Mme Ntọt

◼ Mme n̄wed ẹnọde ke November: Ikọmbakara—New World Translation of the Holy Scriptures ye The Bible—God’s Word or Man’s? ke ₦400 (Bible ikpọn̄, ₦320). Yoruba—New World Translation of the Christian Greek Scriptures ke ₦120. Mme usem eken—N̄wed Mi eke Mme Mbụk Bible ke ₦240 m̀mê Afo Emekeme Ndidu Uwem ke Nsinsi ke Paradise ke Isọn̄ (akamba udomo, ₦240; ekpri udomo, ₦120). December: Kpukpru usem—Akakan Owo Oro Akanam Odude Uwem. Edieke mîdụhe, ẹkama N̄wed Mi eke Mme Mbụk Bible m̀mê Afo Emekeme Ndidu Uwem ke Nsinsi ke Paradise ke Isọn̄. January: Kpukpru usem—Ẹkeme ndinọ n̄wed ekededi oro enyenede page 192 oro ẹkemịn̄de ke babru oro akabarede etie utouto m̀mê oro okpụhọrede uduot m̀mê ekededi oro ẹkemịn̄de mbemiso 1982, ke usụhọde ekọmurua. Owo inyeneke ndisịn n̄wed oro ẹkemịn̄de ke babru oro mîkpaha mmọn̄ m̀mê oro mîkpụhọkede uduot ke se ẹnọde ke usụhọde ekọmurua emi. February: Efịk, Igbo, ye Ikọmbakara—Ediyarade—Ubọn̄ Ubọn̄ Ata-Utịt Esie Emekpere! Mme usem eken—Afo Emekeme Ndidu Uwem ke Nsinsi ke Paradise ke Isọn̄. TỊMFIỌK: Mme esop oro ẹdiyomde mme n̄wed ubịnikọt oro ẹsiakde ke enyọn̄ emi ẹkpenyene ndinọ eben̄e mmọ ẹdi ke Literature Order Form (S-14) eke ọfiọn̄ ke ọfiọn̄ mmọ efen.

◼ N̄ka oyom mme akabade n̄wed ke mme usem oro ẹtienede mi: Efịk, Gun, Hausa, Igala, Igbo, Isoko, Tiv, ye Yoruba. Owo oro ke nsụhọde n̄kaha ekpenyene ndidi ama aka ufọkn̄wed ke isua 12, enyene credit ke Ikọmbakara ke udomo GCE m̀mê WASC/SSCE ye credit ke usem emana esie edieke enye eketiede udomo oro ke GCE m̀mê WASC/SSCE (owo inen̄ekede iyom akpatre emi). Owo ekededi oro ekerede ke imọ imekeme ndidot emi onyụn̄ enyenede udọn̄ ndinam utom ke Bethel ekpenyene ndiwet N̄ka mben̄e n̄wed eben̄e utom Bethel. Leta oro ekpenyene ndisịne ntọt aban̄ade idaha ifiọkn̄wed esie ye usem oro enye ekerede ke imọ imekeme ndidot nte akabade n̄wed. Ọkpọfọn enye n̄ko ọnọ ibọrọ udomo m̀mê setifiket esie ẹsọk nnyịn. Edieke enye enyenede se ikande GCE m̀mê WASC/SSCE, enye ekeme ndinọ setifiket owụtde idaha n̄wed esie eke idahaemi edi. Mme owo oro ẹsịnde eben̄e ẹkpenyene ndidi mbon oro mîdọhọ ndọ m̀mê mbon oro ẹdọde ndọ edi mînyeneke nditọ, ndien mmọ ẹkpenyene ndidu ke idaha ndinyịme ikot edidi Bethel.

◼ Ọtọn̄ọde ke December 4, 1995, n̄wed Ndidiana Kiet ke Utuakibuot Ata Abasi Kierakiet ke ẹdikpep ke Ukpepn̄kpọ N̄wedesop.