“Ke Akpatre, Mmọdiọn̄ọ Mfịna Mi!”

ORO edi se eren kiet ke Tokyo ọkọdọhọde ke enye ama okokot mbụk eyouwem ke nsiondi Enyọn̄-Ukpeme December 1, 2000. Ibuotikọ ekedi “Mbufo Ifiọkke Se Iditịbede N̄kpọn̄,” ndien Enyọn̄-Ukpeme oro ama obụk ifiọk n̄kpọntịbe akani isụn̄utom oro ọkọdọn̄ọde udọn̄ọ oro ẹdiọn̄ọde nte udọn̄ọ ibuot.

Eren Tokyo oro ọkọdọhọ ke leta oro enye ekewetde ọnọ mme andisio magazine emi ete: “Mma nsinyene mme ata ukem idiọn̄ọ udọn̄ọ oro ẹketịn̄de mi. Ntre mma n̄ka ufọkibọk mbon udọn̄ọ ibuot ndien ẹma ẹsian mi ẹte ke ndọn̄ọ udọn̄ọ ibuot. Idem ama akpa abiaibọk oro ekesede mi idem. Enye ọkọdọhọ ete, ‘Mbon oro ẹdọn̄ọde udọn̄ọ emi isiwakke ndikere ke mmimọ idọdọn̄ọ.’ Ẹma ẹn̄wam mi ndidiọn̄ọ udọn̄ọ oro mbemiso ebede ubọk.”

Ediwak miliọn owo ke ofụri ererimbot ẹbọ ufọn ke nsio nsio usụn̄ ẹto ndikot kpukpru nsiondi magazine Enyọn̄-Ukpeme ye nsan̄a esie, Awake! Mmọ ẹkụt nte mme ibuotikọ esie ẹnyenede ufọn ẹnyụn̄ ẹnọde uyụhọ. Ẹmịn̄ magazine Enyọn̄-Ukpeme idahaemi ke usem 141, ndien ẹmịn̄ Awake! ke usem 86. Afo n̄ko oyokop inem ndikot Enyọn̄-Ukpeme ye Awake! kpukpru ini.