Edifiak-nse Eke Ufọkn̄wed Utom Ukara Abasi
Edifiak-nse ẹkịbide-kịbi n̄wed, ẹkụrede se ẹkenọde ẹnam ke Ufọkn̄wed Utom Ukara Abasi ke mme urua May 5 esịm August 18, 1997. Kama san̄asan̄a ikọn̄n̄wed da wet ibọrọ ke adan̄a ediwak mbụme nte afo ekekeme ke ini oro ẹnọde.
[Tịm fiọk: Ke ini edifiak-nse emi, emekeme ndikama Bible kpọt mbọrọ mbụme ekededi. Mme n̄kpọ oro ẹwetde ẹdian ke etienede mme mbụme ẹdi kaban̄a ọkpọkpọ ndụn̄ọde fo. Ekeme ndidi mme nọmba page ye ikpehe ekikere ididụhe ke kpukpru se ẹdade ẹto Enyọn̄-Ukpeme.]
Bọrọ m̀mê mme utịn̄ikọ ẹtienede mi ẹdi Akpanikọ m̀mê Nsu:
1. Jesus ndikop mbọm, ẹwụtde ke Mark 1:41, owụt ima ima edikere mban̄a oro Jehovah ekerede aban̄a mme owo. [Edikot Bible eke urua ke urua; se w96-EF 3/1 p. 5.]
2. Ediyarade 7:16 owụt ke mme andibuana ke akwa otuowo idisoboke ukọbọ otode ererimbot. [uw-EF p. 108 ikp. eki. 11]
3. Mbụme John Andinịm Owo Baptism ke Luke 7:19 ayarade ete ke enye ama anana mbuọtidem. [Edikot Bible eke urua ke urua; se w87-EF 1/1 p. 16.]
4. Ke akpatre Passover oro Jesus akadiade ye mme mbet esie, ekedi Peter kpọt ọkọdọhọ enye ete: “Ndikan̄ke Fi.” [Edikot Bible eke urua ke urua]
5. Uyarade ndomokiet idụhe ke Bible ndiwụt nte ke apostle Peter ekedi ọdọ ndọ owo. [Edikot Bible eke urua ke urua]
6. Ẹkụt mme ikpehe ukperedem ini ke Matthew 24, Mark 13, ye Luke 21 kpọt. [kl-EF p. 102 ekebe]
7. Eyedi Mark ekewet Gospel esie akpan akpan ọnọ mme Jew. [w89-EF 10/15 p. 30]
8. Ke ini Jesus ọkọdọhọde mme Pharisee ete ke Obio Ubọn̄ Abasi odu ke otu mmọ, enye eketịn̄ aban̄a idemesie nte Edidem ini iso. (Luke 17:21) [kl-EF p. 91 ikp. eki. 6]
9. Edinam an̄wan̄a ndomokiet eke owụtde eti ibuot idụhe kaban̄a ntak emi n̄wed Luke ọdọn̄ọde nsio nsio ikọ awak akan Gospel ita eken ke ẹtan̄de ẹdian. [w89-EF 11/15 p. 24]
10. Owo itịn̄ke n̄kpọ ndomokiet ke Bible itụk mme edu oro anade akwa otuowo ẹnyene man ẹbọhọ Armageddon. [uw-EF p. 105 ikp. eki. 5]
Bọrọ mme mbụme ẹtienede mi:
11. Ke idak ibet mme Jew, nso ikakwan̄a ke ndọ Herod Antipas ye Herodias? (Mark 6:18) [Edikot Bible eke urua ke urua]
12. Nso isikpan ndusụk owo ndibọ item? [uw-EF p. 127 ikp. eki. 4]
13. Mme itien̄wed ewe ke Psalm ye ke Mme Hebrew ẹwụt ke Jesus ikọtọn̄ọke ndikara ke ndondo oro enye ọkọdọkde ke heaven? [kl-EF p. 96 ikp. eki. 15]
14. Nso ke ikọ Jesus ọkọwọrọ ke ini enye ọkọdọhọde ete: “Ẹnyene inụn̄ ke esịt mbufo, ẹnyụn̄ ẹtie ke emem ye kiet eken”? (Mark 9:50) [Edikot Bible eke urua ke urua; se w85-EF 11/15 p. 24 ikp. eki. 12.]
15. Nso eti ukpepn̄kpọ ke nnyịn ikeme ndikpep nto nte Jesus akanamde n̄kpọ aban̄a etịbe ubuene ebeakpa oro? (Mark 12:42-44) [Edikot Bible eke urua ke urua; se w87-EF 12/1 p. 29 ikp. eki. 7–p. 30 ikp. eki. 1.]
16. Mark akasan̄a didie enyene ata ọyọhọ ntọt ndiwet mbụk Gospel esie? [w89-EF 10/15 p. 30]
17. Ke ini nnyịn imende Matthew 6:9, 10 idomo ye Luke 11:2-4, ntak emi nnyịn ikemede ndibiere nte ke akam uwụtn̄kpọ Jesus ikedịghe n̄kpọ anade ẹfiak ẹtịn̄ ofụri ikọ oro ukem ukem? [Edikot Bible eke urua ke urua; se w90-EF 5/15 p. 16 ikp. eki. 6.]
18. Ke nso usụn̄ ke nnyịn ikeme ndisọn̄ọ mbuọtidem nnyịn ke nte Bible ekemede ndidi se ẹberide edem ke ini ikotde mme utọ itien̄wed nte Luke 3:1, 2? [Edikot Bible eke urua ke urua; se w94-EF 6/1 p 9 ikp. eki. 5.]
