Mme Ntọt
◼ N̄wed ẹnọde ke May: Nọ Enyọn̄-Ukpeme ye Awake! Ke ini afiakde ebịne mbon oro ẹkewụtde udọn̄, esịnede mbon oro ẹsidụkde Editi m̀mê mme edinam ukara Abasi eken, edi oro mîbuanake ifịk ifịk ye esop, wụk ntịn̄enyịn ke ndinịm obufa n̄wed Nso ke Bible Enen̄ede Ekpep? Uduak ekpedi nditọn̄ọ ukpepn̄kpọ Bible ke n̄wed oro. June: Nọ n̄wed Kpep N̄kpọ to Akwa Andikpep. Edieke mme owo ẹdọhọde ke mmimọ inyeneke nditọ, nọ n̄wed Inemesịt Ubon. July ye August: Ẹkeme ndinọ ekededi ke otu ndiye uduot n̄kpri n̄wed ẹnyenede page 32 ẹtienede mi: Afo Emekeme Ndidi Ufan Abasi!, Dara Uwem ke Isọn̄ ke Nsinsi!, Ẹdu ke Ukpeme!, Enyịn̄ Abasi Oro Edibịghide ke Nsinsi, Ke Ini Owo Oro Afo Amade Akpade, Nso Idi Uduak Uwem?—Didie ke Afo Ekeme Ndikụt Enye?, Nso Itịbe inọ Nnyịn ke Ini Nnyịn Ikpade?, Nte Abasi Enen̄ede Ekere Aban̄a Nnyịn?, Nte Afo Ekpenyene Ndinịm Abasi-Ita-ke-Kiet ke Akpanikọ?, N̄wed Ofụri Owo, “Sese! Mmanam Kpukpru N̄kpọ Ẹdi Mbufa,” Spirit Mme Akpan̄kpa—Nte Mmọ Ẹkeme Ndin̄wam Fi m̀mê Ndinọ Fi Unan? Nte Mmọ Ẹnen̄ede Ẹdu?, Ukara Emi Edidade Paradise Edi, ye Usụn̄ Oro Adade Esịm Nsinsi Uwem.
◼ Sia July enyenede utịturua ition, emi edidi ata eti ọfiọn̄ ndinam utom usiakusụn̄ unọ un̄wam.
◼ Esenyịn oro etiede ibuot m̀mê owo en̄wen oro enye emekde ekpenyene ndidụn̄ọde ibatokụk esop ke June 1 m̀mê usọp usọp nte ekekeme ke oro ebede. Edieke ẹnyenede san̄asan̄a n̄wed ibatokụk, utọ nte okụk oro ẹdade ẹse ẹban̄a m̀mê ndibọp ufọkmbono Obio Ubọn̄, ẹkpenyene ndinam ndutịm man ẹdụn̄ọde emi n̄ko. Ke ẹma ẹkenam (mme) ndụn̄ọde emi, ẹkpenyene nditọt esop ke ini ẹdikotde ntọt ibatokụk ini efen.
◼ Mbemiso ẹtọn̄ọde utom edibọp obufa m̀mê edidiọn̄ Ufọkmbono Obio Ubọn̄, mbiowo ẹkpenyene ndisobo ye nditọete oro ẹn̄wamde Itieutom Ubọp Ufọkmbono Obio Ubọn̄ ke n̄kann̄kụk oro. Emi esịne edidep m̀mê edinyam isọn̄. Nditọete oro ẹn̄wamde Itieutom Ubọp Ufọkmbono Obio Ubọn̄ ẹkeme ndin̄wam mme esop ndinam mme ubiere ke mme n̄kpọ ẹban̄ade isọn̄, nnyụn̄ ndot ndibọp Ufọkmbono Obio Ubọn̄.
◼ Ọfọn ndikpọn̄ n̄wed eben̄e utom usiakusụn̄ ofụri ini nnọ n̄kọk itieutom ke nsụhọde n̄kaha usen 30 mbemiso usenọfiọn̄ oro ẹyomde nditọn̄ọ. Ewetn̄wed esop ẹkpenyene ndidụn̄ọde babru emi man okụt ete ke ẹwet n̄kpọ ẹyọhọ. Edieke mbon oro ẹsịnde n̄wed eben̄e mîtịghi nnennen usenọfiọn̄ baptism mmọ, mmọ ẹkpenyene ndimek usenọfiọn̄ nnyụn̄ n̄wet enye nnịm. Ewetn̄wed ekpenyene ndiwet usenọfiọn̄ emi ke kad Congregation’s Publisher Record (S-21)
◼ Mbufa N̄wed Ẹdude:
New World Translation of the Holy Scriptures (bi12 nsiondi eke mmemmem ikpaedem)—Ikọmbakara
Watch Tower Publications Index 2003—Usem Idiọn̄ọ America
◼ Obufa Ọkpọ Umụm Ikọ Odude:
Respect Jehovah’s Authority—(Drama, ọkpọ umụm ikọ kiet)—Igbo
◼ Obufa DVD Odude:
Sing Praises to Jehovah—Ke DVD, Eboho 3—Usem Idiọn̄ọ America
◼ Obufa N̄wed Odude:
Hellfire—Is It Part of Divine Justice? (eke mbon Muslim) (Tract No. 74)—Ikọmbakara