Tịm Idem nọ Editi

Nte ẹsian kpukpru owo, esịnede etịn̄ikọ, ẹban̄a nnennen ini ye ebiet emi ẹdinịmde usọrọ emi? Ndi etịn̄ikọ ọfiọk ke ndutịm emi inyeneke ndibe minit 45?

Nte ẹma ẹmek owo ndibọ mme n̄kpọ idiọn̄ọ? (Se Enyọn̄-Ukpeme eke February 15, 1990, page 16-18.) Nte ẹma ẹnam ndutịm kaban̄a okpokoro oro ẹdinịmde ye edisana ọfọn̄ okpokoro ye mme akrasi ye usan oro ẹkemde?

Ndi ẹma ẹnam ndutịm ndinam Ufọkmbono Obio Ubọn̄ asana mbemiso ye ke oro ebede? Ndi ẹma ẹmek mme adaidaha ye mme andimen n̄kpọ nsan̄a? Ndi ẹma ẹnịm mbono ye mmọ man ẹneme ẹban̄a mme utom mmọ? Nso ndutịm ke ẹditiene man ẹkụt ẹte ke ẹnọ kpukpru owo nte ekemde?

Nte ẹma ẹnam ndutịm ndin̄wam nditọete iren ye iban oro ẹdide mbonusọn̄ ye mbon n̄kpọnnam man ẹdụk? Edieke owo oro ẹyetde aran ekededi odude emi mîkemeke ndika n̄kpọ ndien mîdikemeke ndidu do, nte ẹnam ndutịm ndinọ mmọ?