Ndụn̄ọde Ufọkn̄wed Utom Ukara Abasi

Ẹdineme mme mbụme oro ẹtienede mi ke Ufọkn̄wed Utom Ukara Abasi ke urua ọtọn̄ọde October 30, 2006. Esenyịn ufọkn̄wed edise aban̄a ndụn̄ọde emi ke minit 30, ọkọn̄ọde ke se ẹkenọde ẹnam ke mme urua September 4 esịm October 30, 2006. [Tịm fiọk: Ke mbụme oro owo mîsiakke n̄wed oro ẹdikụtde ibọrọ, afo enyene ndinam ndụn̄ọde ke idemfo nyom mme ibọrọ mbụme emi.—Se Ufọkn̄wed Utom, p. 36–37.]

MME IDO UTỊN̄IKỌ

1. Ke ini itịn̄de ikọ, ntak emi nsọn̄ọnda edide akpan n̄kpọ, ndien didie ke nnyịn ikeme ndisụhọde editịmede esịt? [be-EF p. 135 ikp. eki. 5–p. 137 ikp. eki. 2, mme ekebe]

2. Ke ini ẹbụpde mbụme ẹban̄a mme edinịm ke akpanikọ nnyịn, ntak emi nnyịn ikpodomode ndida Bible nnọ ibọrọ? [be-EF p. 143 ikp. eki. 1-3]

3. Didie ke nnyịn ikeme nditịm nnyene usọ ke ndida Bible nnọ ibọrọ? [be-EF p. 144, ekebe]

4. Ntak edide akpan n̄kpọ ndikama Bible kpukpru ini emi ikpepde n̄kpọ ke an̄wautom, ndien didie ke nnyịn ikeme ndisịn udọn̄ nnọ nditọete ẹda enye ẹnam n̄kpọ ke mbono esop? [be-EF p. 145-146, mme ekebe]

5. Nso adiana-iba uduak ke nnyịn inyene ke ini isiakde itie N̄wed Abasi? [be-EF p. 147 ikp. eki. 2]

UTỊN̄IKỌ NỌ. 1

6. Nso ntọt kaban̄a ntan̄idem isịne ke Psalm 75? [w86-EF 12/15 p. 28 ikp. eki. 7]

7. Nso idi “uten̄e Jehovah”? [w87-EF 5/15 p. 27 ikp. eki. 3-4]

8. Nso idi n̄kpọ itiaba oro Jehovah esede ke mbubiam? (N̄ke 6:16-19) [w87-EF 5/15 p. 27 ikp. eki. 12]

9. Ke Mme N̄ke 2:1-5, nsịnudọn̄ oro ẹnọde ẹte ka iso nyom ifiọk, asian, ye mbufiọk “nte silver . . . [ye] nte n̄kpọ-uto eke edịbede” ọwọrọ nso? [be-EF p. 38 ikp. eki. 4]

10. Ntak emi edin̄wam ubuene etiede ukem nte edinọ Jehovah n̄kpọ ke ebuọt-ọ? [w87-EF 5/15 p. 28 ikp. eki. 14-15]

EDIKOT BIBLE EKE URUA KE URUA

11. Didie ke David ‘okosụhọde okonyụn̄ odop ukpọn̄ esie nte eyen eke adahade ke eba, eke anade eka esie ke ubọk,’ ndien didie ke nnyịn ikeme ndikpebe enye? (Ps. 131:1-3)

12. Nso ndọn̄esịt ke nnyịn ikeme ndinyene nto ikọ eke odudu spirit oro ẹwetde ke Psalm 139:7-12?

13. Nso idi mme n̄kpọ oro ẹwụtde ubom ubọn̄ Jehovah emi ẹsiakde ke Psalm 145 emi nnyịn ikemede nditoro enye ke akam nnyịn ye ke utom an̄wautom? (Ps. 145:3)

14. Ke nso usụn̄ ke uten̄e Jehovah edi “akpan ifiọk” ye “editọn̄ọ eti ibuot”? (N̄ke 1:7; 9:10)

15. Ke Mme N̄ke 7:1, 2, nso ke “ikọ mi” ye “ewụhọ mi” abuana?