Edifiak-ndụn̄ọde Eke Ufọkn̄wed Utom Ukara Abasi
Edifiak-ndụn̄ọde ẹkịbide-kịbi n̄wed, esịnede se ẹkenọde ẹnam ke Ufọkn̄wed Utom Ukara Abasi ke mme urua September 3 esịm December 24, 2001. Kama san̄asan̄a ikọn̄n̄wed da wet ibọrọ ke adan̄a ediwak mbụme nte afo ekekeme ke ini oro ẹnọde.
[Tịm fiọk: Ke ini edifiak-ndụn̄ọde emi, emekeme ndikama Bible kpọt mbọrọ mbụme ekededi. Mme n̄wed ndụn̄ọde oro ẹtienede mme mbụme ẹdi kaban̄a ọkpọkpọ ndụn̄ọde fo. Ekeme ndidi mme nọmba page ye ikpehe ekikere ididụhe ke kpukpru se ẹdade ẹto Enyọn̄-Ukpeme.]
Bọrọ m̀mê mme utịn̄ikọ ẹtienede mi ẹdi Akpanikọ m̀mê Nsu:
1. Ke Psalm 51:5, ikọ David ọkọwọrọ nte ke ebuana ndọ, uyomo idịbi, ye uman eyen ẹdi idiọkn̄kpọ, mîdịghe eyedi enye eketịn̄ aban̄a ndusụk akpan idiọkn̄kpọ eka esie. [Edikot Bible eke urua ke urua; se w86 10/15 p. 26 ikp. eki. 8.]
2. Psalm 58:4 owụt nte enende nte ke asabọ enyene “utọn̄” oro mîkopke n̄kpọ koro enye edide inan ke obot esie. [Edikot Bible eke urua ke urua; se Rbi8-E p. 1583.]
3. “Akamba udịm” iban emi ẹsiakde ke Psalm 68:11 ekedi mme esen ifịn iban oro iren Israel ẹkesanade ẹyak ke ntan̄mfep ke ini ẹkekande idụt mme asua. [Edikot Bible eke urua ke urua; se w86 10/15 p. 27 ikp. eki. 7.]
4. Editịn̄ mban̄a “angel” ke Psalm 78:25 ọnọ ekikere nte ke ekeme ndidi Jehovah ọkọnọ manna oro ebe ke mme angel. [Edikot Bible eke urua ke urua; se w99 8/15 p. 25 ikp. eki. 4.]
5. Ikọ Paul oro “kûyak owo esịn fi kaban̄a uyen fo” okowụt nte ke Timothy ekedi uyen m̀mê okodu ke ntọn̄ọ ntọn̄ọ iduọk isua 20 esie. (1 Tim. 4:12) [w99 9/15 p. 29 ikp. eki. 1-3; p. 31 ikp. eki. 2]
6. Nte ẹwụtde ke Psalm 110:1, “Ọbọn̄ mi” ada aban̄a Jesus. [Edikot Bible eke urua ke urua; se w94 6/1 p. 28 ikp. eki. 5.]
7. Ẹkekot mme ebiereikpe Israel n̄kpọsọn̄ koro mmọ ẹkedide n̄kpọsọn̄ ke odudu ubiereikpe. [Edikot Bible eke urua ke urua; se w86 12/15 p. 28 ikp. eki. 7.]
8. Ẹkot Psalm 120 esịm 134 ikwọ “mmọ eke ẹdọkde,” koro ekeme ndidi nditọ Israel ẹkesikwọ mme psalm emi ke ini mmọ ẹdọkde ẹka edikon̄ obio Jerusalem ndinịm usọrọ ita oro mmọ ẹkesinịmde ke isua. (Ps 122:1) [Edikot Bible eke urua ke urua; se w87 3/15 p. 21 ikp. eki. 9.]
9. Mme N̄ke 8:22-31 edi ikpîkpu editịn̄ mban̄a ọniọn̄. [w87 5/15 p. 27 ikp. eki. 11]
10. Item Bible oro ẹkụtde ke N̄ke 21:17 emi ọdọhọde ete ẹfep ‘ndima mbre’ owụt nte ke ndikop inemesịt akwan̄a sia enye esidade ini oro ẹkpedade ẹnam mme ata akpan n̄kpọ. [Edikot Bible eke urua ke urua; se w97 10/1 p. 27 ikp. eki. 7.]
