Mme Ntọt

◼ Mme n̄wed ẹnọde ke August: Ẹkeme ndikama ekededi ke otu ndiye uduot n̄kpri n̄wed ẹnyenede page 32 ẹtienede mi: Dara Uwem ke Isọn̄ ke Nsinsi!, Enyịn̄ Abasi Oro Edibịghide ke Nsinsi, Ke Ini Owo Oro Afo Amade Akpade, Mme Ntiense Jehovah—Mmanie ke Mmọ Ẹdi? Nso ke Mmọ Ẹnịm ke Akpanikọ?, Nso Idi Uduak Uwem—Didie ke Afo Ekeme Ndikụt Enye?, Nso Itịbe inọ Nnyịn ke Ini Nnyịn Ikpade?, Nte Abasi Enen̄ede Ekere Aban̄a Nnyịn?, Nte Afo Ekpenyene Ndinịm Abasi-Ita-ke-Kiet ke Akpanikọ?, N̄wed Ofụri Owo, “Sese! Mmanam Kpukpru N̄kpọ Ẹdi Mbufa,” Spirit Mme Akpan̄kpa—Nte Mmọ Ẹkeme Ndin̄wam Fi m̀mê Ndinọ Fi Unan? Nte Mmọ Ẹnen̄ede Ẹdu?, Ukara Emi Edidade Paradise Edi, ye Usụn̄ Oro Adade Esịm Nsinsi Uwem—Nte Afo Omokụt Enye? September: San̄a Kpere Jehovah. Se ẹnọde ke ukpụhọ, afo emekeme ndinọ Nọ Ntịn̄enyịn ke Prọfesi Daniel mîdịghe Afo Emekeme Ndidu Uwem ke Nsinsi ke Paradise ke Isọn̄. October: Ẹdinọ Enyọn̄-Ukpeme ye Awake! ke ofụri ọfiọn̄ oro. Ke ebiet oro ẹwụtde udọn̄, mbọk nọ ediye uduot ekpri n̄wed Oyom, nyụn̄ fiak ka ye uduak nditọn̄ọ ukpepn̄kpọ Bible. November: Nọ Kpep N̄kpọ to Akwa Andikpep. Edieke mme owo ẹdọhọde ke mmimọ inyeneke nditọ, nọ ediye uduot ekpri n̄wed Oyom. Wụk ntịn̄enyịn ke ndida ediye uduot ekpri n̄wed emi ntọn̄ọ mme ukpepn̄kpọ Bible.

◼ Ọfis n̄kọk itieutom ke Igieduma enyene mme nọmba urụk ukopikọ emi n̄ko: 0803-4561101, 0803-4561102, 0803-4561103.

◼ Esenyịn oro etiede ibuot m̀mê owo efen oro enye emekde ekpenyene ndidụn̄ọde ibatokụk esop ke September 1 m̀mê usọp usọp nte ekekeme ke oro ebede. Ke ẹma ẹkenam emi, tọt esop ke ẹma ẹkekot ntọt ibatokụk efen.

◼ Ẹkpenyene ndidian ibat kpukpru n̄wed ye magazine oro ẹdude, emi ẹsidiande ke isua ke isua, ke August 31, 2004, m̀mê usọp usọp nte ẹkekeme ke oro ebede. Edidian ibat emi edi ukem ye ata ata edibat oro anam-ndutịm n̄wed esinamde ke ọfiọn̄ ke ọfiọn̄, ndien ẹkpenyene ndiwet ofụri ibat nsịn ke babru Literature Inventory (S-18). Ẹkpenyene ndibọ ibat ofụri magazine ẹdude nto (mme) asan̄autom ẹkamade magazine. Ewetn̄wed ke esop oro anamde ndutịm ekpenyene ndise enyịn ke edidian ibat emi. Enye ye esenyịn oro etiede ibuot ke esop oro anamde ndutịm ẹyesịn ubọk ke babru emi. Esop kiet kiet oro anamde ndutịm ọyọbọ babru Literature Inventory (S-18) ita. Mbọk ẹnọ akpa ikọn̄ oro ẹsọk ọfis n̄kọk itieutom okûbịghi akan September 6. Ẹsịn udiana ikọn̄ ke n̄kpọ udọn̄ n̄wed mbufo. Ẹkeme ndikama ọyọhọ ikọn̄ ita nte n̄kpọ uwetn̄kpọ.

◼ Ke August 26 esịm 30, 2004, ẹyedian ibat kpukpru n̄wed emi ẹdude ke Bethel Igieduma. Ke ntak emi, owo idinọhọ mme n̄wed oro esop ẹtobode ke mme usen emi ẹwọrọ.