Ndụn̄ọde Mbono Circuit

Ẹdineme ibuotikọ emi ke Esoputom esisịt ini mbemiso esop akade mbono circuit eke 2006 ye esisịt ini ke mmọ ẹnyọn̄de ẹdi. Esenyịn oro etiede ibuot ayanam ndutịm man ẹnam ndụn̄ọde emi mbemiso ẹkade mbono ye ke ẹnyọn̄de ẹdi, nte ẹkewụtde ke Utom Obio Ubọn̄ Nnyịn eke December 2004, page 4. Ke ini ndụn̄ọde emi, ẹkpenyene ndibụp kpukpru mbụme, ẹwụkde ntịn̄enyịn ke nte nnyịn ikemede ndida ntọt oro ẹkenọde nsịn ke edinam.

AKPA USEN

1. Didie ke nnyịn imen obufa owo isịne, ndien ntak anade nnyịn ika iso ikpeme enye?

2. Didie ke ndusụk owo ẹnam ekese ke utom ukwọrọikọ?

3. Ntak akpanade nnyịn ifep ndidomo idem ye mbon en̄wen-e?

4. Didie ke mme andibuana ke ubon ẹkpewụt obufa edu ke esịt ubon?

5. Didie ke nnyịn ikeme ndiwụt ke imọsọn̄ọ ida inọ esop ibetedem?

6. Ntak oyomde nnyịn iwụt obufa edu ke an̄wautom?

7. Nditie n̄kere n̄kpọ nte ọfọnde abuana nso, ndien didie ke nnyịn ibọ ufọn ito utọ editie n̄kere oro?

8. Mme edu ewe ẹdinam nnyịn idi se Jehovah ekemede ndibot?

ỌYỌHỌ USEN IBA

9. Edi akpan n̄kpọ didie nnyịn ndida edeme nnyịn nnam n̄kpọ ke eti usụn̄?

10. Mme ufọn ewe ke ikeme ndibọ nto editịn̄ nti ikọ ye nsan̄autom, nsan̄a ufọkn̄wed, ọkọrọ ye mbon efen?

11. Didie ke nnyịn ikeme ndinam item Paul oro odude ke Ephesus 4:25-32 ke ini inamde n̄kpọ ye ekemmọ mme andinịm ke akpanikọ?

12. Didie ke nnyịn ikeme ndida edeme nnyịn nnam n̄kpọ ke usụn̄ oro etịmde enyene ukpono?

13. Nso ke ana nnyịn inam man ikan andidiọk?

14. Ke mme ikpehe ewe ke nnyịn ikpodomo ndinana ntọi ke ererimbot?

15. Ntak anade nnyịn inam owo emi nnyịn idide ke esịtidem edi obufa ke usen ke usen, ndien didie ke nnyịn ikeme ndinam emi?

16. Item ewe ke ndutịm mbono circuit eke isua emi ke afo aduak ndida nsịn ke edinam?