19. Nte ekemde ye Ediyarade 7:14, owo ndiyet ọfọn̄idem ke iyịp Eyenerọn̄ ada ekesịm nso? [uw-EF p. 106 ikp. eki. 6-7]
20. Sia nnyịn ifiọkde ite ke akananam Jesus inanake mbuọtidem ke Abasi, ntak emi enye okofioride ete: “Abasi Mi, Abasi Mi, nsinam Afo ọkpọn̄de Mi?” (Mark 15:34) [Edikot Bible eke urua ke urua; se w87-EF 6/15 p. 31.]
Dọn̄ (mme) ikọ m̀mê ubak udịmikọ ẹyomde man ẹyọhọ mme utịn̄ikọ kiet kiet ẹtienede mi:
21. Bred ye wine oro ẹsikamade ke usọrọ Editi ẹdi sụk _________________________, emi bred adade aban̄a _________________________ ndien wine adade aban̄a _________________________ esie. [uw-EF p. 115 ikp. eki. 13]
22. Ke ini nnyịn ikerede iban̄a se ikenen̄ede ida itie, etie nte ana in̄wan̄în̄wan̄ nte ke ikot edika heaven ke ofụri ofụri ama esịm utịt ke n̄kpọ nte isua _________________________, ke ini ẹkediọn̄ọde in̄wan̄în̄wan̄ ẹban̄a idotenyịn eke isọn̄ emi _________________________ ẹnyenede. [uw-EF p. 112 ikp. eki. 6]
23. Ke ini John Andinịm Owo Baptism ọkọtọn̄ọde ndikwọrọ ikọ, andikara Judea ekedi _________________________ ndien andikara ikpehe Galilee ekedi _________________________. [Edikot Bible eke urua ke urua; se Luke 3:1.]
24. Spirit oro etiede ntiense ye odudu oro anamde utom ke ekikere ye esịt mbon oro ẹnen̄ede ẹdi nditọ Abasi edi _________________________. [uw-EF p. 113 ikp. eki. 9]
25. Nte ẹwụtde ke Luke 10:16, ke ini nnyịn ye esịtekọm inyịmede mme ndutịm eke spirit oro ebede ke _________________________ ye Otu Ukara esie, nnyịn iwụt ukpono inọ _________________________. [uw-EF p. 123 ikp. eki. 13]
Mek nnennen ibọrọ ke mme utịn̄ikọ kiet kiet oro ẹtienede mi:
26. Nti ikọt Abasi ẹmi ẹketịn̄de ke Matthew 27:52 (ẹma ẹset ke obụk ke ibio ini; ẹkenen̄ede ẹdi mme okpo emi unyekisọn̄ okosion̄ode ke mme udi obon; ẹma ẹset ẹkenyene uwem eke heaven mbemiso Jesus ekesetde). [Edikot Bible eke urua ke urua; se w90-EF 9/1 p. 7.]
27. Obio Ubọn̄ oro Jesus ọkọkwọrọde aban̄a edi (udiana n̄kpọ, ata akpan n̄kpọ) ọnọ itie edikara ekondo Abasi. [kl-EF p. 91 ikp. eki. 4]
28. Edisana spirit ama ọsọn̄ọ edimek oro ẹkemekde “asan̄autom emi anamde akpanikọ, onyụn̄ enyenede ọniọn̄” ke isua (33 E.N.; 1918; 1919). (Matt. 24:45) [uw-EF p. 119 ikp. eki. 6]
29. Mbet emi kpukpru mme Christian, edi akpan akpan mbon oro ẹdude ke mme itie edise enyịn ke esop Abasi, ẹkpenyenede nditiene edi: “Enyeemi (okohode idem akan; edide akpan owo akan; ekpride akan) ke otu mbufo kpukpru, kpa enye edidi akamba.” (Luke 9:48) [uw-EF p. 123 ikp. eki. 12]
30. Nte ẹwetde ke (Matthew 10; Matthew 24; Luke 21), Jesus ama ọnọ mbon oro enye ọkọdọn̄de ẹkekwọrọ ikọ mme akpan item utom. [Edikot Bible eke urua ke urua]
Wet mme itien̄wed ẹtienede mi ẹkekem ye mme utịn̄ikọ ẹwetde mi ke idak:
N̄ke 4:13; Dan. 7:9, 10, 13, 14; Mark 7:20-23; 13:10; Luke 8:31
31. Nnyịn ikpenyene ndidu ke edidemede ndidiọn̄ọ idiọk m̀mê mbiara odudu ekededi oro ekemede ndidụk ekikere ye esịt nnyịn nnyụn̄ nsio enye mbemiso enye ọdọn̄de n̄kam. [Edikot Bible eke urua ke urua; se w89-EF 11/1 p. 14 ikp. eki. 16.]
32. Mme demon ẹyediana ye Satan ke idaha unana utom oro ebietde n̄kpa ke “tọsịn isua.” (Edi. 20:3) [Edikot Bible eke urua ke urua]
33. Oyom edu edinam n̄kpọ usọp usọp man otodo ẹnam utom unọ ikọ ntiense ẹma ke esisịt ini. [Edikot Bible eke urua ke urua; se w95-EF 10/1 p. 27.]
34. Ndikop item ekeme ndikpeme owo mbiọn̄ọ editịn̄ ye edinam mme n̄kpọ oro ẹkemede ndinam owo atua n̄kpọfiọk. [uw-EF p. 128 ikp. eki. 6]
35. Okposụkedi nnyịn mîkemeke ndikụt edibotn̄kpọ eke spirit, Ikọ Jehovah ọnọ nnyịn ukpọn̄ ukpọn̄ ndise esop eke heaven emi enyịn mîkwe ye ndusụk edinam esop esie oro ẹtụkde mme andituak ibuot nnọ enye ke isọn̄. [uw-EF p. 117 ikp. eki. 1]