Edifiak-ndụn̄ọde Eke Ufọkn̄wed Utom Ukara Abasi

Edifiak-ndụn̄ọde ẹkịbide-kịbi n̄wed, esịnede se ẹkenọde ẹnam ke Ufọkn̄wed Utom Ukara Abasi ke mme urua January 1 esịm April 23, 2001. Kama san̄asan̄a ikọn̄n̄wed da wet ibọrọ ke adan̄a ediwak mbụme nte afo ekekeme ke ini oro ẹnọde.

[Tịm fiọk: Ke ini edifiak-ndụn̄ọde emi, emekeme ndikama Bible kpọt mbọrọ mbụme ekededi. Mme n̄wed ndụn̄ọde oro ẹtienede mme mbụme ẹdi kaban̄a ọkpọkpọ ndụn̄ọde fo. Ekeme ndidi mme nọmba page ye ikpehe ekikere ididụhe ke kpukpru se ẹdade ẹto Enyọn̄-Ukpeme.]

Bọrọ m̀mê mme utịn̄ikọ ẹtienede mi ẹdi Akpanikọ m̀mê Nsu:

1. Okposụkedi nnyịn mîkpenyeneke ndiyak ikpîkpu ntụk ekwi nnyịn enyịn abaha akwa idiọkn̄kpọ, nnyịn imekeme ndikpebe uwụtn̄kpọ Joseph ebe ke mbọm mbọm edidahado nnọ owo oro ekeduede nnyịn oro akabarede esịt. (Gen. 42:21; 45:4, 5) [w99-EF 1/1 p. 31 ikp. eki. 2-3]

2. Ke ẹsiode udịm mbụk emana esie ẹfep, 1 Chronicles esịne ikpîkpu edifiak ntịn̄ n̄kpọ oro odude ke n̄wed 2 Samuel ye Ndidem. [w85-EF 12/15 p. 27 ikp. eki. 1, 2]

3. Edidem Solomon akafiak “ọbọp Tadmor” sia ekedide akpan ebiet kaban̄a mfọnọn̄kpọ obio ubọn̄ esie nte itie ndida n̄kpeme adan̄a edem edere ye nte akpan itie adiande mme udịm udịm obio mbonurua ọtọkiet. (2 Chron. 8:4) [Edikot Bible eke urua ke urua; se w99-EF 1/15 p. 28 ikp. eki. 3.]

4. Jesus ama owụt nsụhọdeidem esie ke ndinyịme n̄wọrọnda utom eke edito ke ikpehe n̄kan̄ heaven ndi isọn̄ nnyụn̄ n̄kabade ndi usụhọde owo, osụhọrede akan mme angel. (Phil. 2:5-8; Heb. 2:7) [w99-EF 2/1 p. 6 ikp. eki. 3]

5. Ukpepn̄kpọ oro aban̄ade udọkisọn̄ nyom n̄kpọeset ọsọn̄ọ nte Shishak akan̄wanade ekọn̄ ye Judah okonyụn̄ obụmede “n̄kpọuto ufọk Jehovah, ye n̄kpọuto ufọk edidem.” (2 Chron. 12:9) [Edikot Bible eke urua ke urua; se w88-EF 2/1 p. 25 ikp. eki. 4.]

6. Uduak item edi ‘ndida’ owo oro anamde ndudue ‘mfiak nsịn ke itie,’ idịghe ndinyenyịk ẹnam ukpụhọde. [w99-EF 1/15 p. 22 ikp. eki. 2]

7. Owo ikpenyeneke ndinam n̄kpọ Abasi ye utịp ke ekikere. [w99-EF 4/15 p. 16 ikp. eki. 1]

8. Ke nditịn̄ mban̄a “nti enọ” Jehovah, nte ẹwetde ke Psalm 103:2, David ekenyene edibotn̄kpọ Jehovah oro ẹkụtde ke enyịn ke ekikere. [w99-EF 5/15 p. 21 ikp. eki. 5-6]

9. Mme andibiọn̄ọ iketreke utom ubọp temple ke eyo Ezra koro ukpeme Jehovah ama odu ye mme anam-akpanikọ asan̄autom esie. (Ezra 5:5) [w86-EF 2/15 p. 30 ikp. eki. 2-3]

10. Anyan udịm enyịn̄ mme mbụk emana oro odude ke 1 Chronicles idịghe akpan n̄kpọ inọ mme andikot Bible mfịn. [w85-EF 12/15 p. 28 ikp. eki. 1-3]

Bọrọ mme mbụme ẹtienede mi:

