Mme Mbụme Ukpepn̄kpọ N̄wed Kpep N̄kpọ To Akwa Andikpep

Mme Mbụme Ukpepn̄kpọ N̄wed Kpep N̄kpọ To Akwa Andikpep

Ndausụn̄ Ẹnọde ke Nte Ẹdikpepde N̄wed Andikpep

Man ẹkpep n̄wed emi uforo uforo, ẹwet nọmba ke mme ikpehe ekikere ke ibuot kiet kiet, esịnede ntọn̄ọikọ. Ẹkpenyene ndidian kpukpru ikpehe ekikere emi ẹdude ke ikpehe kiet kiet n̄kot. Ke ini ukpepn̄kpọ osụk akade iso, ẹkeme ndineme mme itie N̄wed Abasi oro ẹdude ke utịt ibuot ke ini odotde.

Ke ini ẹkpepde n̄wed emi ke Ukpepn̄kpọ N̄wed Esop, ẹkpenyene ndikpep ibuot iba kpukpru urua, ẹdade ntọn̄ọikọ nte akpa ibuot. Ẹnyene ndida urua 24 n̄kpep n̄wed emi, ndien ẹda ọyọhọ urua 25 ẹkpep Ibuot 48 ẹnyụn̄ ẹdụn̄ọde ofụri n̄wed emi.

Ntọn̄ọikọ Ikpehe Ekikere 1-5

1. Ntak emi ẹsikotde emana nsekeyen utịben̄kpọ?

2. Nso idi ndusụk n̄kpọ oro nditọwọn̄ ẹyomde ẹto mme ete ye eka?

3. Ntak emi mme ete ye eka oro ẹdide Christian ẹkpeyakde item mmọ ọkọn̄ọ ke Bible utu ke ndikọn̄ọ ke ukpepn̄kpọ akwaifiọk m̀mê mme ido edinam n̄kann̄kụk? (Mme N̄ke 3:5, 6; 14:12; Isaiah 30:21)

Ikpehe Ekikere 6-10

4. Didie ke ẹtịm mme mbụme oro ẹdude ke n̄wed emi man ẹn̄wam mme ete ye eka ẹkpep nditọ mmọ n̄kpọ, ndien nso ke mme ete ye eka ẹkeme ndikpep nto ibọrọ oro nditọwọn̄ ẹnọde ke mme utọ mbụme emi?

5. Didie ke ẹtịm mme ndise nte n̄kpọ un̄wam ukpepn̄kpọ?

6. Nso ke mme andisio n̄wed emi ẹnen̄ede ẹdori enyịn ẹban̄a?

Ibuot 1 Ikpehe Ekikere 1-6

1. Nso ke Jesus ekekeme ndinam nte andikpep?

2. Didie ke Jesus akakabade edi eti Eyen ye Akwa Andikpep?

3. Ke nso usụn̄ ke Jesus okokpụhọrede ye mme owo eken?

Ikpehe Ekikere 7-11

4. Nditọwọn̄ ẹkesan̄a didie ẹfiọk ke Jesus ama mmimọ?

5. Ntak emi Jesus ekesikpepde nditọwọn̄ n̄kpọ, ndien nso ke nnyịn ikeme ndikpep nto uwụtn̄kpọ esie?

6. Nso ke ikọ Jesus ọkọwọrọ ke ini enye ọkọdọhọde ke ikpọ owo ẹkpenyene ndikabade ntie nte eyenọwọn̄?

Ikpehe Ekikere 12-16

7. Nso akpan n̄kpọ ke Jesus okosio owụt ke ini enye eketịn̄de aban̄a mme inuen ye mme flawa?

8. Didie ke se Jesus ekekpepde ekeme ndin̄wam owo ebiere m̀mê enye eyenyịme utom oro ediyomde enye odu oyom usụn̄ ọkpọn̄ ubon esie?

