Ndụn̄ọde Ufọkn̄wed Utom Ukara Abasi

Ẹdineme mme mbụme ndụn̄ọde oro ẹtienede mi ke Ufọkn̄wed Utom Ukara Abasi ke urua ọtọn̄ọde December 25, 2006. Esenyịn ufọkn̄wed edise aban̄a ndụn̄ọde emi ke minit 30, ọkọn̄ọde ke se ẹkenọde ẹnam ke mme urua November 6 esịm December 25, 2006. [Tịm fiọk: Ke mbụme oro owo mîsiakke n̄wed oro ẹdikụtde ibọrọ, afo enyene ndinam ndụn̄ọde ke idemfo nyom mme ibọrọ mbụme emi.—Se Ufọkn̄wed Utom, p. 36-37.]

MME IDO UTỊN̄IKỌ

1. Nso ikpan̄wam nnyịn ndibiere nnennen ikọ oro ikpetịn̄de ke ini iyomde ndisiak itie N̄wed Abasi? [be-EF p. 148 ikp. eki. 4–p. 149 ikp. eki. 1]

2. Nso idi ndusụk usụn̄ emi nnyịn ikemede ndidori nsọn̄uyo oro odotde ke se nnyịn itịn̄de? [be-EF p. 151 ikp. eki. 4–p. 152 ikp. eki. 3]

3. Sia ndikpep mbon efen Ikọ Abasi edide akwa utom, nso ke oyom nnyịn inam edieke anade ‘itịm isiak ikọ akpanikọ’? (2 Tim. 2:15) [be-EF p. 153 ikp. eki. 1-3, ekebe; p. 154 ikp. eki. 1-2]

4. Mme usụn̄ ewe ke nnyịn ikeme ndinam ebuana oro odude ke mme itie N̄wed Abasi oro ikotde an̄wan̄a? [be-EF p. 154 ikp. eki. 4–p. 155 ikp. eki. 3]

5. Ntak edide akpan n̄kpọ ndinam ufọn oro odude ke utịn̄ikọ nnyịn an̄wan̄a, ndien nso idi ndusụk usụn̄ oro ikemede ndinam emi? [be-EF p. 157 ikp. eki. 1-4, ekebe; p. 158 ikp. eki. 1]

UTỊN̄IKỌ NỌ. 1

6. Ntak ẹkemede ndidọhọ ke “baba obufa n̄kpọ idụhe ke idak utịn”? (Eccl. 1:9) [w87-EF 9/15 p. 24 ikp. eki. 4-5]

7. Didie ke mme utom nti owo ẹdu ke ubọk Abasi? (Eccl. 9:1) [w87-EF 9/15 p. 25 ikp. eki. 9-10]

8. Eyenan̄wan Shunem ndiwụk “nditọiban Jerusalem” emi ẹkedade mbet ẹnọ edidem ẹte ‘mmọ ẹkûdemede udọn̄ ima imọ tutu imọ inyene udọn̄ oro’ okowụt nso? (Ikwọ Sol. 2:7; 3:5) [w87-EF 11/15 p. 27 ikp. eki. 13]

9. Nso idi mme n̄kpọ oro ẹnamde ererimbot odu ke ekịm mfịn? [w01-EF 3/1 p. 13 ikp. eki. 8-9]

10. Nso ikeme ndin̄wam etịn̄ikọ okûkama n̄wed utịn̄ikọ oro ẹwetde n̄kpọ awak akaha? [be-EF p. 42 ikp. eki. 1]

EDIKOT BIBLE EKE URUA KE URUA

11. Didie ke “mmọ eke ẹyomde Jehovah ẹtịm ẹfiọk kpukpru” n̄kpọ? (N̄ke 28:5)

12. Didie ke ‘ọkpọsọn̄ utom mbon ndisịme anam mmọ ẹkpa mba’? (NW) (Eccl. 10:15)

13. Didie ke Shulammite okowụt ke imọ itie nte “edisịri in̄wan̄,” ndien didie ke enye edi eti uwụtn̄kpọ ọnọ Christian iban oro mîdọhọ ndọ? (Ikwọ Sol. 4:12)

14. Ke ini Jehovah ọkọdọhọde nditọ Israel ẹdi mmimọ “ikpe ikọ,” ndi enye okowụt ke imọ imeben̄e idem ndinam emem ye ikọt esie? (Isa. 1:18a)

15. Didie ke Isaiah 11:6-9 okosu ke eset, ndien didie ke enye osu ke akamba usụn̄?