11. Nte akpa n̄wed Ndidem etịn̄de ọnọ nnyịn, anie ke Edidem Ahab ọkọdọ ndien nso utịp ke ndọ oro ekenyene ke idem Ahab ye idụt oro? (1 Ndi. 16:30-33; 18:13) [w85-EF 8/15 p. 30 ikp. eki. 4]

12. Didie ke nnyịn itop mme editịmede esịt nnyịn idori Jehovah? [w99-EF 3/15 p. 23 ikp. eki. 1-2]

13. Ukpepn̄kpọ ewe oro anamde owo ekere n̄kpọ, emi aban̄ade ukeme ke nnyịn ikeme ndikpep nto se ikaban̄ade Edidem Uzziah eke Judah? (2 Chron. 26:15-21) [Edikot Bible eke urua ke urua; se w99-EF 12/1 p. 26 ikp. eki. 1-2.]

14. Utu ke ndinịm ido edinam, nso okopodudu ukpepn̄kpọ ke Jesus ọkọnọ nnyịn ebe ke ndiyet mme apostle esie ukot? (John 13:4, 5) [w99-EF 3/1 p. 31 ikp. eki. 1]

15. Ntak emi mbụk oro odude ke 1 Chronicles 14:8-17 ekedide n̄kpọ udọn̄ ke eyo Isaiah, ndien ntak emi enye ekpedide n̄kpọ udọn̄ ọnọ Christendom mfịn? (Isa. 28:21) [Edikot Bible eke urua ke urua; se w91-EF 6/1 p. 21 ikp. eki. 2-3.]

16. Ewe ikpehe utuakibuot Baal ekedemede udọn̄ ediwak nditọ Israel? [w99-EF 4/1 p. 29 ikp. eki. 3-6]

17. Nso eti ukpepn̄kpọ ke nnyịn ikpep ito utom Hezekiah ndikpeme nnyụn̄ nnam mmọn̄ awak ke Jerusalem? (2 Chron. 32:3, 4) [Edikot Bible eke urua ke urua; se w96-EF 8/15 p. 6 ikp. eki. 1-2.]

18. Didie ke uwụtn̄kpọ Josiah ekeme ndidi n̄kpọ nsịnudọn̄ nnọ n̄kparawa owo oro ẹnamde utom Abasi ẹnyụn̄ ẹsọn̄ọde ẹda ẹbiọn̄ọ nsunsu utuakibuot mfịn? (2 Chron. 34:3, 8, 33) [Edikot Bible eke urua ke urua; se w90-EF 8/1 p. 5 ikp. eki. 2.]

19. Nte kpukpru mme Jew oro ẹkesụhọde ke Babylon ẹkedi mbon unana mbuọtidem, ndien nso eti ukpepn̄kpọ ke ẹkeme ndikpep nto emi? (Ezra 1:3-6) [Edikot Bible eke urua ke urua; se w86-EF 2/15 p. 29 ikp. eki. 4, 7.]

20. Nso ke ikwọ ediyak temple nnọ okowụt, ke ini Jehovah akanamde obubịt enyọn̄ oro akande ukeme owo ọyọhọ ufọk esie? (2 Chron. 5:13, 14) [Edikot Bible eke urua ke urua; se w94-EF 5/1 p. 10 ikp. eki. 7.]

Dọn̄ (mme) ikọ m̀mê ubak udịmikọ ẹyomde man ẹyọhọ mme utịn̄ikọ kiet kiet ẹtienede mi:

21. Owo emi ọnọde ekemmọ Christian item ana okụt ete ke se imọ itịn̄de ọkọn̄ọ ke __________________________ Abasi, idịghe ke __________________________ ye __________________________ owo. (Col. 2:8) [w99-EF 1/15 p. 22 ikp. eki. 1]

22. __________________________, akakan __________________________ ye __________________________, ayanam ekese akan se Solomon ekekemede ndinam ọnọ mbon oro ẹnamde n̄waidem ẹnọ Enye. (2 Chron. 9:12, 22) [Edikot Bible eke urua ke urua; se w99-EF 11/1 p. 23 ikp. eki. 4.]