9. Nso ke afo okụt ke Ukwọrọikọ Jesus Oro ke Obot emi owụtde ufọn edinịm Abasi akpa ke uwem nnyịn?

Ikpehe Ekikere 17-21

10. Didie ke nnyịn ikeme ndikpan̄ utọn̄ nnọ Jesus, ndien nso ididi utịp edieke inamde oro?

11. Ini ewe ke Abasi ọkọdọhọ mme mbet Jesus ẹkpan̄ utọn̄ ẹnọ Jesus, ndien didie ke nnyịn ikeme ndikop ata inemesịt?

Ibuot 2 Ikpehe Ekikere 1-7

1. Nso inam Bible enen̄ede edi akpan n̄wed akan kpukpru n̄wed eken?

2. Didie ke Abasi akanam ẹwet Bible, ndien ntak emi owụtde ifiọk ndinịm ke Abasi ekeme ndinọ mme etop ẹto heaven ẹdi?

Ikpehe Ekikere 8-12

3. Anie ekedi akpa andiwet Bible, ndien ẹkeda isua ifan̄ ẹwet Bible?

4. Siak enyịn̄ ndusụk mme andiwet Bible, nyụn̄ wụt mmọ ise ke ndise emi.

5. Mme andiwet Bible ẹkesan̄a didie ẹfiọk mme n̄kpọ mbemiso mmọ ẹtịbede?

Ikpehe Ekikere 13-18

6. Ntak emi kpukpru owo ẹkemede ndikpep se idude ke leta oro Abasi ọnọde ẹsọk ubonowo?

7. Nso idi ndusụk akpan n̄kpọ oro Bible etịn̄de ọnọ nnyịn?

8. Didie ke nnyịn ikeme ndiwụt ke imenen̄ede inyene eti ibuot inyụn̄ iwụt esịtekọm iban̄a Ikọ Abasi?

Ibuot 3 Ikpehe Ekikere 1-10

1. Nso ke afo enen̄ede ama aban̄a usụn̄ oro Abasi okobotde nnyịn?

2. Anie ke Abasi ekebem iso obot, ndien nnyịn isan̄a didie ifiọk?

3. Ntak emi Abasi okobotde mme odu uwem n̄kpọ?

4. Didie ke Abasi owụt nnyịn ima esie?

Ikpehe Ekikere 11-21

5. Mme uwụtn̄kpọ ewe ke afo ekeme ndida nsọn̄ọ ke Abasi enen̄ede odu?

6. Ntak emi mîkpanaha nnyịn idomo ndinam mbiet Abasi?

7. Didie ke nnyịn ikeme ndiwụt esịtekọm nnọ Abasi?

Ibuot 4 Ikpehe Ekikere 1-6

1. Nso iwụt ke ndinyene enyịn̄ edi ata akpan n̄kpọ?

2. Nso idi enyịn̄ Abasi, ndien ntak emi nnyịn ikpokotde enye?

3. Didie ke Jesus ekesikot enyịn̄ Abasi onyụn̄ ekpep mbon efen ẹtiene ẹkot?

Ikpehe Ekikere 7-14

4. Nso ke Abasi ekekpep Moses aban̄a enyịn̄ Esie?

5. Nso ke Jehovah ọkọdọhọ Pharaoh aban̄a enyịn̄ Esie?

6. Didie ke Jehovah akanam ẹfiọk enyịn̄ esie, ndien didie ke enye anam ntre mfịn?

Ikpehe Ekikere 15-19

7. Ke m̀mọ̀n̄ ke afo ekeme ndiwụt enyịn̄ Abasi ke Bible fo?

8. Didie ke afo ekeme ndiwụt ke imama Jehovah?

Ibuot 5 Ikpehe Ekikere 1-8

1. Didie ke Eyen Abasi ekedi edimana ke isọn̄? (Luke 1:26–38)

2. Nso eti uwụtn̄kpọ ke Jesus ye Mary ẹkenịm, ndien didie ke nnyịn ikeme ndikpebe mmọ?

3. Didie ke emana Jesus okokpụhọde ye kpukpru emana eken?

Ikpehe Ekikere 9-17

4. Nso mme n̄kpọ iketịbe ke okoneyo oro Jesus akamanade?

5. M̀mọ̀n̄ ke Jesus ọkọkọri ọwọrọ owo, ndien nso ke enye akanam oro ekenemde Abasi esịt? (Psalm 40:6–8)

6. Nso mme n̄kpọ en̄wen ke nnyịn ikeme ndikpep nto uwụtn̄kpọ Jesus?

Ibuot 6 Ikpehe Ekikere 1-4

1. Nso ke ekese owo ẹsiyom, ndien didie ke mme mbet Jesus ẹkewụt ke mmimọ imesikere n̄kpọ ke ukem usụn̄ oro ke ndusụk idaha?

