien anie edida usụn̄ ke en̄wan oro?

Ibuot 47 Ikpehe Ekikere 1-11

1. Mme owo ẹdisan̄a didie ẹfiọk ke Jesus ama afiak edi onyụn̄ ọtọn̄ọ ndikara ke heaven?

2. Nso n̄kpọ ke Jesus ekekpep ke ini enye eketịn̄de aban̄a eto fig?

3. Nso idi ndusụk ke otu idiọn̄ọ oro Jesus ọkọnọde emi ẹsude mfịn?

Ikpehe Ekikere 12-16

4. Nso ke idiọn̄ọ oro Jesus ọkọnọde ọwọrọ?

5. Ke ini Jesus eketịn̄de aban̄a ndidomo ndibọhọ ke ini ukwọ, nso n̄kpọ ke enye ekekpep?

Ibuot 48 Ikpehe Ekikere 1-8

1. Nso ke “obufa enyọn̄” ye “obufa isọn̄” ẹwọrọ?

2. Da mme itie N̄wed Abasi ye mme ndise oro ẹdude mi tịn̄ nte uwem editiede ke obufa ererimbot Abasi.

Ikpehe Ekikere 9-15

3. Ntak emi oyomde inyene ifiọk Bible man idu uwem ke nsinsi?

4. Ke ẹsiode ifiọk efep, nso efen ke oyom inam edieke anade idu uwem ke obufa ererimbot Abasi?

5. Didie ke n̄wed emi ekeme ndin̄wam nnyịn ndidu uwem ke nsinsi?