Mme Ntọt

◼ Mme n̄wed ẹnọde ke July ye August: Ẹkeme ndinọ ekededi ke otu ndiye uduot n̄kpri n̄wed ẹnyenede page 32 ẹtienede mi: Dara Uwem ke Isọn̄ ke Nsinsi!, Enyịn̄ Abasi Oro Edibịghide ke Nsinsi, Ke Ini Owo Oro Afo Amade Akpade, Nso Idi Uduak Uwem?—Didie ke Afo Ekeme Ndikụt Enye?, Nso Itịbe inọ Nnyịn ke Ini Nnyịn Ikpade?, Nte Afo Ekpenyene Ndinịm Abasi-Ita-ke-Kiet ke Akpanikọ?, Nte Abasi Enen̄ede Ekere Aban̄a Nnyịn?, N̄wed Ofụri Owo, “Sese! Mmanam Kpukpru N̄kpọ Ẹdi Mbufa,” Spirit Mme Akpan̄kpa—Nte Mmọ Ẹkeme Ndin̄wam Fi m̀mê Ndinọ Fi Unan? Nte Mmọ Ẹnen̄ede Ẹdu?, Ukara Emi Edidade Paradise Edi, ye Usụn̄ Oro Adade Esịm Nsinsi Uwem—Nte Afo Omokụt Enye? September: Ẹdinọ San̄a Kpere Jehovah. Emekeme ndinọ n̄wed Prọfesi Daniel m̀mê ediye uduot ekpri n̄wed Ẹdu ke Ukpeme nte ukpụhọ. October: Ẹdinọ Enyọn̄-Ukpeme ye Awake! ke ofụri ọfiọn̄ oro. Ke ebiet oro ẹwụtde udọn̄, mbọk nọ ediye uduot ekpri n̄wed Oyom, nyụn̄ fiak ka ye uduak nditọn̄ọ ukpepn̄kpọ Bible.

◼ Ọtọn̄ọde ke September, mme esenyịn circuit ẹdinọ utịn̄ikọ an̄wa ke ibuotikọ emi, “Ntak Ayakde Bible Ada Fi Usụn̄-ọ?”

◼ Ẹnọ esop kiet kiet babru Literacy Report iba. Ke ẹma ẹkewet n̄kpọ ẹyọhọ, mbọk ẹnọ kiet ẹsọk ọfis n̄kọk itieutom ke August 1. Ẹsịn enye eken ke n̄kpọ udọn̄ n̄wed esop. Mbọk tịm fiọk ete ke idem ọkpọkọm kpukpru mme asuanetop ke esop mbufo ẹkeme ndikot nnyụn̄ n̄wet n̄kpọ mîdịghe edieke mbufo mînamke ndutịm inọ Ufọkn̄wed Oro Ẹkpepde Nte Ẹkotde Ẹnyụn̄ Ẹwetde N̄kpọ, ẹsụk ẹyoyom mbufo ẹwet n̄kpọ ẹyọhọ babru mbiba oro ẹnyụn̄ ẹnọ kiet edi ọfis n̄kọk itieutom man ẹsịn ke n̄kpọ udọn̄ n̄wed mbufo.

◼ Ọfọn ndikpọn̄ n̄wed eben̄e utom usiakusụn̄ ofụri ini nnọ ọfis n̄kọk itieutom ke nsụhọde n̄kaha usen 30 mbemiso usenọfiọn̄ oro ẹkesịnde eben̄e nditọn̄ọ. Ewetn̄wed esop ẹkpenyene ndidụn̄ọde babru emi man okụt ete ke ẹwet n̄kpọ ẹyọhọ. Edieke mbon oro ẹsịnde n̄wed eben̄e mîtịghi nnennen usenọfiọn̄ baptism mmọ, mmọ ẹkpenyene ndimek usenọfiọn̄ nnyụn̄ n̄wet enye nnịm. Ewetn̄wed ekpenyene ndiwet usenọfiọn̄ emi ke kad Congregation’s Publisher Record (Ibatutom Asuanetop Esop) (S-21).

◼ Mme ewetn̄wed esop ẹkpenyene ndikụt nte ke asiakusụn̄ ofụri ini kiet kiet ke esop enyene Pioneer Appointment Letter (Leta Uda Mmek Asiakusụn̄) (S-202). Edieke mmọ mînyeneke, mbọk ẹwet ọfis n̄kọk itieutom.