Akpan Utịn̄ikọ An̄wa

Ini Ewe ke Idinyene Ata Emem ye Ifụre?

Mme owo ẹmeyom emem ye ifụre ke ata ediwak isua. Edi mmọ ikemeke ndinyene ata emem. Ntak-a? Bible ọnọ akpan ntak iba oro mîyakke ubonowo enyene emem. Enye onyụn̄ ọnọ nnyịn inem inem ikọ ndọn̄esịt emi: Abasi ọmọn̄wọn̄ọ ndinam ubonowo enyene ata emem ye ifụre ke nsinsi ke ofụri ererimbot.

Ini ewe ke idinyene ata emem ye ifụre emi, ndien idisan̄a didie inyene? Nso ke ana afo anam man etiene ọbọ mme edidiọn̄ emi? Ẹyebọrọ mme mbụme emi ke akpan utịn̄ikọ an̄wa emi ibuotikọ edide, “Ini Ewe ke Idinyene Ata Emem ye Ifụre?” Ẹdinọ utịn̄ikọ Bible emi ke se ibede idụt 230 ke ofụri ererimbot. Ẹdinọ enye ke ata ediwak ebiet ke Ufọkmbono Obio Ubọn̄ Mme Ntiense Jehovah ke Sunday, April 18, 2010. Mme Ntiense Jehovah ke edem mbufo ẹyesian fi ini ye ebiet oro ẹdinọde utịn̄ikọ emi. Imokot fi ke ofụri esịt ite etiene edikop.