Mme Ntọt
◼ Mme n̄wed ẹnọde ke July ye August: Ẹkeme ndikama ekededi ke otu ndiye uduot n̄kpri n̄wed ẹnyenede page 32 ẹtienede mi: Dara Uwem ke Isọn̄ ke Nsinsi!, Enyịn̄ Abasi Oro Edibịghide ke Nsinsi, Ke Ini Owo Oro Afo Amade Akpade, Mme Ntiense Jehovah—Mmanie ke Mmọ Ẹdi? Nso ke Mmọ Ẹnịm ke Akpanikọ?, Nso Idi Uduak Uwem—Didie ke Afo Ekeme Ndikụt Enye?, Nso Itịbe inọ Nnyịn ke Ini Nnyịn Ikpade?, Nte Abasi Enen̄ede Ekere Aban̄a Nnyịn?, Nte Afo Ekpenyene Ndinịm Abasi-Ita-ke-Kiet ke Akpanikọ?, N̄wed Ofụri Owo, “Sese! Mmanam Kpukpru N̄kpọ Ẹdi Mbufa,” Spirit Mme Akpan̄kpa—Nte Mmọ Ẹkeme Ndin̄wam Fi m̀mê Ndinọ Fi Unan? Nte Mmọ Ẹnen̄ede Ẹdu?, Ukara Emi Edidade Paradise Edi, ye Usụn̄ Oro Adade Esịm Nsinsi Uwem—Nte Afo Omokụt Enye? September: San̄a Kpere Jehovah. Nte se ẹnọde ke ukpụhọ, afo emekeme ndinọ Nọ Ntịn̄enyịn ke Prọfesi Daniel mîdịghe Afo Emekeme Ndidu Uwem ke Nsinsi ke Paradise ke Isọn̄.
◼ Ọtọn̄ọde ke September, mme esenyịn circuit ẹdinọ utịn̄ikọ an̄wa oro ibuotikọ edide “Ndisak Iso Nse Ini Iso ye Mbuọtidem ye Uko.”
◼ Ẹnọ esop kiet kiet babru Literacy Report iba. Ke ẹma ẹkewet n̄kpọ ẹyọhọ, mbọk ẹnọ kiet ẹsọk ọfis n̄kọk itieutom ke August 1. Ẹsịn enye eken ke n̄kpọ udọn̄ n̄wed esop.
◼ Ke ini ẹnamde utom ke efakutom oro owo mîbahakede inọ owo, mme asuanetop ẹkeme ndinọ ediye uduot ekpri n̄wed Oyom m̀mê n̄wed Ifiọk. Ẹkeme ndinọ n̄wed efen ekededi edieke enyeneufọk ama ekenyenyene mme n̄wed iba oro. Kpukpru owo ẹkpenyene ndikama nsio nsio uduot tract man ẹnọ ke mme ufọk oro owo mîdụhe m̀mê mme owo oro mîbọhọ n̄wed. Ẹkpenyene ndisịn ukeme ndifiak n̄ka mbịne udọn̄ oro ẹkekụtde, akpan akpan ke ebiet emi efakutom oro owo mîbahakede inọ owo odude ekpere esop.
◼ Akpana mme ewetn̄wed esop ẹnyene mme babru Aplication for Regular Pioneer Service (S-205) ye Application for Auxiliary Pioneer Service (S-205b) oro ekemde. Ẹkeme ndida Literature Request Form (S-14) ntobo mmọ emi. Ẹnyene ke nsụhọde n̄kaha se idikemde ke isua kiet.
◼ Mbemiso ẹnọde n̄wed eben̄e usiakusụn̄ ofụri ini edi ọfis n̄kọk itieutom, ewetn̄wed esop ekpenyene ndidụn̄ọde babru emi ndikụt nte ke ẹwet n̄kpọ ẹyọhọ. Edieke mbon oro ẹsịnde n̄wed eben̄e mîtịghi nnennen usenọfiọn̄ baptism mmọ, mmọ ẹkpenyene ndimek usenọfiọn̄ nnyụn̄ n̄wet enye nnịm. Ewetn̄wed esop ekpenyene ndiwet usenọfiọn̄ emi ke kad Ibatutom Asuanetop Esop.
◼ Ini ekededi emi anamde ọkpọkpọ ndutịm uka isan̄ esịnede edidụk mme mbono esop, mbono circuit, m̀mê mbono district ke idụt efen, ana afo obụp ntọt aban̄ade usenọfiọn̄, ini, ye mme ebiet oto ọfis n̄kọk itieutom oro esede n̄kpọ aban̄a utom ke idụt oro. Ẹwet adres mme ọfis n̄kọk itieutom ke akpatre page ke Yearbook eke ndondo emi.
◼ Odot N̄ka enyene n̄wetnnịm n̄kpọ eke idahaemi aban̄ade mme adres ye nọmba urụk ukopikọ kpukpru mme esenyịn oro ẹtiede ibuot ye mme ewetn̄wed. Edieke ukpụhọde odude ke ini kiet ekededi, Kọmiti Utom Esop ekpenyene ndiwet n̄kpọ nyọhọ nnyụn̄ nnọ babru Presiding Overseer/Secretary Change of Address (S-29) ẹsọk N̄ka usọp usọp. Emi esịne mme ukpụhọde ekededi ke nọmba n̄kann̄kụk.