Ndụn̄ọde Ufọkn̄wed Utom Ukara Abasi

Ẹdineneme mme mbụme oro ẹtienede mi ke Ufọkn̄wed Utom Ukara Abasi ke urua ọtọn̄ọde April 28, 2003. Esenyịn ufọkn̄wed edise aban̄a ndụn̄ọde emi ke minit 30, ọkọn̄ọde ke se ẹkenọde ẹnam ke mme urua March 3 esịm April 28, 2003. [Tim fiọk: Ke mbụme oro owo mîsiakke n̄wed oro ẹdikụtde ibọrọ, afo enyene ndinam ndụn̄ọde ke idemfo nyom mme ibọrọ mbụme emi.—Se n̄wed Ufọkn̄wed Utom, p. 36-37.]

MME IDO UTỊN̄IKỌ

1. Nso ikeme nditịp nsịn ke owo nditre nditịn̄ ikọ ọdọnọ? [be-EF p. 93]

2. Akpanikọ m̀mê Nsu: Ẹkpenyene ndifep editịn̄ ikọ ntuak nda, sia enye ekemede ndiyak ekikere owo oyo onyụn̄ ọnọ mme owo ifet ndisịbe ndụk nneme. Nam an̄wan̄a.

3. Nso ufọn ke edisọn̄ọ ntịn̄ ikike ikọ nte odotde enyene ọnọ etịn̄ikọ m̀mê andikot n̄wed nnọ otuowo? (Neh. 8:8) [be-EF p. 101]

4. Didie ke owo ekeme ndinam n̄kọri ke edisọn̄ọ ntịn̄ ikike ikọ nte odotde? [be-EF p. 102-103]

5. Ke ini ẹkotde n̄wed ke ukpepn̄kpọ Bible m̀mê ke mbono esop, nso idi mme akpan n̄kpọ oro ẹkpedoride nsọn̄uyo? [be-EF p. 105]

UTỊN̄IKỌ NỌ. 1

6. Nso ke mme ete ye eka ẹkeme ndinam man ẹkpep nditọ mmọ ‘ndikpan̄ utọn̄ nnyụn̄ mbọ ukpep’ ke mme mbono esop Christian? (Deut. 31:12) [be-EF p. 16]

7. Nso idi paradise eke spirit? [w01-EF 3/1 p. 8-10]

8. Didie ke Mme N̄ke 8:1-3 owụt ke kpukpru owo ẹkeme ndinyene eti ibuot otode Abasi, ndien nte ekemde ye Colossae 2:3, m̀mọ̀n̄ ke ẹkeme ndikụt enye? [w01-EF 3/15 p. 25, 28]

9. Didie ke nnyịn ikeme ndinam ẹfiọk enyịn̄ Abasi? (John 17:6) [be-EF p. 273-275]

10. Ewe akpan ntọt aban̄ade “gospel Ubọn̄ Abasi” ke oyom mme owo ẹfiọk? (Matt. 24:14) [be-EF p. 279-280]

EDIKOT BIBLE EKE URUA KE URUA

11. (a) Ke akpa isua ikie, nso ikedi “n̄kpọ mbubiam nsobo” oro ẹtịn̄de ẹban̄a ke Mark 13:14? (b) Nso ke enye ndikada “ke ọtọ eke mîkpadaha” akada aban̄a?

12. Didie ke Gospel Luke owụt ke Jesus ekedi ata eyen David oro edidade ebekpo esie inyene? (Luke 3:23-38) [w92-EF 10/1 p. 9 ikp. eki. 3]

13. Nso ke ikọ Jesus oro ẹwetde ke Luke 12:2 ọkọwọrọ?

14. Ke n̄ke Jesus aban̄ade okụk drachma oro okosopde, ntak emi usụn̄ nte mme angel ẹkenamde n̄kpọ ekedide n̄wọrọnda? (Luke 15:10) Didie ke uwụtn̄kpọ mmọ okpotụk nnyịn?

15. Ewe ediomi iba ke ẹtịn̄ ẹban̄a ke Luke 22:29?