Mme Ntọt

◼ Mme n̄wed ẹnọde ke September: San̄a Kpere Jehovah. Se ẹnọde ke ukpụhọ, afo emekeme ndinọ Nọ Ntịn̄enyịn ke Prọfesi Daniel mîdịghe Afo Emekeme Ndidu Uwem ke Nsinsi ke Paradise ke Isọn̄. October: Ẹdinọ Enyọn̄-Ukpeme ye Awake! ke ofụri ọfiọn̄ oro. Ke ebiet oro ẹwụtde udọn̄, mbọk nọ ediye uduot ekpri n̄wed Oyom, nyụn̄ fiak ka ye uduak nditọn̄ọ ukpepn̄kpọ Bible. November: Nọ Kpep N̄kpọ to Akwa Andikpep. Edieke mme owo ẹdọhọde ke mmimọ inyeneke nditọ, nọ ediye uduot ekpri n̄wed Oyom. Wụk ntịn̄enyịn ke ndida ediye uduot ekpri n̄wed emi ntọn̄ọ mme ukpepn̄kpọ Bible. December: Akakan Owo Oro Akanam Odude Uwem. Se ẹnọde ke ukpụhọ edi N̄wed Mi eke Mme Mbụk Bible, m̀mê Afo Emekeme Ndidu Uwem ke Nsinsi ke Paradise ke Isọn̄.

◼ Ẹti mbiowo ndinam n̄kpọ mban̄a ntọt oro ẹkenọde ke page 21-23 ke Enyọn̄-Ukpeme eke April 15, 1991, kaban̄a owo ekededi oro ẹkesiode ẹfep m̀mê oro ẹkekpọn̄de esop ke idemmọ emi ẹkemede ndinyene udọn̄ ndinam n̄kpọ man ẹfiak ẹda.

◼ Mme esop ẹkpenyene ndinọ mme owo nsiondi Enyọn̄-Ukpeme ye Awake! ke ndondo oro mmọ ẹbọde. Emi ayanam mme asuanetop ẹmehe ye se isịnede ke mme magazine emi mbemiso ẹnọde mmọ ke an̄wautom.

◼ Ẹdinọ akpan utịn̄ikọ ini Editi eke 2005 ke Sunday, April 10. Ama ekem ẹyesiak ibuotikọ utịn̄ikọ emi. Mme esop oro ẹnyenede edidi esenyịn circuit m̀mê mbono ke utịturua oro ẹdinọ akpan utịn̄ikọ emi ke utịturua oro etienede. Esop ndomokiet ikpenyeneke ndinọ akpan utịn̄ikọ emi mbemiso Sunday, April 10, 2005.

◼ Sia October enyenede utịturua ition, emi edidi ata eti ọfiọn̄ ndinam usiakusụn̄ unọ un̄wam.

◼ Obufa N̄wed Odude:

Eboho Awake! eke 2003—Ikọmbakara