Mme Ntọt

◼ Mme n̄wed ẹnọde ke March: Ifiọk Oro Adade Osịm Nsinsi Uwem. Ẹyesịn san̄asan̄a ukeme nditọn̄ọ mme ukpepn̄kpọ Bible. April ye May: Idem Enyọn̄-Ukpeme ye Awake! kiet kiet. Kama ediye uduot ekpri n̄wed Oyom man ọnọ mme owo ẹmi ẹnyenede udọn̄, nyụn̄ domo nditọn̄ọ mme ukpepn̄kpọ Bible. June: Nso ke Abasi Oyom Oto Nnyịn? Wụk ntịn̄enyịn ke nditọn̄ọ mme ukpepn̄kpọ Bible.

◼ Mme asuanetop oro ẹyomde ndinam utom nte mme asiakusụn̄ unọ un̄wam ke April ye May ẹkpenyene ndinam ndutịm mmọ idahaemi ẹnyụn̄ ẹbabak ẹsịn eben̄e mmọ. Emi ayan̄wam mbiowo ndinam mme ndutịm an̄wautom oro ẹyomde ẹnyụn̄ ẹnyene mme magazine ye mme n̄wed oro ekemde. Ẹkpenyene nditọt enyịn̄ kpukpru owo oro ẹnọde unyịme ndinam utom usiakusụn̄ unọ un̄wam nnọ esop kpukpru ọfiọn̄.

◼ Nsiondi Utom Obio Ubọn̄ Nnyịn emi esịne ọyọhọ ndutịm ukpepn̄kpọ n̄wed oro Nọ Ntịn̄enyịn ke Prọfesi Daniel! Afo emekeme ndinam idem efen efen nsịn ke ọkpọkpọ n̄wed fo man ekeme ndisọp nse.

◼ Esenyịn oro etiede ibuot m̀mê owo en̄wen oro enye emekde ekpenyene ndidụn̄ọde ibatokụk esop ke March 1 m̀mê usọp usọp nte ekekeme ke oro ebede. Ke ẹma ẹkenam emi, tọt esop ke ẹma ẹkekot ntọt ibatokụk efen.

◼ Ẹdinịm Editi ke Wednesday, April 19, 2000. Edieke esop mbufo esinyenede mbono esop ke Wednesday, ẹnyene ndiwọn̄ọde mmọ nnịm usen efen ke urua oro edieke ufan̄ odude ke Ufọk mbono Obio Ubọn̄. Edieke owo mîkemeke ndinam emi ndien enye otụk Esoputom mbufo, ẹkeme ndisịn ikpehe oro enen̄erede enyene n̄kpọ ndinam ye esop mbufo ke Esoputom efen.

◼ Mbon oro ẹbuanade ye esop ẹkpenyene ndinọ kpukpru mbufa editobo ye edifiak ntobo kaban̄a Enyọn̄-Ukpeme ye Awake! ẹbe ke esop.

◼ N̄ka inamke n̄kpọ iban̄a n̄wed oro mme asuanetop kiet kiet ẹtobode. Esenyịn oro etiede ibuot ekpenyene ndidiomi man ẹnọ ntọt ke ọfiọn̄ kiet kiet mbemiso ẹnọde editobo eke ọfiọn̄ ke ọfiọn̄ eke esop ẹsọk N̄ka man kpukpru owo ẹmi ẹnyenede udọn̄ ndibọ ọkpọkpọ n̄wed ẹkeme ndisian eyenete emi akamade n̄wed. Mbọk ẹti mme n̄wed oro ẹbọde ke san̄asan̄a eben̄e.