Se Ẹkpetịn̄de Ẹban̄a Mme Magazine

Enyọn̄-Ukpeme Dec. 15

“Ediwak owo ẹkop editịmede esịt ẹban̄a nte ẹdade ini nduọkodudu ẹnam mbubịne idahaemi. Ndi afo ekere ke ikpanaha ẹda ini oro ẹnam mbubịne? [Bet ibọrọ.] Magazine emi eneme mme ukpụhọde oro ẹdude ke mme edinam ini nduọkodudu ke ediwak isua emi ẹbede. Enye n̄ko eneme nte nnyịn ikemede ndinen̄ede n̄kpono Abasi ye Christ.” Kot John 17:3.

Awake! Dec. 22

“Ke isua 85 oro ẹkebede, udọn̄ọ kiet oro akasuanade atara ama owot ediwak owo ke urua 24 akan nte AIDS owotde ke isua 24. Ndusụk owo ẹkot enye ndiọkn̄kan udọn̄ọ oro akanam odude ke mbụk. Ndi omokop aban̄a efiomnsa? [Bet ibọrọ.] Magazine emi owụt m̀mê utọ n̄kpọ ntre ayafiak etịbe. Enye n̄ko ọnọ ntak ndinyene idotenyịn nte ke enye iditịbeke aba.” Kot Isaiah 33:24.

Enyọn̄-Ukpeme Jan. 1

“Mme owo ẹnyene ukeme ndinam nti n̄kpọ, kpa ye oro, mmọ ẹsiwak ndinam ndiọi n̄kpọ oro inua mîkemeke nditịn̄. Nte akanam emekere ntak emi mmọ ẹsinamde ntre? [Bet ibọrọ.] Magazine emi ọnọ ibọrọ oro otode Bible. Enye n̄ko anam an̄wan̄a nte eti n̄kpọ edikande idiọk ubọk taktak.” Kot Rome 16:20.

Awake! Jan.

“Ndi akanam afo emekere nte ererimbot emi editiede ke isua 20 m̀mê 30 oro ẹdidide? [Bet ibọrọ. Ekem kot Psalm 119:105.] Bible esịn un̄wana ke nte ini iso editiede. Magazine emi odụn̄ọde mme ntịn̄nnịm ikọ oro ẹwụtde ini emi nnyịn idude uwem ye ntak oro nnyịn ikemede ndidori enyịn mban̄a nyayama ini iso.”