Bọrọ mme mbụme ẹtienede mi:
11. Nso ke mmemmem nsuannọ oro Jesus ọkọnọde Martha okowụt? (Luke 10:40, 41) [w99 9/1 p. 30 ikp. eki. 7]
12. Ke nso “ubọn̄” ke Jehovah akada andiwet Psalm edisịm? (Ps. 73:24) [Edikot Bible eke urua ke urua; se w86 12/15 p. 28 ikp. eki. 3.]
13. Nso ekikere aban̄ade ifetutom ke andiwet psalm ekenyene, nte ẹwetde ke Psalm 84:1-3? [Edikot Bible eke urua ke urua; se w97 3/15 p. 8 ikp. eki. 5-7.]
14. Didie ke Jehovah edi “akwa edidem akan kpukpru mme abasi”? (Ps. 95:3) [Edikot Bible eke urua ke urua; se w86 12/15 p. 29 ikp. eki. 5.]
15. Sia mme akpa Christian ẹkenịmde Ukara Tọsịn Isua Jesus nte ẹtịn̄de ẹban̄a ke n̄wed Ediyarade ke akpanikọ, nso ikonụk mme ọsọn̄ibuot Christian ndisịn ukpepn̄kpọ Abasi emi ke akpatre? [w99 12/1 p. 6 ikp. eki. 3–p. 7 ikp. eki. 5]
16. Adan̄a didie ke mme Christian ẹkpenyene ‘ndise n̄kpọ’ mbon efen? (Phil. 2:4) [w99 12/1 p. 29 ikp. eki. 1]
17. Se ẹtịn̄de ke Psalm 128:3 nte ke nditọ “ẹyebiet nditọ olive” ẹkan okpokoro owo ẹkụk ọnọ ekikere aban̄a nso? [Edikot Bible eke urua ke urua; se w00 8/15 p. 30 ikp. eki. 4.]
18. Edieke nnyịn ikụtde utom Abasi nte enyenede ndyọ ye ndịk, didie ke emi editụk nnyịn? (Ps. 139:14) [Edikot Bible eke urua ke urua; se w93 10/1 p. 15 ikp. eki. 18.]
19. Ntak emi Mme N̄ke 5:3, 4 etịn̄de aban̄a mme utịt oburobụt ido nte ‘odorode nte etidot ekpe’ onyụn̄ ‘ọsọpde nte ofụt iso iba’? [Edikot Bible eke urua ke urua; se w00 7/15 p. 29 ikp. eki. 2.]
20. Ke n̄kemuyo ye Mme N̄ke 14:29, didie ke mbufiọk ekeme ndin̄wam nnyịn ndifep mme utịp unana ime ye iyatesịt emi owo mîkarake? [Edikot Bible eke urua ke urua; se w97 3/15 p. 13 ikp. eki. 7-8.]
Dọn̄ (mme) ikọ m̀mê ubak udịmikọ oro ẹyomde man ẹyọhọ mme utịn̄ikọ kiet kiet emi etienede mi:
21. Psalm 72:16 anyan ubọk owụt anana-mbiet mbun̄wụm ini ukara __________________________; enye n̄ko owụt nte ke mme andidu ke idak ukara Jesus ke __________________________ ẹyewak etieti. [Edikot Bible eke urua ke urua; se w86 10/15 p. 27 ikp. eki. 9.]
22. Mme N̄ke enyene adiana-iba uduak—man ọnọ __________________________ onyụn̄ ọnọ __________________________. (N̄ke 1:1-4) [w99 9/15 p. 13 ikp. eki. 1]
23. “Ndịbe ebiet Ata Edikon̄” edi ebiet __________________________ ọnọ mbon oro ẹdade ke n̄kan̄ Abasi kaban̄a eneni oro aban̄ade __________________________; enye edi “ndịbe,” m̀mê se mme owo oro __________________________ mîdiọn̄ọke. (Ps. 91:1) [Edikot Bible eke urua ke urua; se w86 12/15 p. 29 ikp. eki. 6.]
24. ‘Nditre ndifre kpukpru nti enọ Jehovah’ nte an̄wan̄ade abuana __________________________ “nti enọ esie” ye __________________________, mme edinam ima-mfọnido esie nte ẹtịn̄de ke Psalm ọyọhọ 103. (Psalm 103:2) [Edikot Bible eke urua ke urua; se w99 5/15 p. 21 ikp. eki. 5-6.]
