Mek Uwem Nsinsi

MME owo ẹnyene ata ekese n̄kpọ ndimek. Ke uwụtn̄kpọ, isimemek ọfọn̄ oro nnyịn isịnede, udia oro idiade, ebiet oro inamde utom, ye ebiet oro idụn̄de. Ke ediwak ikpehe ererimbot, ẹsiwak n̄ko ndimemek nsan̄a ndọ. Nte ededi, Bible ọnọ nnyịn akakan n̄kpọ ndimek—enye oro ofụri ubonowo ẹnyenede ndimek.

Bible ọdọhọ ete: “Nte eti ido asan̄ade ke uwem: kpa ntre n̄ko ke owo eke ebịnede idiọk ido asan̄a etiene n̄kpa esie.” (Mme N̄ke 11:19) Ndien Jesus Christ ọkọdọhọ ete: “Ndien nsinsi uwem oro edi ndifiọk Fi, ata Abasi kierakiet, ye Enye emi Afo ọkọdọn̄de, kpa Jesus Christ.”—John 17:3.

Ih, Andibot nnyịn ọmọnọ nnyịn ifet ndimek usụn̄ uwem oro ekemede ndida nsịm uwem nsinsi! Nso ke nnyịn ikpanam man inyene nsinsi uwem?

Nte Bible ọdọhọde, “uwem odu ke usụn̄ edinen ido.” (Mme N̄ke 12:28) Nnyịn imekeme ndidu ke otu ndinen owo oro ẹsan̄ade ke usụn̄ uwem nsinsi. Didie? Ebe ke ndikụt nte ke imodu uwem ekekem ye uduak Abasi ye mme ewụhọ esie. (Matthew 7:13, 14) Ke ntre, nnyịn ikpakam inam eti edimek inyụn̄ ibọ enọ Abasi edide nsinsi uwem.—Rome 6:23.