2. Nso ke Jesus ekekpep oro mme mbet esie ẹkekpude ndikpep n̄kpọ nto?

Ikpehe Ekikere 5-12

3. Nso ke Jesus akanam ke okoneyo mbemiso enye akpade, ndien nso ke oro ekekpep?

4. Edieke nnyịn itienede uwụtn̄kpọ Jesus, nso nti n̄kpọ ke emi edida ẹdi?

Ikpehe Ekikere 13-18

5. Didie ke afo ekeme ndinam n̄kpọ nnọ mbonubon fo?

6. Didie ke afo ekeme ndinam n̄kpọ nnọ mme owo ke ufọkn̄wed ye ke mme ebiet en̄wen?

7. Ntak emi nnyịn ikpanamde n̄kpọ inọ mbon efen ọkpọkọm mmọ isiwụtke esịtekọm-ọ?

Ibuot 7 Ikpehe Ekikere 1-9

1. Ntak emi ọfọnde ndikpan̄ utọn̄ nnọ ikpọ owo?

2. Nso ke nnyịn ikeme ndikpep nto akam Jesus oro odude ke Luke 22:42?

3. Nso ke nnyịn iwụt ke ini ikopde item Abasi?

Ikpehe Ekikere 10-15

4. Didie ke nditọwọn̄ ẹkpeda Ephesus 6:1-3 ẹsịn ke edinam, ndien ntak emi mmọ ẹkpenamde ntre?

5. Didie ke n̄kopitem ekekpeme mme owo anyan ini ko ke edem?

Ikpehe Ekikere 16-19

6. Didie ke n̄kopitem ekeme ndikpeme nditọwọn̄ mfịn?

7. Didie ke kpukpru owo ẹbọ ufọn ẹto edikop item nnọ Abasi?

Ibuot 8 Ikpehe Ekikere 1-5

1. Mmanie ẹkon̄ ẹnyụn̄ ẹnen̄ede ẹnyene odudu ẹkan nnyịn?

2. Nso utịben̄kpọ ke Abasi akanam man Jesus ekeme ndimana nte nsekeyen ke isọn̄?

3. Didie ke Jesus okowụt ke imọ ima idodu uwem mbemiso imọ ikakabarede idi owo?

Ikpehe Ekikere 6-11

4. Nso ini iso ke Adam ye Eve ẹkpekenyene edieke mmọ ẹkpekekopde item Abasi?

5. Nso akpan ukpepn̄kpọ ke nnyịn ikeme ndikpep nto Genesis 2:17?

Ikpehe Ekikere 12-19

6. Didie ke angel oro Abasi okobotde akabian̄a Eve?

7. Nso iketịbe inọ Adam ye Eve ke ntak mmọ ẹkesọn̄de ibuot ye Abasi?

8. Ntak emi eti angel akakabarede ọdiọk-ọ?

9. Didie ke nnyịn ikeme ndikpebe Jesus nnyụn̄ n̄wụt ke Devil edi osu nsu?

Ibuot 9 Ikpehe Ekikere 1-4

1. Ke ini ẹdomode nnyịn, ntak emi nnyịn mîkpenyịmeke inyụn̄ inam n̄kpọ oro mîfọnke?

2. Nso ke ọwọrọ Bible ndidọhọ ke ‘enyọn̄ ama eberede’ ke ini Jesus akanade baptism?

Ikpehe Ekikere 5-13

3. Didie ke Satan ekebem iso odomo Jesus, ndien didie ke Jesus ọkọbiọn̄ọ enye?