25. Mme n̄ke Solomon ẹtọn̄ọ akpan akpan ye __________________________. (N̄ke 10:27; 14:26, 27; 15:16, 33) [w87 5/15 p. 28 ikp. eki. 1]
Mek nnennen ibọrọ ke mme utịn̄ikọ kiet kiet oro ẹtienede mi:
26. Okposụkedi enye ekenyenede ntak ndiyat esịt mban̄a nte Saul akanamde n̄kpọ ye enye, David ama omụm idem esie akama koro (enye ama ọfiọk ete ke Saul ekedi anana-mfọnmma ye nte ke inyene ndifen nnọ asan̄autom Abasi; enye ama ekere in̄wan̄-in̄wan̄ aban̄a itie ebuana esie ye Jehovah; enye ama ọfiọk nte ke ama akwan̄a ndikpe ikpe nnọ mbon efen). (1 Sam. 24:6, 15) [w99 8/15 p. 8 ikp. eki. 7]
27. (Eti ibuot; Ntụnọ; Edinen ido) abuana ediwak n̄kpọ, esịnede ifiọk, ikike, ifiọk ibuot ye ukeme ukere n̄kpọ; (eti ido; ifiọk; eti ubiere) edi ukeme ndida n̄kụt n̄kpọ nnyụn̄ mfiọk se ibuanade ebe ke ndifiọk mme ebuana oro nsio nsio ikpehe ye ofụri n̄kpọ ẹnyenede, ke ntem ẹtịmde ẹfiọk enye. (N̄ke 1:1-4) [w99 9/15 p. 13 ikp. eki. 2]
28. Ukeme Joseph ndibiọn̄ọ oburobụt edinam n̄wan Potiphar okoto (ifiọk esie kaban̄a Ibet Moses, oro akakpande use; ntotụn̄ọ ukpono kaban̄a akamba idaha ebe esie; nte enye akadade itie ebuana esie ye Jehovah). (Gen. 39:7-9) [w99 10/1 p. 29 ikp. eki. 3]
29. Andiwet Psalm 119 nte an̄wan̄ade ekenyene ntotụn̄ọ esịtekọm ọnọ (ikọ m̀mê ibet Abasi; enọ uwem; idotenyịn edinyan̄a), oro ẹsiakde ke se ikperede ndidi kpukpru ufan̄ikọ ke psalm oro. [Edikot Bible eke urua ke urua; se w99 11/1 p. 10 ikp. eki. 5; w87 3/15 p. 21 ikp. eki. 2.]
30. Ke (ini edidu; ini ukara; usen odudu) Edidem Messiah, ikọt esie ẹsọp ẹnọ idemmọ idara idara, ke ibat oro etịmde awak tutu ẹkeme ndimen mmọ ndomo ye (mbara; akamba udịm; akwa otuowo). (Ps. 110:3) [w87 3/15 p. 21 ikp. eki. 4]
Wet mme itien̄wed ẹtienede mi ẹkekem ye mme utịn̄ikọ ẹwetde mi ke idak:
Ps. 41:3; N̄ke 2:19; 11:2; 14:15; Heb. 13:18
31. Edieke kiet ke otu mme andituak ibuot nnọ enye ọdọn̄ọde, Jehovah esimụm enye akama ke n̄kan̄ eke spirit. [w99 9/1 p. 6 ikp. eki. 8]
32. Mme Christian ikemeke ndinam mbubehe ke mme usụn̄ oro ẹwụtde unana edinam akpanikọ m̀mê oro ẹfụmide mme udori oro mbon en̄wen ẹdotde ndibọ. [w99 9/15 p. 10 ikp. eki. 2]
33. Mbon oro ẹnamde oburobụt ido idan̄ ẹkeme ndisịm idaha oro mmọ mîkemeke aba ndifiak edem, oro edi n̄kpa, oro mmọ mîkemeke ndifiak ndi. [w99 11/15 p. 27 ikp. eki. 4-5]
34. Owo oro enyenede ọniọn̄ onyụn̄ etịmde ọfiọk n̄kpọ esidomo mme utịp edinam esie ese inyụn̄ itieneke obufa edu nnan nnan n̄kukụre koro ediwak owo ẹnamde enye. [Edikot Bible eke urua ke urua; se g94-E 12/8 p. 16 ikp. eki. 1.]
35. Owo iseri ekeme ndidi owo n̄kohodeidem, ndien emi ekeme ndida nsịm esuene, iduọ, ye nsobo. [w87 5/15 p. 29 ikp. eki. 5]