Mme Ntọt
◼ Mme n̄wed ẹnọde ke April ye May: Nọ Enyọn̄-Ukpeme ye Awake! Ke ini afiakde ebịne mbon oro ẹkewụtde udọn̄, emi esịnede mbon oro ẹkedụkde Editi m̀mê mme edinam ukara Abasi eken edi oro mîbuanake ifịk ifịk ye esop, wụk ntịn̄enyịn ke ndinịm n̄wed Tuak Ibuot nọ Ata Abasi Kierakiet. Ekpenyene ndisịn ofụri ukeme nditọn̄ọ ukpepn̄kpọ Bible, akpan akpan edieke edide ndusụk owo ẹma ẹkpekpep n̄wed Ifiọk ye ediye uduot ekpri n̄wed Oyom. June: Nọ n̄wed Ifiọk m̀mê ediye uduot ekpri n̄wed Oyom. Ke ini mme enyeneufọk ẹnyenede mme n̄wed emi, nọ ediye uduot ekpri n̄wed efen oro odotde emi esop enyenede ke itie unịm n̄wed. July ye August: Ẹkeme ndikama ekededi ke otu ndiye uduot n̄kpri n̄wed ẹnyenede page 32 ẹtienede mi: Dara Uwem ke Isọn̄ ke Nsinsi!, Enyịn̄ Abasi Oro Edibịghide ke Nsinsi, Ke Ini Owo Oro Afo Amade Akpade, Nso Idi Uduak Uwem? Didie ke Afo Ekeme Ndikụt Enye?, Nso Itịbe inọ Nnyịn ke Ini Nnyịn Ikpade?, Nte Abasi Enen̄ede Ekere Aban̄a Nnyịn?, Nte Afo Ekpenyene Ndinịm Abasi-Ita-ke-Kiet ke Akpanikọ?, “Sese! Mmanam Kpukpru N̄kpọ Ẹdi Mbufa,” Ukara Emi Edidade Paradise Edi, ye Usụn̄ Oro Adade Esịm Nsinsi Uwem—Nte Afo Omokụt Enye?
◼ Odot N̄ka enyene n̄wetnnịm n̄kpọ eke idahaemi aban̄ade mme adres ye nọmba urụk ukopikọ kpukpru mme esenyịn oro ẹtiede ibuot ye mme ewetn̄wed. Edieke ukpụhọde odude ke ini kiet ekededi, Kọmiti Utom Esop ekpenyene ndiwet n̄kpọ nyọhọ, nsịn ubọk, nnyụn̄ nnọ babru Presiding Overseer/Secretary Change of Address (S-29) ẹsọk ọfis n̄kọk itieutom usọp usọp. Emi esịne mme ukpụhọde ekededi ke nọmba urụk ukopikọ n̄kann̄kụk.
◼ Akpana mme ewetn̄wed esop ẹnyene mme babru Application for Regular Pioneer Service (S-205) ye Application for Auxiliary Pioneer Service (S-205b) oro ekemde. Ẹkeme ndida Literature Request Form (S-14) ntobo mmọ emi. Ẹnyene ke nsụhọde n̄kaha se idikemde ke isua kiet. Ẹdụn̄ọde kpukpru n̄wed eben̄e usiakusụn̄ ofụri ini ndikụt nte ke ẹwet n̄kpọ ẹyọhọ mmọ. Edieke mbon oro ẹsịnde n̄wed eben̄e mîtịghi nnennen usenọfiọn̄ baptism mmọ, mmọ ẹkpenyene ndimek usenọfiọn̄ nnyụn̄ n̄wet enye nnịm.
◼ Ini ekededi emi anamde ọkpọkpọ ndutịm uka isan̄ esịnede edidụk mme mbono esop, mbono circuit, m̀mê mbono district ke idụt efen, ana afo obụp ntọt aban̄ade usenọfiọn̄, ini, ye mme ebiet oto ọfis n̄kọk itieutom oro esede n̄kpọ aban̄a utom ke idụt oro. Ẹwet adres mme ọfis n̄kọk itieutom ke akpatre page ke Yearbook eke ndondo emi.
◼ Ke May 31, 2003, ẹyeberi okụre Bethel. Mbọk ẹkûdi ndisan̄a n̄kanade m̀mê ndidi ndimen mme n̄wed ke usenọfiọn̄ emi.
◼ Obufa Kaset Vidio Odude: Transfusion-Alternative Health Care—Meeting Patient Needs and Rights—Ikọmbakara
◼ Mbufa N̄wed Mme Nnan Ẹdude: Ntịn̄nnịm Ikọ Isaiah—Un̄wana Ofụri Ubonowo II (eboho inan̄)—Ikọmbakara