Se Ẹkpetịn̄de Ẹban̄a Mme Magazine

Enyọn̄-Ukpeme June 15

“Ata ediwak nnyịn idibiat n̄wakn̄kan eyo uwem nnyịn inam utom. Ndusụk owo ẹse oro nte edidiọn̄; edi mbon eken ẹse enye nte isụn̄i. Afo ekere didie? [Bet ibọrọ. Ekem kot Ecclesiastes 2:24.] Magazine emi owụt nte Bible ekemede ndin̄wam nnyịn inyene nnennen ekikere iban̄a utom. Enye n̄ko eneme nte ẹkemede ndise mban̄a mfịghe emi odude ke itieutom.”

Awake! June 22

“Ndi afo emekere ke obio nnyịn ọkpọfọn akan emi edieke kpukpru owo ẹkpedade mme ikọ emi ẹdu uwem? [Kot Ephesus 4:28. Ekem bet ibọrọ.] Magazine emi etịn̄ aban̄a se isitakde nnyịn owo kiet kiet ke ntak n̄kpọ oro ẹsiyịpde ke ufọkurua. Enye n̄ko owụt nte uyịpinọ ye kpukpru orụk ubiatibet eken ẹditrede.”

Enyọn̄-Ukpeme July 1

“Kpukpru nnyịn imọfiọk mbon oro ẹtiede nte ẹkụt unen edi osụk etiede nte odu se inanade ke uwem mmọ. Afo ekere ke mmọ ẹyom nso? [Bet ibọrọ. Ekem kot Matthew 5:3.] Magazine emi eneme akpan n̄kpọ oro anamde ẹnyene emem esịtidem—ndiyụhọ udọn̄ n̄kpọ spirit nnyịn.”

Awake! July 8

“Ke eyo nnyịn oro ẹmiade mbuba uyom utom, akpan mfịna emi odude edi unana utom. Magazine emi etịn̄ aban̄a usụn̄ ition emi ẹkemede ndida nyom utom. [Wụt n̄kpri ibuotikọ oro ẹwetde ke ndodobi ubọkn̄wed ke ibuotikọ oro “Five Keys to Finding a Job (Usụn̄ Ition Ndida Nyom Utom).”] Enye n̄ko ọnọ nti ekikere ke nte ẹkpetịmde ẹnam utom.” Kot Mme N̄ke 22:29, oro ẹkotde ẹsịn ke page 10.