Se Ẹkpetịn̄de Ẹban̄a Mme Magazine

Enyọṅ-Ukpeme Jan. 15

“Sia mme un̄wọn̄ọ oro owo mîsụhu ẹdide ọsọ n̄kpọ mfịn, ọsọn̄ ediwak owo ndikọn̄ mbuọtidem mmọ ke owo ekededi. Nte afo emekere ke odu owo ekededi oro nnyịn ikemede ndiberi edem ke mme un̄wọn̄ọ esie? [Bet ibọrọ. Ekem kot Joshua 23:14.] Magazine emi owụt nte nnyịn ikemede ndinyene mbuọtidem ke mme un̄wọn̄ọ Abasi oro ẹwetde ke Bible.”

Awake! Jan. 22

“Emi edi nte ọkpọkpọ enyịn̄ Abasi etiede ke usem Hebrew. [Wụt ikpaedem.] Ndusụk owo ẹsọn̄ọ ẹnịm ke owo ikpenyeneke ndikot enyịn̄ emi uyo ọwọrọ. Mbon efen ẹsikot enye ifụre ifụre. Nsiondi Awake! emi etịn̄ aban̄a eneni emi. Enye n̄ko eneme nte nnyịn ikemede ndidi ndifiọk Abasi ke enyịn̄.” Kot Psalm 83:18.

Enyọṅ-Ukpeme Feb. 1

“Ata ediwak nnyịn imodomo ndise mban̄a nsọn̄idem nnyịn. Nte ededi, mme ukpepn̄kpọ eke ndondo emi ẹnọ ekikere nte ke idaha eke spirit nnyịn enyene n̄kpọ ndinam n̄ko ye nsọn̄idem nnyịn. Nte afo emekere ke emi ekeme ndidi ntre? [Bet ibọrọ. Ekem kot Matthew 5:3.] Nsiondi Enyọn̄-Ukpeme emi eneme nte nnyịn ikemede ndiyụhọ udọn̄ n̄kpọ eke spirit nnyịn.”

Awake! Feb. 8

“Ediwak owo mfịn ẹdu uwem oro ọyọhọde ye utom ẹnyụn̄ ẹyom ekese nduọkodudu. Iso-ọfọn afo eyenyịme ye mme ikọ emi ẹkewetde ke se ikande isua 3,000 emi ẹkebede. [Kot Ecclesiastes 4:6. Ekem bet ibọrọ.] Nsiondi Awake! emi etịn̄ n̄kpọ oro ekemede ndin̄wam ke nte ẹkpefiọkde ẹnyụn̄ ẹyọde mfịna ataba-idap.”