Mme Ntọt
◼ N̄wed ẹnọde ke December: Akakan Owo Oro Akanam Odude Uwem. Se ẹnọde ke ukpụhọ edi N̄wed Mi eke Mme Mbụk Bible, m̀mê Afo Emekeme Ndidu Uwem ke Nsinsi ke Paradise ke Isọn̄. January: Ẹdinọ n̄wed ekededi oro enyenede page 192 oro ẹkemịn̄de ke babru oro etiede utouto oro esop enyenede ke itie unịm n̄wed. Se ẹnọde ke ukpụhọ edi ediye uduot ekpri n̄wed Ẹdu ke Ukpeme! February: Ẹdinọ San̄a Kpere Jehovah. Se ẹnọde ke ukpụhọ edi n̄wed Ata-Utịt Ediyarade m̀mê akani n̄wed efen oro odude.
◼ Mbọk ẹtịm ẹfiọk ẹte ke Editi eke isua 2007 edidi ke Monday, April 2, ke utịn ama okosụhọde. Ẹbak ẹnọ ntọt emi man nditọete ẹkeme ndinam ndutịm oro odotde ndibọ mme itie efen nnịm ke ini ediwak esop ẹsinịmde mbono esop ke Ufọkmbono Obio Ubọn̄ ndien ana mmọ ẹyom mme itie efen. Ke mme utọ idaha emi, mbiowo ẹkpenyene ndinyene nneme ye (mme) andise n̄kpọ mban̄a itie oro man ẹkụt ẹte ke mme edinam efen ke itie oro ididaha ndutịme idi man Editi ekeme ndika iso emem emem ye ke ido nte eyede.
◼ Sia Editi edide akpan n̄kpọ, otu mbiowo ekpenyene ndimek kiet ke otu mbiowo emi etịmde odot ndidi etịn̄ikọ utu ke n̄kukụre ndinọ owo kiet kiet ufan̄ m̀mê ndinam eyenete kiet ọnọ kpukpru isua. Edieke ebiowo oro ẹyetde aran emi enen̄ede enyene ukeme ndinọ utịn̄ikọ oro odude, ẹkpenyene ndimek enye ndinọ utịn̄ikọ oro.
◼ Mbọk nam ukpụhọde ke ikpehe ekikere 3 ke Ndutịm Ufọkn̄wed Utom Ukara Abasi ke esịne-esịt Utom Obio Ubọn̄ Nnyịn eke October 2005, man etie ntem: “Ufọkn̄wed ekpenyene nditọn̄ọ KE INI ye ikwọ ye akam ye ikọ ekọm onyụn̄ aka iso nte ẹwụtde ke idakisọn̄ emi. Ke ẹma ẹkekụre ikpehe kiet kiet, esenyịn ufọkn̄wed oyokot etịn̄ikọ efen.”
◼ Edi akpan n̄kpọ otu oro ẹsịnede owo 20 m̀mê ẹwakde ẹkan oro, emi ẹnamde ndutịm ndidi ndise n̄kọk itieutom Igieduma ndibem iso n̄wet nnyịn. Ke leta emi, ẹkpenyene ndisiak ibat owo ye usenọfiọn̄ oro otu emi edidide. Ẹkeme n̄ko ndida urụk ukopikọ nnam emi ke nsụhọde n̄kaha usen iba mbemiso mbufo ẹdide. Ke ẹma ẹkesịm Bethel, mbọk ẹnọ enyịn̄ mme owo oro ẹma ẹkena baptism, mme asuanetop oro mînaha baptism, ye mbon oro ẹnyenede udọn̄. Edida hour iba ndisan̄a n̄kanade, ntre nnyịn imesịn udọn̄ inọ mbufo ndibabak n̄kpọn̄ ufọk man ẹdisịm ke eti ini, ẹsan̄a ẹkanade, ẹnyụn̄ ẹfiak ẹnyọn̄ọ ke eti ini ke usen oro. Ẹwet “Attention Bethel Office” ke ẹfọkn̄wed oro. Mbemiso mbufo ẹdide, mbọk ẹdụn̄ọde se idude ke Ekebe Mbụme ke Utom Obio Ubọn̄ Nnyịn eke June 2002, emi aban̄ade usịnen̄kpọ ye ukamaidem oro odotde ke ini ẹdide ẹdise ufọkidụn̄ Bethel.