Mme Ntọt
◼ Mme n̄wed ẹnọde ke December: Ikọmbakara—New World Translation ye n̄wed oro The Bible—God’s Word or Man’s? Se ẹnọde ke ukpụhọ: Akakan Owo Oro Akanam Odude Uwem m̀mê N̄wed Mi eke Mme Mbụk Bible. Yoruba—New World Translation of the Christian Greek Scriptures ye n̄wed oro Ifiọk Oro Adade Osịm Nsinsi Uwem. Se ẹnọde ke ukpụhọ: Akakan Owo Oro Akanam Odude Uwem m̀mê n̄wed ekededi oro enyenede page 192. Mme usem eken—Ifiọk Oro Adade Osịm Nsinsi Uwem. Se ẹnọde ke ukpụhọ: Akakan Owo Oro Akanam Odude Uwem, N̄wed Mi eke Mme Mbụk Bible, m̀mê n̄wed ekededi oro enyenede page 192. January: Ẹkeme ndinọ n̄wed ekededi oro enyenede page 192 emi ẹkemịn̄de ke babru oro akabarede etie utouto m̀mê oro okpụhọrede uduot m̀mê ekededi oro ẹkesiode mbemiso 1985 ke usụhọde ekọmurua. Edieke mme esop ekededi ẹsụk ẹnyenede Ndinam Uwem Ufọk Fo Enem, mmọ ẹkeme ndinọ enye emi n̄ko ke usụhọde ekọmurua. Inaha ẹsịn mme n̄wed eken ẹmi ẹnyenede page 192 ẹmi ẹkesiode mbemiso 1985 oro ẹmịn̄de ke babru oro mîkpaha mmọn̄ m̀mê mîkpụhọkede uduot ke edinọ eke usụhọde ekọmurua emi. Se ẹnọde ke ukpụhọ: True Peace and Security—How Can You Find It?, Ndidiana Kiet ke Utuakibuot Ata Abasi Kierakiet, Edibọhọ Ndụk Obufa Isọn̄, m̀mê Worldwide Security Under the “Prince of Peace.” February: Ediyarade—Ubọn̄ Ubọn̄ Ata-Utịt Esie Emekpere! Se ẹnọde ke ukpụhọ: Akani n̄wed ekededi oro enyenede page 192 emi odude. March: Ifiọk Oro Adade Osịm Nsinsi Uwem. Wụk ntịn̄enyịn ke nditọn̄ọ mme ukpepn̄kpọ Bible. TỊM FIỌK: Mme esop oro ẹdiyomde mme n̄wed ubịnikọt oro ẹsiakde ke enyọn̄ emi ẹkpenyene ndinọ eben̄e mmọ ẹdi ke Literature Order Form (S-14) eke ọfiọn̄ ke ọfiọn̄ mmọ efen.
◼ Mme esop oro ẹsụk ẹnyenede Mbụk Obio Ubọn̄ Nọ. 35 ẹkeme ndisịn udọn̄ nnọ mme asuanetop ndinọ mmọ ke ukem usụn̄ oro ẹsinọde mme tract, edide to ke enyịnusụn̄ sịm enyịnusụn̄ m̀mê ke ebiet en̄wen. Ke ọfọnde, mme asuanetop ẹkeme ndinịm kiet ke ufọk kiet kiet oro owo mîdụhe, ẹtịmde ẹkụt ẹte ke owo emi asan̄ade ebe ikemeke ndikụt. Ẹkpenyene ndisịn mme ukeme ndideme kpukpru idem akpan etop emi ẹsụhọde.
◼ Mbiowo ẹkpenyene nditọn̄ọ idahaemi ndinam ndutịm ke mbemiso nnọ akpan ubịnikọt magazine eke ofụri idụt ke December 25 ye 26. Ẹkpenyene ndisịn udọn̄ nnọ kpukpru owo ndibuana ke akpan utom emi.
◼ Esenyịn oro etiede ibuot m̀mê owo oro enye emekde ekpenyene ndidụn̄ọde ibatokụk esop ke December 1 m̀mê usọp usọp nte ekekeme ke oro ebede. Tọt esop ke ẹma ẹkenam emi.
◼ Editi eke 1999 edidi ke Thursday, April 1, ke utịn ama okosụhọde. Ẹnọ mbemiso ntọt emi man nditọete ẹkeme ndinam ndutịm oro odotde ndimụm m̀mê ndibọ mme ufọkmbono ẹmi ẹdude nnịm ke ini ediwak esop ẹdade Ufọkmbono Obio Ubọn̄ ẹnam n̄kpọ ndien anade mmọ ẹyom mme ufọk efen. Mbiowo ẹkpenyene ndidụk ediomi ye mme akama utom man ẹkụt ẹte ke mme edinam efen ke ufọk oro ididaha ndutịme idi man Editi ekeme ndika iso emem emem ye ke ido nte eyede. Ke ntak nte usọrọ emi edide akpan n̄kpọ, ke ndimek etịn̄ikọ Editi, otu mbiowo ekpenyene ndimek kiet ke otu mbiowo emi etịmde odot utu ke n̄kukụre ndinọ owo kiet kiet ufan̄ m̀mê ndinam eyenete kiet ọnọ kpukpru isua.