4. Nso ikedi ọyọhọ idomo iba oro Satan okodomode Jesus, ndien nso ke Jesus ọkọbọrọ?

5. Nso ke nnyịn ikeme ndikpep nto ọyọhọ idomo ita oro Jesus okosobode?

Ikpehe Ekikere 14-20

6. Didie ke ẹkeme ndidomo nnyịn ndiyụhọ mme udọn̄ obụkidem nnyịn m̀mê ndinam n̄kpọ oro edide ndisịme?

7. Ini ewe ke esinen̄ede ọsọn̄ owo ndinam se inende, edi nso idin̄wam nnyịn ndinam se inende kpukpru ini?

Ibuot 10 Ikpehe Ekikere 1-6

1. Ntak emi kiet ke otu mme angel akakabarede edi andibiọn̄ọ Abasi-e?

2. Nso ke ndusụk mme angel eken ẹkenam, ndien ntak emi ọkọdiọkde?

3. Nditọ mme angel oro ẹketie didie, ndien nso ke Abasi akanam aban̄a mme afanikọn̄ oro ẹkedude ke isọn̄?

Ikpehe Ekikere 7-11

4. Nso ke Satan ye mme demon esie ẹnam idahaemi, ndien didie ke emi ẹkeme nditụk nnyịn?

5. Nso ndiọi n̄kpọ ke ndiọi angel ẹsidomo ndinụk nditọwọn̄ ẹnam?

Ikpehe Ekikere 12-17

6. Nso ndiọi n̄kpọ ke ndiọi angel ẹma, ndien m̀mọ̀n̄ ke mme owo ẹsiwak ndikpep mme utọ n̄kpọ emi?

7. Okposụkedi mme demon ẹnen̄ede ẹkop odudu, ntak emi nnyịn mîkpokopke ndịk iban̄a mmọ?

Ibuot 11 Ikpehe Ekikere 1-11

1. Ntak emi nnyịn ikemede ndinịm mme n̄kpọ oro nnyịn mîkemeke ndikụt-e?

2. Nso ke nnyịn ikpep iban̄a nti ye ndiọi angel?

3. Nso idi ndusụk n̄kpọ oro mme angel ẹsinemede ẹban̄a, ndien ntak emi afo enịmde ke mme angel ẹnyene udọn̄ ke idem nnyịn-e?

4. Didie ke mme angel ẹken̄wam mme owo oro ẹkemade Abasi ke ini edem?

Ikpehe Ekikere 12-17

5. Nso akpan utom ke mme angel Abasi ẹnam ke ufọn mme asan̄autom esie oro ẹdude ke isọn̄?

6. Nso utom ke mme angel Abasi ẹken̄wam Paul anam?

7. Nso akpan utom ke mme angel ẹdin̄wam Abasi ndinam ke mîbịghike?

Ibuot 12 Ikpehe Ekikere 1-7

1. Nso idi akam, ndien nnyịn isan̄a didie ifiọk ke akam oro ẹbọn̄de ọkpọkpọ ye enye oro ẹbọn̄de an̄wan̄wa ẹnen?

2. Ntak ọfọnde ndidọhọ “Amen” ke utịt akam, ndien nso ke enye ọwọrọ?

3. Ke ini ẹbọn̄de akam ke mme mbono esop, ntak edide akpan n̄kpọ ndikpan̄ utọn̄ ukpono ukpono nnyụn̄ ntre ndisuan enyịn nse n̄kpọ m̀mê ndinam uyom?

