Mme Ntọt

◼ Mme n̄wed ẹnọde ke August ye September: Ikọmbakara—San̄asan̄a edinọ otu n̄wed iba ke ₦40 ye otu n̄wed inan̄ ke ₦80 emi ẹketobode ẹto n̄kọk itieutom nte ẹkewụtde ke leta nnyịn eke March 23, 1998. N̄ko, ẹkeme ndinọ ekededi ke otu n̄wed oro ẹnyenede page 192 ke usem ekededi oro esop ekemede ndinyene ke san̄asan̄a etịbe edide ₦20, ke ẹsiode Ifiọk Oro Adade Osịm Nsinsi Uwem, Ukpọhọde Inemesịt Ubon, Ñwed-item Ufök-ñwed Utom Ukara Abasi, ye Ẹtịm Man Inam Utom Nnyịn Ima, ẹfep. Ẹkeme ndibọ mmọ ẹmi ke isọn nte ẹkewụtde ke leta nnyịn. October: Editobo Awake! m̀mê Enyọn̄-Ukpeme m̀mê magazine mbiba. November: Ifiọk Oro Adade Osịm Nsinsi Uwem.

◼ Nnyịn imọbọ ntọt ito ediwak Kọmiti Unyene Nneme ye Mbon Ufọkibọk iban̄a ifiọkutom mmọ ke ini mmọ ẹkade mme ufọkibọk. Ndusụk dọkta ye mme nurse ẹseme ẹte ke Mme Ntiense Jehovah isikamake mme kad Medical Directive mmọ ke ini mmọ ẹyomde ndibọ usọbọ. Mmọ n̄ko ẹtọt ẹte ke ini ẹwetde n̄kpọ ẹyọhọ babru Hospital Registration m̀mê Admission ye mme n̄wed eken, ediwak ke otu nditọete nnyịn ẹsiwet ikọ oro “Christian” ndiwụt ido ukpono mmọ. Emi emesịn ndutịme ke edidiọn̄ọ ndusụk nnyịn nte Mme Ntiense Jehovah oro mîmaha ẹkama iyịp ke ibọk usọbọ. Utu ke oro, nnyịn ikpenyene ndiwet “Jehovah’s Witnesses.” Ke usụn̄ emi, mmọ inikiet inikiet ẹyediọn̄ọ owo emi nnyịn idide man ẹkeme ndinọ usọbọ oro odotde. Nte ededi, nnyịn iyomke nditre ndisian dọkta toto ke editọn̄ọ nte ke nnyịn idi Mme Ntiense Jehovah. Nnyịn idụri ntịn̄enyịn mbufo ika se ẹketịn̄de ke leta nnyịn eke July 19, 1995, oro ẹkewetde ẹnọ ẹsọk kpukpru esop, nte ke nnyịn ida mme mfịna isọk idem nnyịn ye mme ufọkibọk ke ini nnyịn mîtieneke ndutịm eke enyọn̄ emi.

◼ Ẹdikpep udịm udịm ndiye uduot n̄kpri n̄wed ke Ukpepn̄kpọ N̄wed Esop ke ẹkụrede Inemesịt—Nte Ẹkemede Ndinyene Enye. Ọtọn̄ọde ke urua September 21 (idịghe September 28 nte ẹketọtde ke Utom Obio Ubọn̄ Nnyịn eke May), ẹdikpep ediye uduot ekpri n̄wed Oyom. Se iditienede emi edidi edikpep Nso Idi Uduak Uwem—Didie ke Afo Ekeme Ndikụt Enye? ye Nte Abasi Enen̄ede Ekere Aban̄a Nnyịn?

◼ Ẹnọ mme babru oro ẹkemde ẹsọk esop kiet kiet ndikama ke isua utom 1999. Mbọk ẹda mme babru ẹmi ẹnam n̄kpọ ye mbufiọk. Ẹkpenyene ndida mmọ nnam se ẹkenamde mmọ ẹnọ kpọt.

◼ Esop kiet kiet ọyọbọ babru Literature Inventory (S-18) ita. Ewetn̄wed esop ekpenyene ndisobo ye asan̄autom akamade n̄wed ke ntọn̄ọ ntọn̄ọ August ẹnyụn̄ ẹnịm usen ndibat mme n̄wed ẹdude ke esop ke utịt ọfiọn̄ oro. Ana ẹbat ata edibabat kpukpru n̄wed ẹdude, ndien ẹnyene ndiwet ofụri ibat nsịn ke babru Literature Inventory. Ẹkeme ndibọ ofụri ibat magazine ẹdude nto asan̄autom akamade magazine. Mbọk ẹnọ akpa ikọn̄ oro ẹsọk N̄ka okûbịghi akan September 6. Sịn udiana ikọn̄ ke usịn n̄wed mbufo. Ẹkeme ndida ọyọhọ ikọn̄ ita nte babru uwetn̄kpọ. Ewetn̄wed esop ekpenyene ndise enyịn ke nte ẹwetde n̄kpọ ke babru emi, ndien esenyịn oro etiede ibuot ekpenyene ndidụn̄ọde babru oro ẹwetde n̄kpọ ẹdọn̄ ẹyọhọ. Ewetn̄wed ye esenyịn oro etiede ibuot ẹyesịn ubọk ke babru oro.

◼ Ọtọn̄ọde ke August 21, 1998, esịm August 30, 1998, N̄ka ayadian ibat ofụri n̄wed ẹmi ẹdude ke Igieduma. Ke ntak udian ibat emi, owo idinọhọ mme n̄wed oro esop otobode ẹwọrọ m̀mê ndidi se ẹmende ke mme usen ẹmi.

◼ Kọmiti Utom Esop ekpenyene ndinọ kpukpru n̄wed eben̄e utom usiakusụn̄ ofụri ini usọp usọp ntịn̄enyịn. Kọmiti utom ikpenyeneke ndimụm n̄wed eben̄e nnịm man ese m̀mê owo oro esịnde eben̄e ekeme ndisịm hour oro ẹyomde. Nte ido edide, ẹkeme ndikpụhọ usenọfiọn̄ oro ẹmekde owo ke mme n̄wed eben̄e oro ẹbọde ke usenọfiọn̄ oro ẹkeben̄ede ama ekebe. Owo inamke edimek oro akade edem edem ibọhọke mme akpan ntak ẹmi ẹsụhọrede idaha n̄kpọ ẹdu. Edieke mme utọ idaha oro ẹdude, leta ekpenyene ndisan̄a ye n̄wed eben̄e oro.—Se esịne-esịt Utom Obio Ubọn̄ Nnyịn eke September 1986, ikpehe ekikere 24-26.

◼ Ẹnọ ikọn̄ S-10 Congregation Analysis Report iba ẹsọk esop kiet kiet. Ẹkpenyene ndiwet n̄kpọ nyọhọ babru emi ye akwa ntịn̄enyịn ndien ẹnọ akpa ikọn̄ ẹsọk N̄ka okûbịghi akan September 6, 1998, ye ibatutom August. Udiana ikọn̄ edi eke usịnn̄wed mbufo.