23. Nte n̄kukịm ẹkemede ndibiọn̄ọ n̄kpasịp ndikọri n̄wọrọ, __________________________ oro owo mîkarake ye abian̄a abian̄a odudu __________________________ ẹkeme ndibiọn̄ọ owo ndinam n̄kọri nsịm ọyọhọ idaha ke n̄kan̄ eke spirit. (Matt. 13:19, 22) [w99-EF 3/15 p. 22 ikp. eki. 5]

24. Se ededi oro udeme nnyịn edide ke otu ikọt Jehovah oro ẹtan̄de ẹbok, edieke nnyịn idomode ndinyene __________________________, idem ke isobode idiọk idaha—nnyịn iyedi andinọ mme ekemmọ andinịm ke akpanikọ __________________________. [w99-EF 2/15 p. 29 ikp. eki. 1]

25. Man ata Christian okụt unen ke ebiet oro Solomon okokpude, ana enye ọduọn̄ọ kpukpru ekikere __________________________ m̀mê __________________________ ke utuakibuot esie onyụn̄ anam mme ikọ __________________________ ‘ndima Jehovah Abasi esie ke ofụri esịt esie.’ (Matt. 22:37; 1 Chron. 28:9) [Edikot Bible eke urua ke urua; se w86-EF 12/1 p. 19 ikp. eki. 17-18.]

Mek nnennen ibọrọ ke mme utịn̄ikọ kiet kiet oro ẹtienede mi:

26. Mbụk oro odude ke 2 Ndidem 17:5, 6 etịn̄ aban̄a nte (Tiglath-pileser; Shalmaneser V; Esar-haddon) akadade ekọn̄ odụk obio ubọn̄ edem edere eke esien Israel duop onyụn̄ ọtọn̄ọ ndinam nnaekọn̄ isua ita n̄kanade Samaria, emi ke akpatre ọkọduọde odụk ubọk mbon Assyria ke (740; 607; 537) M.E.N. [Edikot Bible eke urua ke urua; se w88-EF 2/15 p. 24 ikp. eki. 1.]

27. Nnyịn imoyom (N̄wed Abasi Usem Hebrew; edisana spirit) man ikeme ndifiọk (N̄wed Abasi Christian Usem Greek; Edisana N̄wed Abasi). [w85-EF 8/15 p. 30 ikp. eki. 6]

28. Nte Exodus 4:11 owụtde, Jehovah Abasi “anam imụm, ye inan, ye okụt usụn̄, ye nnan” ke ntak edide enye (ke ana ẹduọhọ kaban̄a nsio nsio ndo oro mme owo ẹnyenede; emek nsio nsio owo ọnọ mme ifetutom; ayak mme ndo obụkidem ẹdu ke otu mme owo). [w99-EF 5/1 p. 28 ikp. eki. 2]

29. Edidem David akabahade mme oku esịn ke “ikpehe” m̀mê otu (12; 24; 36), ẹnọde otu kiet kiet utom ndinam ke (urua kiet; urua iba; ọfiọn̄ kiet) ke temple. [w85-EF 12/15 p. 28 (ekebe)]

30. Mbụme Satan oro: “Nte Abasi ọkọdọhọ ete, Mbufo ẹkûdia baba eto in̄wan̄ emi kiet?” ọkọwọrọ ete ke (Satan ikowụtke esịtekọm iban̄a se Jehovah ọkọnọde; Abasi ama edịp Eve ọsọn̄urua n̄kpọ, n̄kpọ oro akpanamde enyịn esie atara onyụn̄ anam enye etie nte Abasi ke idemesie; Eve ikowụtke esịtekọm iban̄a uwak edidiọn̄ oro Jehovah ọkọnọde enye). (Gen. 3:1, 5, 6) [w99-EF 4/15 p. 17 ikp. eki. 2]

Wet mme itien̄wed ẹtienede mi ẹkekem ye mme utịn̄ikọ ẹwetde mi ke idak:

Luke 14:28-30; N̄ke 25:11; Rome 12:2; N̄ke 22:4; Eccl. 7:14

31. Oyom unyịme unyịme ukeme man ikeme ndikpụhọde ekikere nnyịn inyụn̄ ida akpanikọ Abasi iyọhọ ekikere nnyịn. [w99-EF 4/1 p. 22 ikp. eki. 2]

32. Ke ini ọnọde item, edi akpan n̄kpọ ndimek mme nnennen ikọ. [w99-EF 1/15 p. 23 ikp. eki. 1]

33. Oyom nnyịn inam ndutịm inyụn̄ itịm idem inọ mme mbiomo, utom, ubiere, ye mme mfịna nnyịn—edide mmọ ẹdi usọp usọp m̀mê idịghe. [w99-EF 3/15 p. 21 ikp. eki. 3]

34. Akpanikọ oro nte ke Abasi ayak nnyịn inyene idatesịt ye mme mfịna eti nnyịn nte ke nnyịn ikemeke nditịn̄ se ini iso edidade edi. [w99-EF 5/1 p. 29 ikp. eki. 4-5]

35. Nsụhọdeidem ada ediwak utịp edi. [w99-EF 2/1 p. 7 ikp. eki. 6]