‘Ẹkọm Mme Ntiense Jehovah Kaban̄a Ifụre Ido Ukpono’

“MBEMISO afo ebịn Mme Ntiense Jehovah, tuak da kere esuene esuene ukọbọ emi mmọ ẹkeyọde ke ndondo emi, ọkọrọ ye ata ekese n̄kpọ oro mmọ ẹtịpde ẹsịn ke ndinam mme ifụre Akpa Edinen̄ede oro nnyịn inyenede idahaemi ẹdu,” ntem ke ibuotikọ kiet ke n̄wedmbụk n̄kpọntịbe oro USA Today, ọdọhọ. Ẹma ẹkọbọ Mme Ntiense Jehovah ke United States ke ofụri iduọk isua 1940 ke ntak edisịn ndikọm ọfọn̄ etakubom, ke adianade ye mme n̄kpọ efen.—Exodus 20:4, 5.

Ẹma ẹkot Mme Ntiense Jehovah n̄kpọ nte ikpe 30 ke N̄kponn̄kan Esopikpe United States ke ufan̄ isua ition ọtọn̄ọde ke 1938 esịm 1943. Ibuotikọ oro ọdọhọ ete: “Mme Ntiense ẹma ẹsidemede mme akpan eneni ẹban̄a Akpa Edinen̄ede oro ndien ndien tutu Ayaraiwat Harlan Fiske Stone ama ewet ete, ‘Ẹkpenyene ndikpe utomo nnọ Mme Ntiense Jehovah ke ẹkerede ẹban̄a un̄wam emi mmọ ẹnọde ke ndikọk mme mfịna ifụre mbio obio oro ekemde ye ibet.’”

Ntem, ke ekperede utịt, ibuotikọ oro ọdọhọ ete: “Kpukpru ido ukpono ẹkpenyene ndikọm Mme Ntiense Jehovah ke mmọ nditat ifụre [ido ukpono].”

[Ndise ke page 32]

Edem edem, ufọk: Ndise Josh Mathes, Ẹbọ ẹto N̄kponn̄kan Esopikpe United States; isọn̄ isọn̄ ufien, mme ebiereikpe: Ẹbọ ẹto N̄kponn̄kan Esopikpe United States