4. Nso ke nnyịn ikpep ito akam Nehemiah?

Ikpehe Ekikere 8-10

5. Nso akpan n̄kpọ ke ikpenyene nditi mban̄a akam?

6. Nso idi ndusụk n̄kpọ oro nnyịn ikemede nditịn̄ ke akam nnọ Abasi?

Ikpehe Ekikere 11-17

7. Nso ikedi mme ata akpan n̄kpọ ita oro Jesus ekekpepde mme anditiene enye ndibọn̄ akam mban̄a?

8. Nso mme n̄kpọ en̄wen ke Jesus ọkọdọhọ ibọn̄ akam iban̄a?

Ibuot 13 Ikpehe Ekikere 1-7

1. Nso ke ndidi mbet Jesus ọwọrọ?

2. Mmanie ekedi akpa mbet itiokiet oro Jesus ekenyenede, ndien nso ke afo ọfiọk aban̄a owo mmọ kiet kiet?

3. Ewe mbet Jesus inan̄ ẹkefiak ẹka ukọiyak, edi didie ke mmọ ẹkenam n̄kpọ ke ini Jesus akafiakde okot mmọ ẹditiene imọ?

Ikpehe Ekikere 8-12

4. Okoyom utọ mbon oro ẹnyịme ndinam nso ke ẹma ẹkekabade ẹdi mbet Jesus?

5. Anie owo ekesịn ndinyịme ikot oro Jesus ọkọnọde enye nditiene imọ, ndien ntak-a?

6. Mmanie ke Jesus ekemek ndidi mme apostle esie 12?

7. Ke otu mme apostle 12, anie mîkanamke akpanikọ, ndien anie akada itie esie?

8. Ewe irenowo efen ẹkekabade edi mme apostle?

Ikpehe Ekikere 13-16

9. Nnyịn isan̄a didie ifiọk ke iban n̄ko ẹkeme ndikabade ndi mme mbet Jesus?

10. Didie ke ata mbet Jesus akpanam n̄kpọ, ndien ke m̀mọ̀n̄ ke enye edinam emi?

Ibuot 14 Ikpehe Ekikere 1-5

1. Didie ke nnyịn ikpanam n̄kpọ ye mbon oro ẹnamde n̄kpọ oro nnyịn mîmaha?

2. Nso ke ikọ Jesus ọkọwọrọ ke ini enye ọkọdọhọde: ‘Afo enyene ndifen nnọ enye utịm ike ata ye efụteba’?

3. Ke Jesus ama ọkọbọrọ mbụme Peter, nso ke enye akanam?

Ikpehe Ekikere 6-13

4. Didie ke edidem oro akanam n̄kpọ ye ofụn oro akakamade enye ediwak okụk?

5. Didie ke ofụn oro akanam n̄kpọ ye ekemmọ ofụn emi akakamade enye ata ekpri okụk?

6. Didie ke edidem akanam n̄kpọ ke ini enye okokopde se ofụn oro mîkefenke inọ owo do akanamde?

Ikpehe Ekikere 14-18

7. Anie ke edidem oro ada aban̄a ke mbụk Jesus oro?

8. Nso akpan n̄kpọ ke mbụk Jesus emi ekpep?

9. Nso ke afo edinam edieke owo ọdọhọde fi efen ọnọ imọ, idem ọkpọkọm ama efefen ọnọ enye ediwak ini?

Ibuot 15 Ikpehe Ekikere 1-7

1. Nso idi asari, ndien ntak emi afo enịmde ke ifọnke owo ndinam asari?

2. Ke ini owo oro akanamde asari ekedide edibụp Jesus se imọ inyenede ndinam man idu uwem ke nsinsi, nso ke Jesus ekebem iso etịn̄?

3. Didie ke owo oro okoyom usụn̄ ndifan̄a?

Ikpehe Ekikere 8-15

4. Nso mbụk ke Jesus ọkọnọ owo oro man an̄wam enye?

5. Nso mbụme ke Jesus okobụp owo oro ke ama ọkọnọ mbụk oro ama, ndien nso ke enye ọkọbọrọ?

Ikpehe Ekikere 16-19

6. Didie ke mbụk Jesus emi owụt owo oro mbọhọidụn̄ nnyịn edide?

7. Nnyịn isan̄a didie ifiọk ke Jehovah inamke asari?

8. Didie ke nnyịn ikeme ndidi eti mbọhọidụn̄?